PROFESSIONAL TARJIMA XIZMATLARI

✅“Adolat” milliy huquqiy axborot markazi tomonidan qonunchilik hujjatlarini tarjima qilish tizimi zamonaviy yondashuv asosida yo‘lga qo‘yilgan.

Maqsadimiz: Hujjatlarni aniq, ishonchli va huquqiy jihatdan mukammal tarzda tarjima qilish.

✅ Biz quyidagi asosiy xizmat turlarini taklif qilamiz:
✔️ Yuqori malakali tarjimonlar tomonidan hujjatlarning o‘zbek, rus, ingliz va boshqa istalgan tillarga sifatli tarjima qilinishi;
✔️ Yuridik atamalarning aniq va to‘g‘ri qo‘llanilishi;
✔️ Matnlarning qisqa muddatda tarjima qilinishini ta’minlash.

📶 Tarjimalar quyidagi yo‘nalishlar bo‘yicha amalga oshiriladi:
• normativ-huquqiy hujjatlar;
• yuridik adabiyotlar;
• kodekslarga ilmiy-amaliy sharhlar;
• ilmiy ishlar, dissertatsiyalar va avtoreferatlar;
• badiiy tarjima va turli mavzulardagi kitoblar;
• ijtimoiy, siyosiy va boshqa mazmundagi matnlar.

Ushbu tizim huquqiy axborotni keng jamoatchilikka tezkor, tushunarli tarzda va yuqori sifat bilan yetkazishga xizmat qiladi.

📞 Bog'lanish uchun: (55) 510 47 87
📥 Elektron pochta: info@adolatmarkazi.uz
📍 Manzil: Toshkent shahri, Mirobod tumani, Amir Temur shoh ko'chasi, 19-uy

#Adliya_xabari

🔷 Shaffof xizmat – ishonchli tizim

Samarqand viloyat adliya boshqarmasi boshlig‘i o‘rinbosari tomonidan Bulung‘ur tumani adliya bo‘limida fuqarolarga ko‘rsatilayotgan davlat xizmatlari sifati, murojaatlar bilan ishlash holati hamda xizmatlar samaradorligi yuzasidan atroflicha o‘rganish va tahlil ishlari olib borildi.

📍 O‘rganish jarayonida PF-246-son Farmon asosida joriy etilgan naqdsiz to‘lov tizimining amaliy ijrosi, uning aholiga yaratayotgan qulayliklari hamda shaffoflikni ta’minlashdagi ahamiyati alohida e’tibor markazida bo‘ldi.

📊 Tahlil natijalari mazkur tizim davlat xizmatlarini ko‘rsatishda ochiqlik, tezkorlik va ishonchlilikni ta’minlashga xizmat qilayotganini ko‘rsatdi. Fuqarolar tomonidan elektron to‘lov vositalaridan foydalanish ko‘lami kengayib borayotgani esa olib borilayotgan islohotlarning amaliy samarasini yaqqol ifoda etmoqda.

💬 Shu bilan birga, xizmatlar sifatini yanada oshirish, murojaatlar bilan ishlashda samaradorlikni kuchaytirish hamda zamonaviy yondashuvlarni keng joriy etish bo‘yicha tegishli tavsiyalar berildi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_xabari

❗️Naqdsiz hisob-kitoblar Andijon viloyati misolida

✅ Ma’lumki, O‘zbekiston Respublikasi Prezidentining “Naqdsiz hisob-kitoblarni ommalashtirish va yashirin iqtisodiyot ulushini qisqartirishga qaratilgan qo‘shimcha chora-tadbirlar to‘g‘risida”gi Farmoniga muvofiq shu yil 1-apreldan boshlab ko‘chmas mulk hamda transport vositalari oldi-sotdisi bo‘yicha hisob-kitoblarni faqat naqdsiz shaklda amalga oshirish tartibi joriy etildi.

✅Viloyatimizda ham, ushbu tartib izchil amalga oshirilib, fuqarolarga yanada qulaylik yaratish maqsadida notariuslar va tijorat banklari o‘rtasida elektron axborot almashinuvi tizimi yo‘lga qo‘yildi. Natijada bitimlar rasmiylashtirilishi tezlashib, ortiqcha ovora-garchiliklar kamaymoqda. Endilikda fuqarolar ko‘chmas mulk va transport vositalarini sotib olish yoki sotishda to‘lovlarni bank orqali amalga oshirib, o‘z mablag‘larining xavfsizligini ta’minlash imkoniga ega bo‘lmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_xabari

❗️Hisob-kitoblarning naqdsiz amalga oshirilishi iqtisodiy barqarorlikka xizmat qiladi

Xabaringiz bor, PF-246-son Farmonga muvofiq joriy yilning 1-aprelidan boshlab ko‘chmas mulk hamda transport vositalari oldi-sotdisida hisob-kitoblar faqat naqdsiz shaklda amalga oshirilishi belgilangan.

Mazkur tartibga ko‘ra, bitimlar notarius va banklar o‘rtasidagi elektron axborot almashinuvi orqali rasmiylashtirilib, to‘lovlar to‘liq shaffof va nazorat qilinadigan tizim asosida amalga oshiriladi.

📊 Ushbu yangilik iqtisodiyotda ochiqlikni ta’minlash, moliyaviy intizomni mustahkamlash hamda yashirin iqtisodiyot ulushini qisqartirishga xizmat qiladi. Shu bilan birga, fuqarolar uchun xavfsiz, qulay va ishonchli hisob-kitob mexanizmini yaratadi.

💬 Naqdsiz hisob-kitoblar tizimi orqali ortiqcha xatarlar bartaraf etilib, bitimlar ishonchliligi hamda taraflarning huquqiy himoyasi yanada kuchaytiriladi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot