#Adliya_xabari
#Sayyor_qabul

🔴 Dehqonobodda sayyor qabul tashkil etildi

🔹Qashqadaryo viloyati adliya boshqarmasi tomonidan Dehqonobod tumanining “Oqrabot” mahallasida sayyor qabul o‘tkazildi.

🔹Unda viloyat adliya boshqarmasi rahbariyati ishtirok etib, fuqarolarning murojaatlari, taklif va muammolari tinglandi.

🔹Sayyor qabul davomida davlat xizmatlaridan foydalanish jarayonida yuzaga kelayotgan masalalar, huquqiy muammolar hamda murojaatlarni o‘z vaqtida ko‘rib chiqish masalalariga alohida e’tibor qaratildi.

🔹Shuningdek, fuqarolarga “Jismoniy va yuridik shaxslarning murojaatlari to‘g‘risida”gi Qonunning mazmun-mohiyati, jinoyatchilikning salbiy oqibatlari, notinch oilalar bilan ishlash va profilaktik suhbatlar o‘tkazish yuzasidan huquqiy tushuntirishlar berildi.

🔹Tadbir davomida 60 nafardan ortiq fuqaro qabul qilinib, 20 nafariga huquqiy tushuntirish berildi, 15 ta murojaat joyida ijobiy hal etildi hamda qo‘shimcha o‘rganish talab etilgan murojaatlar ish yurituviga olindi.

#Yoshlar_kuni

🔴 Namanganda “Rahbar va yoshlar” uchrashuvi o‘tkazildi

🔹Davlatimiz rahbari tashabbusi bilan har payshanba kuni “Yoshlar kuni” sifatida o‘tkazilishi doirasida Chust tumanida “Rahbar va yoshlar” uchrashuvi tashkil etildi.

🔹Tadbirda Namangan viloyati adliya boshqarmasi boshlig‘i, tuman hokimi, sektor rahbarlari hamda yoshlar ishtirok etdi.

🔹Uchrashuv davomida adliya tizimida amalga oshirilayotgan islohotlar, aholiga qulaylik yaratishga qaratilgan yangi xizmatlar, yoshlarning huquqiy savodxonligini oshirish hamda ularni qo‘llab-quvvatlash borasida amalga oshirilayotgan ishlar haqida ma’lumotlar berildi.

🔹Shuningdek, yoshlarning bandligini ta’minlash, tadbirkorlikka keng jalb qilish, jinoyatchilikning oldini olish hamda yoshlar o‘rtasida huquqiy madaniyatni yuksaltirish masalalariga alohida e’tibor qaratildi.

🔹Tadbir doirasida “Mehnat yarmarkasi”, yosh ixtirochilar ko‘rgazmasi va “Rasmlar tanlovi” tashkil etilib, yoshlarning iste’dod va tashabbuslarini namoyon etishlari uchun imkoniyat yaratildi.

🔹Shuningdek, “Yangi O‘zbekistonning ibratli oilasi” nominatsiyasi g‘oliblariga “Ibratli oila” ko‘krak nishonlari topshirildi.

📌 Samimiy ruhda o‘tgan uchrashuv yoshlarning Vatanga sadoqat, qonunlarga hurmat va yurt ravnaqiga daxldorlik tuyg‘ularini yanada mustahkamlashga xizmat qildi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

🌐 Anqara shahrida intellektual mulk sohasida Turkiya tajribasi o‘rganildi

📍 Turkiya Respublikasining Anqara shahrida O‘zbekiston Respublikasi Adliya vazirligi delegatsiyasining Turkiya Patent va tovar belgilari idorasi (TÜRKPATENT) faoliyati bilan yaqindan tanishishga qaratilgan xizmat safari bo‘lib o‘tdi.

🗓 Mazkur tashrif O‘zbekistonda intellektual mulk sohasini rivojlantirish bo‘yicha yangi milliy strategiyani ishlab chiqishga tayyorgarlik jarayonida ilg‘or xorijiy tajribani o‘rganish maqsadida tashkil etildi.

🤝 Xizmat safari davomida delegatsiya a’zolari TÜRKPATENT prezidenti prof. dr. Muhammed Zeki Durak bilan uchrashib, intellektual mulk sohasida ikki tomonlama hamkorlikni yanada kengaytirish, tajriba almashish va amaliy aloqalarni rivojlantirish masalalarini muhokama qildi.

💡 Tashrif doirasida TÜRKPATENTning institutsional tuzilmasi, vakolatlari va asosiy funksiyalari, Turkiyada intellektual mulk ekotizimi, sohani rivojlantirishga qaratilgan davlat siyosati hamda milliy intellektual mulk strategiyasini ishlab chiqish va amalga oshirish mexanizmlari o‘rganildi.

🏛 Bundan tashqari, kichik va o‘rta biznes subyektlari, universitetlar, texnologiyalar transferi ofislari va innovatsion ekotizim ishtirokchilarini qo‘llab-quvvatlash, intellektual mulk obyektlarini tijoratlashtirish, ularni iqtisodiy aktiv sifatida baholash hamda moliyalashtirish mexanizmlari yuzasidan fikr almashildi.

🌍 Alohida e’tibor geografik ko‘rsatkichlarni ro‘yxatdan o‘tkazish, ularni huquqiy muhofaza qilish, nazorat mexanizmlarini yo‘lga qo‘yish, xalqaro bozorlarda targ‘ib qilish va eksport salohiyatini oshirish masalalariga qaratildi.

🔖 Xizmat safari yakunlari O‘zbekistonda intellektual mulk sohasini yanada takomillashtirish, yangi milliy strategiyani ishlab chiqishda xalqaro tajribadan samarali foydalanish hamda TÜRKPATENT bilan amaliy hamkorlikni kengaytirishga xizmat qiladi.