#Yoshlar_kuni
#Rahbar_va_yoshlar

Berdaq nomidagi Qoraqalpoq davlat universitetida “Rahbar va yoshlar” uchrashuvi o‘tkazildi

O‘zbekiston Respublikasi adliya vazirining birinchi o‘rinbosari
M. Istamov Berdaq nomidagi Qoraqalpoq davlat universitetida talabalar bilan ochiq va samimiy muloqot o‘tkazdi.

Uchrashuvda yoshlarning ta’lim jarayoni, sog‘lom turmush tarzi, ijtimoiy sharoitlari hamda kelajakdagi rejalari bilan bog‘liq fikr va takliflari tinglandi. Yoshlarni qo‘llab-quvvatlash, ularning tashabbuslarini rag‘batlantirish yuzasidan fikr almashildi.

Muloqot davomida talabalar tomonidan bildirilgan taklif va muammolar atroflicha muhokama qilinib, ularni hal etish hamda ilgari surilgan tashabbuslarni amaliyotga joriy etish bo‘yicha mas’ullarga tegishli vazifalar belgilandi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

Mulkdorlarga huquqlari e’tirof etilgan qarorlar topshirildi

O‘zbekiston Respublikasi adliya vazirining birinchi o‘rinbosari
M. Istamov tomonidan fuqarolarga yakka tartibdagi uy-joylari va ular joylashgan yer uchastkalariga bo‘lgan huquqlarini e’tirof etish bo‘yicha Qoraqalpog‘iston Respublikasi Jo‘qorg‘i Kengesining qarorlari tantanali tarzda topshirildi.

Mazkur hujjatlarning topshirilishi fuqarolarning yillar davomida uy-joylariga nisbatan kadastr hujjatlarini rasmiylashtirishda duch kelgan muammolarini hal etish yo‘lidagi muhim qadam bo‘ldi.

Ma’lumki, “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi Qonun asosida fuqarolarning ko‘chmas mulkka bo‘lgan huquqlarini qonuniylashtirish imkoniyati kengaytirildi.

Endilikda fuqarolar o‘z uy-joylari va yer uchastkalariga bo‘lgan huquqlarini qonuniy tartibda rasmiylashtirish imkoniyatiga ega.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

⚖️ “Intellektual mulk markazi” davlat muassasasida “Ochiq eshiklar kuni” tadbiri o‘tkazildi

✅Bugun, 17-sentabr kuni Adliya vazirligi huzuridagi “Intellektual mulk markazi” davlat muassasasida “Ochiq eshiklar kuni” tadbiri o‘tkazildi. Ushbu tadbir jamoatchilik bilan ochiq muloqotni yo‘lga qo‘yish, o‘quvchi yoshlarning intellektual mulk sohasiga bo‘lgan qiziqishini oshirish hamda sohaga oid bilim va ko‘nikmalarni shakllantirish maqsadida tashkil etildi.

📌 Tadbirda Adliya vazirligi mas’ul xodimlari, “Millat umidi maktabi” xususiy ta’lim muassasasi o‘quvchilari hamda Toshkent kimyo-texnologiya instituti talabalari ishtirok etdilar.Tadbir doirasida ishtirokchilar uchun “Intellektual mulk markazi” binosida tashkil etilgan maxsus ko‘rgazma burchaklari orqali interaktiv ekskursiyalar tashkil etildi.

🟦Bunda o‘quvchilarga quyidagi intellektual mulk obyektlari bo‘yicha batafsil ma’lumotlar taqdim etildi:

⏩ Ixtiro va foydali modellar — ularning yaratilishi, huquqiy muhofazasi va amaliyotdagi ahamiyati;
⏩ Seleksiya yutuqlari (o‘simlik navlari va hayvon zotlari), sanoat namunalari, geografik ko‘rsatkichlar va tovar kelib chiqqan joy nomlari — mazkur obyektlarning qo‘llanish sohalari va huquqiy asoslari;
⏩ Tovar belgilari va xizmat ko‘rsatish belgilari — brend va mahsulot identifikatsiyasidagi roli, kontrafakt mahsulotlardan farqi;
⏩ Mualliflik huquqi va turdosh huquqlar obyektlari — ijodiy faoliyat natijalari, ularni himoya qilish mexanizmlari va mualliflik huquqini buzish holatlari.

✔️ Tadbir ikki bosqichda tashkil etildi. Birinchi bosqichda “Millat umidi maktabi” xususiy ta’lim muassasasi o‘quvchilari, ikkinchi bosqichda esa Toshkent kimyo-texnologiya instituti talabalari ko‘rgazma burchaklari bilan tanishdilar.

🟦Har bir guruhga markaz mutaxassislari tomonidan qiziqarli tarzda ma’lumotlar taqdim etildi, savol-javoblar o‘tkazildi.

Ishtirokchilar tomonidan “Ochiq eshiklar kuni” tadbiri yuqori darajada tashkil etilgani va axborotlarga boy bo‘lgani alohida ta’kidlandi.

🌐 website 📱 facebook 📱 instagram 📱 linkedIn 📱 youtube 📱 twitter