#Matbuot_anjumani

Markaz faoliyati bo‘yicha matbuot anjumani o‘tkazildi

Bugun Adliya vazirligi qoshidagi “Adolat” milliy huquqiy axborot markazi tomonidan 2025-yil yakunlari bo‘yicha yillik hisobot yuzasidan matbuot anjumani bo‘lib o’tdi.

Tadbirda Lex.uz sayti faoliyati, bugungi kunda saytning dunyo bo‘ylab keng qamrovi, normativ hujjatlarning yangilanishi, platformaga o‘zbek tili va boshqa tillarda hujjatlar joylashtirilgani bilan bog‘liq muhim ma’lumotlar taqdim etildi.

Shuningdek, “Huquqiy axborot” rasmiy telegram kanali faoliyati hamda huquqiy axborotni yetkazishdagi boshqa innovatsion loyihalar, shu jumladan, sunʼiy intellekt asosida xizmat koʻrsatuvchi “LexAI” platformasi imkoniyatlari bo’yicha ma’lumot berib o’tildi.

Shu bilan birga, “Inson va Qonun” gazetasi hamda “Huquq va Burch” jurnali birlashgan tahririyatining faoliyati, xorijiy aloqalar sohalarini isloh qilish yuzasidan amalga oshirilgan ishlar hamda Markaz tomonidan amalga oshirilishi rejalashtirilgan istiqboldagi loyihalar to’g’risida ham axborot berildi

Tadbir so‘ngida, zamonaviy raqamli xizmatlar va axborot tizimlarini rivojlantirish borasidagi yangiliklar taqdim etildi, mavjud muammolar muhokama qilindi, mutaxassislar va OAV vakillari bilan ochiq muloqot o‘rnatilib, kelgusidagi ustuvor vazifalar yuzasidan fikr almashildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

Yashnobod tumanida huquqbuzarliklar profilaktikasi bo‘yicha tizimli ishlar amalga oshirilmoqda

Oliy Majlis Senatining Sud-huquq masalalari va korrupsiyaga qarshi kurashish qo‘mitasi raisi A.X.Eshmuratov hamda Adliya vaziri o‘rinbosari N.U.Muxammadiyev Yashnobod tumani “Barkamol” mahallasida jinoyatchilikni oldini olish va huquqbuzarliklarga qarshi kurashish borasida olib borilayotgan ishlar bilan yaqindan tanishdi.

Tashrif davomida mahalla yettiligi va boshqa jamoatchilik faollari bilan birgalikda hududda jinoyatchilikni kamaytirish, huquqbuzarliklarning oldini olish, profilaktika ishlarini kuchaytirish bo‘yicha chora-tadbirlar muhokama qilindi.

Shuningdek, fuqarolar bilan manzilli ishlash, nizolarni oldini olish, muammoli oilalar bilan ishlash orqali huquqbuzarliklarga qarshi kurashish masalalariga alohida e’tibor qaratildi.

Tadbir yakunida profilaktika ishlarini yanada samarali tashkil etish hamda idoralararo hamkorlikni mustahkamlash yuzasidan aniq vazifalar belgilab olindi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#adliya_xabari

🗓Advokatlar palatasi Qashqadaryo viloyat hududiy boshqarmasida advokatlar ishtirokida davlat hisobidan yuridik yordam ko‘rsatish sohasida qilinayotgan ishlar va amaliyotda yuzaga kelayotgan muammolar xususida yig‘ilish o‘tkazildi.

Mazkur yig‘ilishda Adliya vazirligi Notariat, advokatura va mediatsiya boshqarmasi boshlig‘i M.Hatamov hamda boshqarmaning Advokatura bo‘limi boshlig‘i J.Uzakovlar ishtirok etishdi.

📑Yig‘ilishda sud va tergov organlaridan kelib tushayotgan so‘rovlarni qabul qilish jarayoni, amaliyotda yuzaga kelayotgan muammolar yuzasidan takliflar eshitildi hamda yechimi bo‘yicha tegishli tavsiyalar berildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot