#Xalqaro_hamkorlik

Turkiya delegatsiyasi “Adolat” milliy huquqiy axborot markaziga tashrif buyurdi

Bugun, 22-sentyabr kuni Turkiya Respublikasi adliya vaziri o‘rinbosari Burak Jeyhan boshchiligidagi delegatsiya O‘zbekiston Respublikasi Adliya vazirligi qoshidagi “Adolat” milliy huquqiy axborot markaziga tashrif buyurdi.

Uchrashuv davomida delegatsiya a’zolariga Markazning asosiy faoliyat yo‘nalishlari, huquqiy axborotni aholiga tezkor va qulay shaklda yetkazish, qonunchilik hujjatlarini rasmiy e’lon qilish, sohani raqamlashtirish bo‘yicha amalga oshirilayotgan ishlar haqida batafsil ma’lumot berildi.

Shuningdek, turk tomoniga Qonunchilik ma’lumotlari milliy bazasi - Lex.uz, sun’iy intellekt texnologiyalariga asoslangan “LexAI” platformasi hamda o‘z-o‘ziga yuridik xizmat ko‘rsatishga ixtisoslashgan “Yurxizmat.uz” axborot tizimining imkoniyatlari haqida batafsil ma’lumot berildi.

Tadbir davomida O‘zbekiston va Turkiya o‘rtasida huquqiy axborotni yetkazish, zamonaviy raqamli texnologiyalarni huquq sohasiga joriy etish, qonunchilik hujjatlarini rasmiy e’lon qilish, Lex.uz va Turkiyaning Mevzuat.gov.tr qonunchilik axborot platformalarining texnik va funksional imkoniyatlarini qiyosiy o‘rganish bo‘yicha takliflar atroflicha muhokama qilindi.

Uchrashuv yakunida tomonlar hamkorlik aloqalarini mustahkamlash, o‘zaro tajriba almashish va kelgusida amaliy hamkorlikning yangi yo‘nalishlarini rivojlantirishga kelishib oldilar.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

❗️Paxtaobod tumanida adliya tizimi faoliyati o‘rganildi

📍 O‘zbekiston Respublikasi adliya vaziri o‘rinbosari
N. Muxammadiyevning Andijon viloyatiga xizmat safari davomida Paxtaobod tuman adliya bo‘limi va uning tuzilmalari faoliyati o‘rganildi.

🔹 Xizmat safari davomida Davlat xizmatlari markazi, FHDY bo‘limi, Yuridik xizmat ko‘rsatish markazi hamda adliya bo‘limida aholiga ko‘rsatilayotgan xizmatlar sifati va tezkorligi, xodimlar uchun yaratilgan sharoitlar ko‘zdan kechirildi.

🔹 Kompozit davlat xizmatlarini ko‘rsatish jarayonlari ham alohida tahlil qilinib, fuqarolarga yanada qulay va sifatli xizmat ko‘rsatish masalalariga e’tibor qaratildi.

📌 Oʻrganish yakunida mas’ullarga xizmat ko‘rsatish sifatini yanada oshirish, murojaatlarni o‘z vaqtida ko‘rib chiqish hamda yaratilgan imkoniyatlardan samarali foydalanish yuzasidan tegishli topshiriq va tavsiyalar berildi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

TDYUda Turkiya Respublikasi Adliya vaziri o‘rinbosari boshchiligidagi delegatsiya bilan uchrashuv bo‘lib o‘tdi

Bugun 22-sentyabr kuni, Toshkent davlat yuridik universitetida Turkiya Respublikasi Adliya vaziri o‘rinbosari Burak Djeyxan boshchiligidagi delegatsiya bilan uchrashuv bo‘lib o‘tdi.

Unda TDYU rektori B. Xodjayev, universitet rahbariyati va mas’ul xodimlari, shuningdek, Turkiya Respublikasi Adliya vazirligi hamda Prezident Administratsiyasining yuqori lavozimli vakillari ishtirok etdi.

Uchrashuvda O‘zbekistonda yuridik ta’lim va ilm-fan sohasida amalga oshirilayotgan islohotlar, xususan, ta’lim sifatini oshirish, amaliyotga yo‘naltirilgan va dual ta’lim tizimini rivojlantirish hamda xalqaro hamkorlikni kengaytirish masalalari muhokama qilindi.

Shuningdek, tomonlar o‘rtasidagi hamkorlikni yangi bosqichga olib chiqishga qaratilgan qator takliflar ilgari surildi. Jumladan, TDYU talabalarining Turkiyadagi Xalqaro arbitraj va mediatsiya markazida qisqa muddatli amaliyot va stajirovka o‘tashini yo‘lga qo‘yish, TDYU bazasida “Turk-O‘zbek huquq markazi”ni tashkil etish, “Uzbek-Turk International Legal Forum” xalqaro akademik forumini o‘tkazish hamda Turkiyaning yetakchi universitetlari bilan qo‘shma ta’lim dasturlarini yo‘lga qo‘yish taklif etildi.

Turkiya tomoni mazkur takliflarni qo‘llab-quvvatlab, kelgusida hamkorlikni rivojlantirishga tayyor ekanini bildirdi.

Uchrashuv yakunida tomonlar o‘zaro hamkorlikni yanada mustahkamlashga kelishib oldilar.

🌐 website 📱 facebook 📱 instagram 📱 linkedIn 📱 youtube 📱 twitter