#Adliya_xabari

Adliya vaziri vazirlik binosida navbatdagi qabulini o'tkazdi

🟢Xabaringiz bor, Adliya vazirligi rahbariyati tomonidan fuqarolarning muammolarini o'rganish va bartaraf etishning samarali usuli sifatida shaxsiy qabullarni tashkil etilishiga alohida eʼtibor qaratib kelinmoqda.

Xususan, joriy yilning 3-iyul kuni vazirlik binosida Adliya vaziri tomonidan 18 nafar (4 nafari onlayn tarzda) jismoniy shaxslar va yuridik shaxslarning vakillarining notariat, mehnat qonunchiligi, davlat xizmatlari, nodavlat notijorat, tadbirkorlik va kadastr masalalariga oid murojaatlari tinglandi.

🟢Qabul jarayonida kelib tushgan murojaatlarning 2 tasiga joyida hal berilib, 16 ta murojaat ijro uchun qabul qilindi hamda ularni qonun doirasida hal etish bo'yicha masʼullarga tegishli topshiriqlar berildi.

🟢Vazirlikning vakolatiga kirmaydigan masalalar yuzasidan esa, fuqarolarga huquqiy tushuntirishlar berildi.

⚠️Ma'lumot uchun: Adliya vaziri tomonidan haftaning har juma kuni soat 15:00 dan 17:00 ga qadar jismoniy shaxslar va yuridik shaxslarning vakillari qabul qilinadi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

⚔️Qishloq xo‘jaligiga mo‘ljallangan yerlardan foydalanish samaradorligini oshirish masalalari xalqaro ekspertlar ishtirokida muhokama qilindi.
 

🤝Adliya vazirligida O‘zbekiston Respublikasi Prezidenti Administratsiyasi, Iqtisodiyot va moliya vazirligi, Qishloq xo‘jaligi vazirligi, Davlat aktivlarini boshqarish agentligi, Kadastr agentligi vakillari hamda Jahon banki ekspertlari ishtirokida qishloq xo‘jaligiga mo‘ljallangan yer uchastkalaridan foydalanish samaradorligini oshirish hamda ushbu yo‘nalishdagi yer islohotlarining istiqbollarini muhokama qilish yuzasidan uchrashuv bo‘lib o‘tdi.

🌱Uchrashuv davomida qishloq xo‘jaligi yerlaridan samarali foydalanish, yer resurslarini boshqarishning zamonaviy mexanizmlarini joriy etish, ushbu sohada olib borilayotgan islohotlarning izchilligi va uzluksizligini ta’minlash masalalari atroflicha muhokama qilindi.

📌Ta’kidlanganidek, so‘nggi yillarda O‘zbekistonda yer munosabatlarini isloh qilish borasida keng ko‘lamli va tizimli ishlar amalga oshirilmoqda. Xususan, yerga bo‘lgan huquqlarni mustahkamlash va haqiqiy bozor aktiviga aylantirish, huquqiy kafolatlarni kuchaytirish, yer ajratish va undan foydalanish jarayonlariga bozor tamoyillarini joriy etish bo‘yicha muhim qadamlar tashlandi.

🌍Muhokamalar chog‘ida Jahon banki ekspertlari tomonidan O‘zbekistonda yer islohotlari yangi bosqichga ko‘tarilgani va qishloq xo‘jaligiga mo‘ljallangan yer uchastkalariga bo‘lgan huquqlarni yanada rivojlantirish uchun zarur huquqiy va institutsional asoslar shakllanib borayotgani qayd etildi.

💬Shuningdek, xorijiy ekspertlar tomonidan mazkur yo‘nalishda bir qator tavsiyalar berildi. Ayniqsa, o‘tgan asrning 90-yillarida qishloq xo‘jaligiga mo‘ljallangan yerlarni xususiylashtirish orqali ilg‘or natijalarga erishgan Sharqiy Yevropa davlatlarining, yerga xususiy mulk huquqi oldindan rivojlanib kelgan Germaniya, Fransiya, Niderlandiya va Turkiya kabi davlatlarning yer munosabatlarini tartibga solish va yer bozorini rivojlantirish borasidagi samarali tajribalari alohida qayd etildi.

🏛Muhokamalarda manfaatdor vazirlik va idoralar vakillari ham faol ishtirok etib, mazkur yo‘nalishda o‘z fikr-mulohazalari va takliflarini bildirdi. Yerga oid huquqlarni yanada rivojlantirishning huquqiy, iqtisodiy va ijtimoiy jihatlari yuzasidan atroflicha fikr almashdilar.

⚖️Uchrashuv qatnashchilari yerga oid huquqlarni rivojlantirishning navbatdagi bosqichida davlatning ijaraga beruvchi sifatidagi ma’muriy ta’sir ko‘rsatish vositalari har doim ham kutilgan natijalarni bermasligini, qishloq xo‘jaligi va oziq-ovqat sohalarini davlat tomonidan tartibga solishda zarur turdagi mahsulot yetishtirishni subsidiyalash mexanizmlari ko‘proq samara berishini
ta’kidladilar.

✅Uchrashuv yakunida mazkur masalani keng qamrovli va kompleks yondashuv asosida ko‘rib chiqish, har tomonlama puxta tahlil qilish hamda O‘zbekiston sharoitida yer resurslaridan samarali va oqilona foydalanish bo‘yicha islohotlarni amalga oshirish imkoniyatlarini chuqur o‘rganishga kelishib olindi.

🤝Ayni paytda, mazkur yo‘nalishda Jahon banki bilan samarali hamkorlikni davom ettirish, xalqaro ekspertlarning ilg‘or tajribasi va tavsiyalarini inobatga olgan holda, tegishli normativ-huquqiy hujjat loyihasini birgalikda ishlab chiqish bo‘yicha hamkorlik istiqbollari belgilab olindi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot