#Adliya_xabari

⚔️ BAAning “Zero Bureaucracy” tashabbusi tajribasi o‘rganilmoqda

✅Adliya vazirligi mas’ullari tegishli idoralar vakillari bilan birgalikda Birlashgan Arab Amirliklarida davlat xizmatlarini takomillashtirish, byurokratik jarayonlarni bartaraf etish va zamonaviy raqamli yechimlarni joriy etish bo‘yicha ilg‘or tajribalarni o‘rganmoqda.

📊 Xususan, davlat xizmatlari sifatini baholashga qaratilgan Global Star Rating for Services va “Zero Bureaucracy” mezonlari, xizmatlarni tizimlashtirishga qaratilgan Khadamati Service Cards va Service Catalog, shuningdek, foydalanuvchilar fikrini o‘rganish imkonini beruvchi Customer Pulse tizimining ishlash mexanizmlari muhokama qilindi.

🤖 Shuningdek, davlat xizmatlarida Agentic AI zamonaviy texnologik yechimlaridan foydalanish imkoniyatlari bo‘yicha taqdimotlar o‘tkazildi.

🏛 O‘rganishlar doirasida BAAning Energetika va infratuzilma vazirligi, Ajman politsiya xizmati, Federal Authority for Identity, Citizenship, Customs & Port Security, shuningdek, Tashqi ishlar vazirligining Smart Mission va Digital Attestation yechimlari faoliyati bilan tanishilib, aholiga qulay xizmat ko‘rsatish bo‘yicha amaliy yondashuvlar o‘rganildi.

🇺🇿 Muloqotlar davomida O‘zbekistonda “Byurokratiyani bartaraf etish – 2030” dasturini amalga oshirish masalalari ham muhokama qilinib, BAA tajribasi asosida fikr almashildi.

✅ O‘rganilayotgan ilg‘or tajribalar davlat xizmatlarini soddalashtirish, ortiqcha byurokratik jarayonlarni bekor qilish va fuqarolar uchun yanada qulay sharoitlar yaratishga qaratilgan ishlarni takomillashtirishda qo‘llaniladi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari
#Adliya_va_yoshlar

⚔️ “Payshanba — Yoshlar kuni”: ma’naviyat, bilim va yoshlar tashabbuslari maydoni

✅ Surxondaryo viloyati: Yoshlar ishtirokida san’at, ma’naviyat va millatlararo bag‘rikenglikka bag‘ishlangan ochiq muloqot, sahna ko‘rinishlari hamda hayvonot bog‘iga ekskursiya tashkil etildi.

✅ Xorazm viloyati: “Bilim — xazina” kutubxonasida yoshlarning ma’naviy dunyoqarashi, mustaqil fikrlashi va zamonaviy bilimlarini rivojlantirishga qaratilgan motivatsion uchrashuv o‘tkazildi.

✅ Buxoro viloyati: Yoshlar “Ibrat farzandlari” loyihasining imkoniyatlari, xorijiy tillarni o‘rganish, shuningdek, tovar belgisi va brendlarni huquqiy himoya qilish tartibi bilan tanishtirildi.

✅ Qoraqalpog‘iston Respublikasi: Nukus garnizonidagi harbiy qismda yoshlar bilan vatanparvarlik ruhidagi ochiq muloqot o‘tkazilib, ularning fikr, taklif va muammolari tinglandi.

✅ Qashqadaryo viloyati: Faol va uyushmagan yoshlar uchun Anton Chexovning “Oq qush qo‘shig‘i” spektakli namoyish etilib, ularning teatr san’atiga qiziqishini oshirishga e’tibor qaratildi.

✅ Jizzax viloyati: “Rahbar va yoshlar” uchrashuvida yoshlar bilan hayotda o‘z o‘rnini topish, bilim olish va sog‘lom turmush tarzi haqida muloqot qilinib, “Bahodir Yalangto‘sh” badiiy filmi namoyish etildi.

✅ Navoiy viloyati: Faol va tashabbuskor yoshlar uchun Qosim Shayx ziyoratgohiga ma’rifiy sayohat tashkil etilib, ularga tarixiy obida va buyuk mutasavvifning ma’naviy merosi haqida ma’lumot berildi.

✅ Sirdaryo viloyati: Guliston davlat universitetida yoshlar bilan ilm-fan, zamonaviy bilim va intellektual mulk obyektlarini huquqiy himoya qilish masalalari muhokama qilindi.

✅ Andijon viloyati: Bo‘ston tumanidagi axborot-kutubxona markazida taniqli ijodkorlar ishtirokida “Ma’naviyat va zamonaviylik” mavzusida uchrashuv o‘tkazilib, yoshlarga sara asarlar sovg‘a qilindi.

✅ “O‘zarxiv” agentligi: Jizzax viloyatidagi arxiv muassasalarining yosh xodimlari o‘rtasida “Zakovat” intellektual o‘yini tashkil etilib, g‘olib jamoalar taqdirlandi.

✅ Toshkent viloyati: Yoshlar Qibray tumanida Mustaqillikning 35 yilligiga bag‘ishlangan bayram konsertida ishtirok etib, milliy san’atimiz va boy madaniy merosimiz bilan yaqindan tanishdi.

🌐 website 📱 facebook 📱 instagram 📱 linkedIn 📱 youtube 📱 twitter