#Adliya_xabari

Yashnobod tumanida аdliya vazirining sayyor qabuli o‘tkazildi

Adliya vaziri A. Tashkulovning Yashnobod tumanidagi “A. Yassaviy” mahalla fuqarolar yig‘inida navbatdagi sayyor qabuli tashkil etildi. Tadbir davomida fuqarolar bilan ochiq muloqot qilinib, ularni qiynayotgan masalalar yuzasidan murojaatlar tinglandi.

Qabul davomida jami 34 nafar fuqaroning uy-joy, yer va kadastr, meros munosabatlari, shuningdek, infratuzilmani yaxshilash hamda sog‘liqni tiklash bilan bog‘liq murojaatlari ko‘rib chiqildi.

Murojaatlarning 8 tasi yuzasidan fuqarolarga joyida huquqiy tushuntirish va tegishli tavsiyalar berildi. Qolgan 26 ta murojaat belgilangan tartibda ro‘yxatga olinib, mas’ullarga ijro uchun yo‘naltirildi.

Har bir murojaatning qonuniy va adolatli hal etilishini ta’minlash maqsadida ular ijrosi alohida nazoratga olindi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

⚔️ Adliya vaziri "Barkamol" mahallasida xavfsiz muhitni ta’minlash bo‘yicha amalga oshirilayotgan ishlar bilan tanishdi

📊 Taqdimotda "Manzilli dastur" doirasida amalga oshirilgan ishlar va ularning amaliy natijalari namoyish etildi.

📌 Xususan:
🔹 huquqbuzarliklarning oldini olishga qaratilgan profilaktik tadbirlar kuchaytirildi;
🔹 ijtimoiy himoyaga muhtoj va nazoratdagi shaxslar bilan manzilli ishlar yo‘lga qo‘yildi;
🔹 kam ta’minlangan oilalarga amaliy yordam ko‘rsatildi;
🔹 mahallaga qo‘shimcha kuzatuv kameralari va tashvish tugmalari o‘rnatildi;
🔹 tungi vaqtda xavfsizlikni ta’minlash maqsadida ko‘cha yoritish tizimi kengaytirildi;
🔹 fuqarolar, yoshlar va xotin-qizlar murojaatlari bilan ishlash samaradorligi oshirildi;
🔹 obodonlashtirish va infratuzilmani yaxshilash bo‘yicha qator ishlar amalga oshirildi.

✅ Amalga oshirilgan kompleks chora-tadbirlar natijasida "Barkamol" mahallasi xavfsizlik darajasi bo‘yicha "qizil" toifadan "sariq" toifaga o‘tdi. Shuningdek, joriy yilning iyun–iyul oylarida mahalla hududida birorta ham jinoyat sodir etilmagani qayd etildi.

💬 Akbar Tashkulov bunday ijobiy tajribalarni boshqa hududlarda ham keng joriy etish muhimligini ta’kidlab, aholi uchun xavfsiz va huquqiy jihatdan barqaror muhitni ta’minlash bo‘yicha ishlarni izchil davom ettirish yuzasidan tegishli tavsiyalar berdi.

🌐 website 📱 facebook 📱 instagram 📱 linkedIn 📱 youtube 📱 twitter