#Adliya_xabari

❗️Naqdsiz hisob-kitoblarni joriy etish bo‘yicha targ‘ibot ishlari davom etmoqda

🔰 Qashqadaryo viloyati adliya boshqarmasi boshlig‘i S. Nuriyev tomonidan Shahrisabz shahar hamda Shahrisabz va Kitob tumanlarida faoliyat yuritayotgan notariuslar bilan uchrashuv o‘tkazildi.

🔰 Uchrashuv davomida O‘zbekiston Respublikasi Prezidentining PF–246-son Farmoni ijrosi yuzasidan amalga oshirilayotgan ishlar atroflicha tahlil qilindi. Xususan, ko‘chmas mulk va transport vositalari oldi-sotdi jarayonlarida hisob-kitoblarni notarius va banklar o‘rtasidagi elektron ma’lumotlar almashinuvi orqali naqdsiz shaklda amalga oshirish tartibi muhokama etildi.

💬 Shuningdek, notariuslarga mazkur tizimni amaliyotga to‘liq va sifatli joriy etish, fuqarolar uchun yanada qulay shart-sharoitlar yaratish hamda aholiga huquqiy tushuntirish ishlarini kuchaytirish bo‘yicha tegishli tavsiyalar berildi.

📌 Mazkur chora-tadbirlar iqtisodiy shaffoflikni ta’minlash, yashirin iqtisodiyot ulushini qisqartirish va fuqarolarga qulay xizmatlar ko‘rsatishga xizmat qiladi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

🌟🌟🌟🌟🌟

Sun’iy intellekt va huquq: kelajak sari muhim qadam

✅Adliya tizimida raqamli transformatsiya jarayonlari izchil davom etayotgan bir davrda Yuridik kadrlarni qayta tayyorlash va malakasini oshirish institutida “Huquqni qo‘llash amaliyotida sun’iy intellektni joriy etish istiqbollari: qiyosiy-huquqiy tahlil” mavzusida respublika ilmiy-amaliy konferensiya yuqori saviyada tashkil etildi.

➡️Mazkur nufuzli anjuman huquq sohasida innovatsion texnologiyalarni joriy etish, sun’iy intellekt imkoniyatlaridan samarali foydalanish hamda zamonaviy huquqiy mexanizmlarni shakllantirish masalalariga bag‘ishlandi.

⏺Tadbirda yetakchi olimlar, huquqshunos-amaliyotchilar, sud-huquq tizimi vakillari, IT mutaxassislari va ilmiy-tadqiqot muassasalari xodimlari faol ishtirok etib, dolzarb masalalar yuzasidan fikr almashdilar.

🔹 Sun’iy intellektni huquqni qo‘llash amaliyotiga integratsiya qilish
🔹 Sud qarorlarida inson omili va algoritmik yondashuv muvozanati
🔹 Shaffoflik, hisobdorlik va etik masalalar
🔹 Ma’lumotlar himoyasi va shaxsiy hayot daxlsizligi
🔹 Kiberjinoyatlarga qarshi kurashishning zamonaviy usullari kabi yo‘nalishlar muhokama markazida bo‘ldi.

⚡️Konferensiya yakunida ishlab chiqilgan ilmiy xulosalar va amaliy tavsiyalar huquqni qo‘llash tizimini modernizatsiya qilish, qonunchilikni takomillashtirish hamda sun’iy intellekt texnologiyalarini xavfsiz va samarali joriy etishda muhim ahamiyat kasb etishi ta’kidlandi.

➡️ Mazkur tadbir nafaqat ilmiy muloqot maydoni, balki kelajakdagi keng ko‘lamli islohotlar uchun mustahkam konseptual asos bo‘lib xizmat qiladi.

minjusttraining.uz | Facebook | Instagram | Telegram

❗️Naqdsiz hisob-kitoblar tizimini takomillashtirish masalalari muhokama qilindi

🔰 O‘zbekiston Respublikasi Prezidentining PF–246-son Farmoniga muvofiq, joriy yilning 1-aprelidan boshlab ko‘chmas mulk hamda transport vositalari oldi-sotdisida hisob-kitoblar faqat naqdsiz shaklda amalga oshirilmoqda.

🔰 Mazkur tartib asosida bitimlar notarius va banklar o‘rtasidagi elektron axborot almashinuvi orqali rasmiylashtirilib, to‘lovlar to‘liq shaffof va nazorat qilinadigan tizimda amalga oshirilmoqda.

🔰 Ushbu tizimning hududlarda samarali joriy etilishini ta’minlash maqsadida Buxoro viloyat adliya boshqarmasi boshlig‘i M. Isayev tomonidan notariuslar hamda bank vakillari bilan uchrashuv o‘tkazildi.

💬 Uchrashuv davomida ko‘chmas mulk va transport vositalari oldi-sotdisida hisob-kitoblarni naqdsiz shaklda amalga oshirish mexanizmlarini takomillashtirish, notarius va banklar o‘rtasida elektron ma’lumotlar almashinuvini yanada tezkor va uzluksiz yo‘lga qo‘yish, shuningdek, eskrou hisobvaraqlari orqali hisob-kitoblarni amalga oshirishda yuzaga kelayotgan amaliy masalalar yuzasidan fikr almashildi.

📌 Shuningdek, fuqarolar uchun qulay, shaffof va xavfsiz xizmatlar ko‘rsatishni ta’minlash, ortiqcha byurokratik to‘siqlarni bartaraf etish bo‘yicha aniq vazifalar belgilab olindi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot