#Adliya_aralashgach
#Navoiy_viloyati

Yangi yil bahonasi: Adliya rad javobiga nuqta qo‘ydi

Hozirgi kunda ishlovchi ayollarimiz o‘rtasida homiladorlik va tug‘ruq pullarini olish bilan bog‘liq savollar ko‘payib qoldi. Ba’zi tashkilotlar yangi qonunlarni ro‘kach qilib, dekret pullarining yangi yilga o‘tgan qismini to‘lashdan qochayotgan holatlar ham uchrayapti.

Konimexlik Gulhayo Kadirova mazkur masalada adliya bo’limiga murojaat qildi. U tumandagi maktabgacha ta’lim tashkilotida ishlab, 2025-yilning sentyabr oyida homiladorlik va tug’ruq ta’tiliga chiqqan edi. Biroz murakkab kechgan tug’ruq jarayoni kesarcha kesish (kesarevo) orqali amalga oshirilgan. Qonun bo‘yicha bunday vaziyatda ayolga yana qo‘shimcha 14 kunlik ta’til puli to‘lanishi kerak. Ammo u ishlaydigan bog‘cha ma’muriyati "yangi tartib chiqdi" deb, bu pulni berishni rad etgan.
 

✅“Davlat ijtimoiy sug‘urtasi to‘g‘risida”gi (O‘RQ–1101-sonli) Qonun hamda Hukumatning 796-sonli qaroriga ko‘ra, 2026-yil 1-janvardan boshlab homiladorlik va tug‘ish nafaqalari mutlaqo yangi tizim — Ijtimoiy himoya milliy agentligi tasarrufidagi Davlat ijtimoiy sug‘urtasi jamg‘armasi tomonidan to‘lanishi rasman tartibga solindi. Ya'ni, endi ish beruvchi emas, balki ushbu maxsus Jamg‘arma pul to‘laydi. Ammo bu qoida faqat 2026-yil 1-janvardan keyin dekretga chiqqan ayollarimizga tatbiq etiladi.

2025-yilda homiladorlik va tug’ruq ta’tiliga chiqib, ta’til davrining bir qismi yangi yilga o’tgan bo’lsa ham bunday ayollarning pullari avvalgi tartibga, hukumatning 314-son qaroriga asosan, ish beruvchi tomonidan to’lab berilishi shart.

Bugun Navoiy viloyatida Gulhayo singari fuqarolarning mazkur yo’nalishdagi masalasi Adliya aralashuvi bilan ijobiy hal etib berilmoqda.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_aralashgach

Adliya aralashuvi bilan fuqaroning pensiyasi qayta hisoblandi

Xovos tumani “Karvonsaroy” mahallasida yashovchi R.Payvandiyev 41 yildan ortiq ish stajiga ega. Biroq pensiya tayinlash jarayonida mehnat faoliyatining faqat 19 yili hisobga olingan. Fuqaroning pensiyasini qayta hisoblash va miqdorini oshirishda amaliy yordam so‘rab Xovos tuman adliya bo‘limiga qilgan murojaati o‘rganildi.

O‘rganish jarayonida “Fuqarolarning davlat pensiya ta’minoti to‘g‘risida”gi qonun talablaridan kelib chiqib, fuqaroning taqdim etgan qo‘shimcha hujjatlari va mehnat faoliyatiga oid ma’lumotlari tahlil qilindi hamda uning pensiya ishini qayta ko‘rib chiqish va hisobga olinmagan ish stajlarini qo‘shish yuzasidan Budjetdan tashqari Pensiya jamg‘armasi Xovos tumani bo‘limiga taqdimnoma kiritildi.

Adliya aralashuvi bilan fuqaroning pensiya ishi qayta hisoblandi. Natijada uning umumiy mehnat staji 41 yil 7 oy etib belgilandi va pensiya miqdori qayta hisob-kitob qilinib, fuqaro R.Payvandiyevga 4 012 920 so‘m miqdorida pensiya tayinlandi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Videoreportaj

Davlat fuqarolik xizmatchilarining bir kuni

Adliya vazirligi huzuridagi Qonunchilikni tahlil qilish va tartibga solish ta'sirini baholash institutining faoliyati bo'yicha videoreportaj tayyorlandi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Bir_murojaat_izidan

Adliya aralashuvi bilan fuqaroning 7 yillik muammosi hal etildi

To‘raqo‘rg‘on tumanida yashovchi fuqaro A.A. o‘zining buzilgan mehnat huquqlarini tiklash bo‘yicha yordam so‘rab tuman adliya bo‘limiga murojaat qildi.

Batafsil

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

🎓 Pedagogika yo‘nalishlarida tahsil olayotgan talabalarning bilimlari tashqi diagnostikadan o‘tkaziladi

📌 Adliya vazirligida Pedagogika sohasidagi talabalarning bilimlarini tashqi diagnostikadan o‘tkazish tartibi toʻgʻrisidagi nizom (ro‘yxat raqami 3853, 2026-yil 9-iyun) davlat ro‘yxatidan o‘tkazildi.

📚 Unga ko‘ra, pedagogika yo‘nalishlarida kadrlar tayyorlash sifatini baholash maqsadida talabalarning bilimlarini tashqi diagnostikadan o‘tkaziladi.

📝 Tashqi diagnostika har o‘quv yilida bir marta pedagogika yo‘nalishlarida tahsil olayotgan 3-bosqich talabalari o‘rtasida test sinovlari shaklida o‘tkaziladi.

⏱️ Test sinovlari 50 ta savoldan iborat bo‘lib, ularni bajarish uchun 45 daqiqa vaqt ajratiladi. Har bir to‘g‘ri javob 2 ball bilan baholanadi va maksimal natija 100 ballni tashkil etadi.

👥 Tashqi diagnostikadan o‘tkazish uchun har o‘quv yilining sentabr oyida maktabgacha va maktab taʼlimi vazirining buyrug‘i bilan kamida 5 nafar malakali mutaxassislardan iborat ishchi guruh tuziladi.

📊 Tashqi diagnostika natijalariga ko‘ra, o‘rtacha 56 ball va undan yuqori natija qayd etgan ta’lim yo‘nalishlari “talablarga javob beradigan”, 56 balldan past natija ko‘rsatgan yo‘nalishlar esa “talablarga javob bermaydigan” deb baholanadi.

🔎 Mazkur diagnostika natijalari talabalarning joriy o‘zlashtirish ko‘rsatkichlari va reyting ballariga ta’sir qilmaydi hamda pedagog kadrlar tayyorlash sifati holatini tahlil qilishga xizmat qiladi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

Hamma huquqini bilsa, zo‘ravonlik kam bo‘ladi

Bugun odamlar o‘z huquqlarini qay darajada bilishadi, huquqiy savodxonlik nima uchun muhim, qonunlarni tushunish uchun qanday yangiliklar bo‘lmoqda? “Sayilgoh”ning navbatdagi sonida ushbu savollarga javob olasiz!

https://youtu.be/LXXoU0YnNR8

#Qabul_2026

🏛 Toshkent davlat yuridik universiteti huzuridagi akademik litseylarga qabul boshlandi

✅ Vazirlar Mahkamasining 2024-yil 5-iyundagi 320-son qarori bilan tasdiqlangan nizomga muvofiq 9-sinf bitiruvchilarini TDYU huzuridagi akademik litseylarga 2026/2027 o‘quv yili uchun qabul qilish Bilim va malakalarni baholash agentligi tomonidan belgilangan tartibda kirish test sinovlari orqali amalga oshiriladi.

🔹Abituriyentlarni akademik litseylarga qabul qilish uchun Yagona interaktiv davlat xizmatlari portali yoki Yagona ta'lim xizmatlari portali my.edu.uz orqali har yili 10-iyundan 10-iyulga qadar bepul ro‘yxatdan o‘tkaziladi.

👉Kirish test sinovlari har yili iyul oyida quyidagi shakllarda oʻtkaziladi:
I boʻlim
a) “Huquq” – umumta’lim maktablarining 8 va 9-sinflarida o‘qitiladigan Davlat va huquq asoslari fani bo‘yicha 20 ta test (3.1 balldan);
b) “Chet tili” – umumta’lim maktablarining 9-sinfgacha o‘qitiladigan chet tili fanlari (ingliz, nemis va fransuz tillari) bo‘yicha 20 ta test (3.1 balldan) saralash imtihonlari o‘tkaziladi.
II boʻlim
IQ yoki intellekt koeffitsientini aniqlash bo‘yicha 20 ta test (1.1 balldan) saralash imtihonlari o‘tkaziladi.

🔹Ayni paytda abituriyentlar va ularning ota-onalariga yanada qulaylik yaratish hamda ularni qiziqtirgan savollarga tezkor javob berish maqsadida “Call-center” faoliyati yo‘lga qo‘yilgan.

☎️ Toshkent davlat yuridik universiteti huzuridagi M.Vosiqova nomidagi akademik litseyi —
+99855 515-01-77

☎️ Toshkent davlat yuridik universiteti huzuridagi Namangan viloyat akademik litseyi —
+99869 233-07-20
+99869 255-05-53
+99891 184-22-90
+99894 040-63-62

☎️ Toshkent davlat yuridik universiteti huzuridagi Samarqand viloyat akademik litseyi —
+99866 240-94-15
+99899 025-47-11
+99890 212-70-45

☎️ Toshkent davlat yuridik universiteti huzuridagi Qashqadaryo viloyat akademik litseyi —
+99890 617-66-55
+99899 379-19-22
+99890 720-45-65
+99891 453-48-76

✅ Kanalga ulaning 👉 @TDYU_yuridik_litseylar

#Adliya_aralashgach
#Bir_murojaat_izidan

⚖️ Adliya aralashuvi bilan o‘qituvchiga 9,6 million so‘mdan ortiq kompensatsiya undirib berildi

🔹Oltinko‘l tumanidagi umumta’lim maktablaridan birida faoliyat yurituvchi fuqaro B.I. o‘ziga belgilangan moddiy yordam mablag‘lari uzoq vaqt davomida to‘lanmayotgani yuzasidan adliya organlariga murojaat qildi.

🔹Murojaatni o‘rganish davomida fuqaroning turmush o‘rtog‘i vafoti munosabati bilan unga moddiy yordam berish haqida tegishli buyruq rasmiylashtirilganiga qaramay, to‘lovlar o‘z vaqtida amalga oshirilmagani aniqlandi.

🔹Holat yuzasidan adliya bo‘limi tomonidan fuqaroning manfaatlarini ko‘zlab sudga da’vo arizasi kiritildi.

✅ Sud tomonidan da’vo to‘liq qanoatlantirilib, xodim foydasiga to‘lovlarni kechiktirganlik uchun hisoblangan 9 million 666 ming so‘m miqdoridagi kompensatsiya pulini undirish belgilandi.

📌 Adliya organlari fuqarolarning mehnat va ijtimoiy huquqlarini himoya qilish borasidagi amaliy ishlarni izchil davom ettirmoqda.

📈 Qimmatli qog‘ozlar bozorida investitsiya maslahatchisi faoliyatini boshlash yoki tugatish uchun vakolatli organni xabardor qilish tartibi belgilandi

📌 Adliya vazirligida Qimmatli qog‘ozlar bozorida investitsiya maslahatchisi faoliyatini boshlash yoki tugatish uchun vakolatli organni xabardor qilish tartibi to‘g‘risidagi nizom (ro‘yxat raqami 3852, 2026-yil 9-iyun) davlat ro‘yxatidan o‘tkazildi.

💻 Endilikda investitsiya maslahatchisi faoliyatini boshlash uchun yuridik shaxslar maxsus axborot tizimi orqali OneID yordamida Istiqbolli loyihalar milliy agentligiga elektron xabarnoma yuboradi.

📄 Xabarnomada tashkilot haqidagi asosiy ma’lumotlar, rahbar va mutaxassislarning malaka sertifikatlari hamda belgilangan talablarga muvofiqlikni tasdiqlovchi hujjatlar elektron shaklda taqdim etiladi. Qonunchilikda nazarda tutilmagan qo‘shimcha hujjatlarni talab qilishga yo‘l qo‘yilmaydi.

