⚡️ Dunyoning eng hashamatli global brendlaridan biri bo‘lgan Louis Vuitton tarixi haqida bilarmidingiz⁉️

Har bir buyuk brend ortida g‘oya, mehnat, sabr va yillar davomida shakllangan qadriyatlar yotadi. Louis Vuitton ham bir kunda dunyoga mashhur brendga aylanmagan. U kichik orzudan boshlanib, sifat, innovatsiya va izchillik tufayli jahon brendiga aylangan.

😍Bugungi kunda uning muvaffaqiyati nafaqat kuchli marketing va sifat, balki intellektual mulkni huquqiy himoya qilish, xususan, tovar belgisi va brend elementlarini samarali muhofaza qilish bilan ham chambarchas bog‘liq.

🎥 Ushbu videoda Louis Vuitton brendining yaratilish tarixi, dunyo bozoridagi muvaffaqiyati hamda brendni yaratish va uni huquqiy himoya qilishning ahamiyati haqida so‘z yuritamiz.

💄 Tomosha qiling va o‘z brendingizni huquqiy jihatdan himoya qiling‼️

📚 "Dunyo brendlari tarixi" rukni. 1-qism.

🌐 website 📱 facebook 📱 instagram 📱 linkedIn 📱 youtube 📱 twitter

#Qonunchilikdagi_yangiliklar

⚔️ Adliya vazirligi Tibbiy jihozlarni davlat roʻyxatidan oʻtkazish hujjatlariga qoʻyiladigan talablar toʻgʻrisidagi yoʻriqnomani (ro‘yxat raqami 3888, 2026-yil 7-iyul) davlat roʻyxatidan oʻtkazdi.

📌 Unga ko‘ra:
🔹 tibbiy jihozlarni davlat roʻyxatidan oʻtkazish uchun Vazirlar Mahkamasining 2025-yil 24-noyabrdagi 738-son qaroriga asosan taqdim etiladigan hujjatlarni rasmiylashtirish boʻyicha yagona talablar belgilandi;

🔹 hujjatlar elektron axborot tizimi orqali taqdim etilayotganda umumiy tartibda, tan olish orqali yoki roʻyxatga olish maʼlumotlariga oʻzgartirish kiritish va guvohnoma muddatini uzaytirish holatlarida ekanligi belgilanadi;

🔹 tibbiy jihozlarni davlat roʻyxatidan oʻtkazish jarayonini xalqaro talablar (IMDRF va GHWP) bilan uygʻunlashtirish nazarda tutildi.

🏷 Tibbiy jihozning markirovkasi matnida quyidagi ma’lumotlar ko‘rsatilishi lozim:

1️⃣ tibbiy jihozning nomi, agar mavjud bo‘lsa tovar belgisi, tibbiy jihoz to‘plam shaklida taqdim etilganda, ushbu to‘plamga kiritilgan mahsulotlar ro‘yxati;

2️⃣ ishlab chiqaruvchining nomi va uning yuridik manzili, agar mavjud bo‘lsa tovar belgisi va ishlab chiqaruvchi davlat;

3️⃣ ishlab chiqarilgan sana, yaroqlilik muddati, saqlash sharoitlariga qo‘yiladigan talablar, tibbiy jihozning partiya/seriya raqami;

4️⃣ steril tibbiy jihozda ogohlantiruvchi yozuv “STERIL”, sterilizatsiya usuliga ko‘rsatma, muvofiqlik belgisi;

5️⃣ tibbiy jihoz bir marotaba foydalanish uchun mo‘ljallangan bo‘lsa, bu to‘g‘risida ma’lumot;

6️⃣ tibbiy jihozni qo‘llashga doir cheklovlar.


🌐 website 📱 facebook 📱 instagram 📱 linkedIn 📱 youtube 📱 twitter

✅ Yangi qulaylik!

❗️Bog‘chaga imtiyozli navbat endi onlayn!

👩‍💻 Farzandingizni davlat bog‘chasiga joylashtirishda imtiyoz huquqingiz bormi? Unda bir talay hujjat to‘plab, idorama-idora yurishni unuting.

📱 Endilikda my.gov.uz orqali bu jarayon to‘liq avtomatlashtirildi.

🟡 Arizani onlayn topshirish uchun ro‘yxatdan o‘zingizga tegishli toifani tanlasangiz kifoya — tizim barcha ma’lumotlarni vazirlik va idoralarning axborot bazalari orqali soniyalar ichida o‘zi tekshiradi.

❓Kimlar my.gov.uz orqali imtiyozli navbatga qo‘yiladi?

1⃣ Shartnoma bo‘yicha harbiy xizmatchilar, ichki ishlar va bojxona organlari xodimlarining farzandlari;
2⃣ I va II guruh nogironligi bo‘lgan shaxslarning bolalari;
3⃣ Yetim yoki ota-ona qaramog‘idan mahrum bo‘lgan bolalar;
4⃣ “Ayollar daftari”ga kiritilgan yolg‘iz ayollarning bolalari;
5⃣ Akalari yoki opalari ushbu bog‘chaga qatnayotgan bolalar;
6⃣ Ko‘p tarmoqli ixtisoslashtirilgan bog‘chalardan umumiy turdagi muassasalarga o‘tkazilayotgan sog‘aygan bolalar;
7⃣ Kam ta’minlangan oilalarning farzandlari;
8⃣ Oila a’zolari nogironligi bo‘lgan shaxslardan iborat oilalar bolalari;
9⃣ Boquvchisini yo‘qotgan oilalarning bolalari;
🔟 To‘rt va undan ko‘p farzandi bor oilalar bolalari;
1⃣1⃣ Talabalarning farzandlari;
1⃣2⃣ Maktab, OTM, texnikum, kollej va akademik litseylar pedagoglarining bolalari.

👉 Uydan chiqmay ariza yuborish uchun:
✅ my.gov.uz portali yoki mobil ilovasida ro‘yxatdan o‘ting;
✅ “Bolani davlat maktabgacha ta’lim tashkilotlariga qabul qilish” xizmatini tanlang;
✅ So‘ralgan ma’lumotlarni to‘ldiring, bog‘chani hamda mavjud imtiyozingizni belgilab, ariza yuboring.

🗣my.gov.uz bilan vaqtingizni tejang va qulayliklardan foydalaning!

💬 Ushbu foydali ma’lumotni yaqinlarga ham yuborib qo’ying!

🌐  my.gov.uz | egov.uz
🚀Telegram 🔵 Facebook  📷instagram ▶YouTube
🎰LinkedIn 🚀 Bot

#oyning_eng_yaxshi_xodimi

✅Adliya vazirligi Davlat organlarini funksional tahlil qilish boshqarmasi Mahalliy davlat hokimiyati organlarida funksional tahlil qilish bo‘limi yetakchi maslahatchisi Usmanov Quvonchbek Muzaffar o‘g‘li joriy yilning iyun oyi uchun vazirlik tomonidan "Oyning eng yaxshi boshqaruv xodimi" deb topildi.

🤔Quvonchbek Usmanov 2019-yilda Jahon iqtisodiyoti va diplomatiya universiteti bakalavr bosqichini, 2020-yilda Jahon iqtisodiyoti va diplomatiya universiteti magistratura bosqichini tamomlagan.

⚖️Adliya vazirligi tizimida mehnat faoliyatini 2020-yilda Andijon viloyati Oltinko‘l tuman adliya bo‘limi yetakchi maslahatchisi lavozimidan boshlagan.

▪️2021-2022 yillarda Andijon viloyat adliya boshqarmasi Nodavlat notijorat tashkilotlari bo‘limi katta va yetakchi maslahatchisi;
▪️2023-2024-yillarda Adliya vazirligi Huquqni qo‘llashni metodik ta’minlash boshqarmasi katta maslahatchisi;

🔵2024-yildan buyon Adliya vazirligi Huquqni qo‘llashni metodik ta’minlash boshqarmasi yetakchi maslahatchisi lavozimida faoliyatini davom ettirmoqda.

✔️ Quvonchbek Usmanov tomonidan “BPR loyiha ofisi” faoliyati doirasida ishtirok etilib, markaziy apparatning 5 ta boshqarmasi faoliyati tahlil qilindi hamda ish jarayonlarini takomillashtirishga qaratilgan takliflar ishlab chiqildi. Shuningdek, hokimliklarda “Manfaatlar to‘qnashuvi to‘g‘risida”gi Qonun talablariga rioya etilishi holati yuzasidan tahliliy ma’lumotlar tayyorlanib, Vazirlar Mahkamasiga kiritildi.

✔️ Bundan tashqari, davlat funksiyalarini tartibga solish bo‘yicha ishchi guruhi a’zosi sifatida reestr.gov.uz tizimini takomillashtirishga qaratilgan takliflar ishlab chiqildi hamda ularni amaliyotga joriy etish kabi yoʻnalishlarda samarali faoliyat yuritilmoqda.

🔖Faoliyati davomida fidokorona mehnati, intizomi va tashabbuskorligi bilan, hujjatlarning sifati va o‘z vaqtida tayyorlanishini ta’minlashda ham yuqori mas’uliyat va fidoyilik namunasini ko‘rsatmoqda.

✅Vazirlik jamoasi Quvonchbek Usmanovni ushbu e’tirof bilan tabriklaydi hamda kelgusi ishlarida yanada yutuqlar, sog‘lik, g‘ayrat va shijoat doimiy hamroh bo‘lishini tilaydi!

🌐 website 📱 facebook 📱 instagram 📱 linkedIn 📱 youtube 📱 twitter

#oyning_eng_yaxshi_texnik_xodimi

✅Adliya vazirligi Idoraviy normativ-huquqiy hujjatlarni davlat ro'yxatidan o'tkazish boshqarmasi 1-toifali ish yurituvchi kotibi Kenjayeva Marvaridxon Shuhrat qizi joriy yilning iyun oyi uchun “Oyning eng yaxshi texnik xodimi” deb topildi.

🤔Marvaridxon Kenjayeva 2025-yilda Toshkent davlat yuridik universiteti bakalavr bosqichini tamomlagan. Hozirda Toshkent davlat yuridik universiteti magistratura bosqichi talabasi.

✔️Marvaridxon Kenjayeva Adliya vazirligida o'z mehnat faoliyatini 2025-yilda boshlab, hozirda idoraviy normativ-huquqiy hujjatlarni amaldagi qonunchilikka muvofiqlashtirish doirasida O‘zbekiston Respublikasining 2 ta Qonuni hamda Vazirlar Mahkamasining 2 ta qarori xatlovdan o‘tkazish hamda ish yurituvida bo‘lgan 3 ta idoraviy normativ-huquqiy hujjat huquqiy ekspertizadan o‘tkazilib, ularning davlat ro‘yxatidan o‘tkazish kabi yo‘nalishlarda samarali faoliyat olib bormoqda.

🔖Faoliyati davomida fidokorona mehnati, intizomi va tashabbuskorligi bilan, hujjatlarning sifati va o‘z vaqtida tayyorlanishini ta’minlashda ham yuqori mas’uliyat va fidoyilik namunasini ko‘rsatmoqda.

✅Vazirlik jamoasi Marvaridxon Kenjayevani ushbu e’tirof bilan tabriklaydi hamda kelgusi ishlarida yanada yutuqlar, sog‘lik, g‘ayrat va shijoat doimiy hamroh bo‘lishini tilaydi!

🌐 website 📱 facebook 📱 instagram 📱 linkedIn 📱 youtube 📱 twitter