⚙️ Taqdim etilgan ma’lumotlar axborot tizimi orqali avtomatik tarzda tekshiriladi. Talablarga muvofiq yuborilgan xabarnoma shu kunning o‘zida qabul qilinib, bir ish kuni ichida elektron tasdiqnoma rasmiylashtiriladi.

❌ Noto‘g‘ri ma’lumotlar taqdim etilganda, belgilangan talablar bajarilmaganda yoki faoliyatni amalga oshirish uchun qonunchilikda nazarda tutilgan cheklovlar mavjud bo‘lganda xabarnoma qabul qilinmaydi.

🏢 Investitsiya maslahatchisi sifatida ro‘yxatdan o‘tgan tashkilotning nomi yoki yuridik manzili o‘zgargan taqdirda, bu haqda vakolatli organ o‘n ish kuni ichida xabardor qilinishi lozim.

📋 Shuningdek, investitsiya maslahatchisi faoliyatini xabardor qilish tartibida amalga oshirish uchun qator talablar belgilandi.

💰 Jumladan, tashkilot kamida 50 mln so‘m miqdorida o‘z mablag‘lariga ega bo‘lishi, qimmatli qog‘ozlar bozori ishtirokchilari bilan elektron hamkorlik qilish imkoniyatiga ega bo‘lishi hamda ichki hisob va nazorat tizimini yo‘lga qo‘yishi lozim.

👨‍💼 Shuningdek, rahbar va mutaxassislar tegishli ma’lumot, ish tajribasi hamda malaka talablariga javob berishi, iqtisodiy va korrupsiyaga oid jinoyatlar uchun sudlanmagan bo‘lishi talab etiladi.

🖥 Agar investitsiya maslahatchisi o‘z dasturiy ta’minotidan foydalansa, unga bo‘lgan mualliflik huquqini tasdiqlovchi hujjatlar ham mavjud bo‘lishi kerak.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

📈 Fond birjasi va qimmatli qog‘ozlarning birjadan tashqari savdosi tashkilotchisi faoliyatini litsenziyalash tartib-taomillari to‘g‘risidagi nizomni davlat ro‘yxatidan o‘tkazdi (ro‘yxat raqami 3851, 2026-yil 9-iyun)

📄 Mazkur Nizom fond birjasi va qimmatli qog‘ozlarning birjadan tashqari savdosi tashkilotchisi sifatidagi professional faoliyatni litsenziyalash tartibini belgilaydi.

🏢 Fond birjasi va qimmatli qog‘ozlarning birjadan tashqari savdosi tashkilotchisi faoliyatini amalga oshirish uchun yuridik shaxslarga cheklanmagan muddatga litsenziya beriladi.

📋 Ushbu hujjatda litsenziya talabgori uchun quyidagi litsenziya talab va shartlari belgilangan:
💰 – ustav fondini BHMning 5 800 baravari miqdorida pul mablag‘i ko‘rinishida shakllantirish;
🤝 – ustav kapitalidagi ulushlarni jismoniy va yuridik shaxslarga, shu jumladan, norezidentlarga realizatsiya qilish hamda litsenziatning direktori va uning o‘rinbosarlari almashishini litsenziyalovchi organ bilan kelishish;
📊 – birja tovarlariga talab va taklif nisbati asosida ularga kotirovkani amalga oshirish va boshqalar.

💵 Litsenziyalovchi organ (Istiqbolli loyihalar milliy agentligi) tomonidan litsenziya olish bo‘yicha taqdim etilgan hujjatlarni ko‘rib chiqish, shuningdek litsenziyani qayta rasmiylashtirganlik uchun yig‘im undirilmaydi.

⏳ Litsenziya berish yoki berishni rad etish to‘g‘risidagi qaror litsenziya talabgorining arizasi qabul qilingan kundan e’tiboran 20 ish kuni ichida qabul qilinadi.

📱 Litsenziya QR-kod qo‘yilgan holda elektron shaklda rasmiylashtiriladi hamda litsenziyalovchi organning rasmiy veb-saytiga joylashtiriladi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot