❕“Kontrafaktsiz oy” oyligi doirasida hafta davomida amalga oshirilgan ishlar

✅Xalqaro seminar-treninglar tashkil etildi
Adliya, soliq, bojxona hamda prokuratura organlari xodimlari uchun Xalqaro tovar belgilari uyushmasi (INTA) va “React” nodavlat notijorat tashkiloti mutaxassislari ishtirokida seminar-treninglar o‘tkazildi. Unda kontrafakt mahsulotlarga qarshi kurashishning zamonaviy mexanizmlari, xalqaro tajriba hamda amaliy yondashuvlar muhokama qilindi.

✅Tadbirkorlar bilan uchrashuv o‘tkazildi
Samarqand viloyati Savdo-sanoat palatasi bilan hamkorlikda tadbirkorlar uchun intellektual mulk va brendlarni davlat ro‘yxatidan o‘tkazish masalalariga bag‘ishlangan uchrashuv tashkil etildi. Tadbir davomida tadbirkorlarga o‘z brendlarini ro‘yxatdan o‘tkazish tartibi, intellektual mulkni himoya qilishning ahamiyati hamda ushbu yo‘nalishda yaratilgan imkoniyatlar haqida batafsil tushuntirishlar berildi.

✅Vakolatli organlar bilan hamkorlikda nazorat tadbirlari o‘tkazildi
Vazirlik hamda bojxona organlari mas’ul xodimlari ishtirokida TIF bojxona chegara postlarida kontrafakt mahsulotlarga qarshi kurashish yuzasidan nazorat tadbirlari amalga oshirildi. Tadbir davomida bojxona organlari xodimlariga kontrafakt mahsulotlarni aniqlash bo‘yicha tegishli tushuntirishlar berildi.

Telegram | Instagram | Facebook | YouTube | Bot

#Adliya_xabari

Adliya vaziri vazirlik binosida navbatdagi qabulini o'tkazdi

🟢Xabaringiz bor, Adliya vazirligi rahbariyati tomonidan fuqarolarning muammolarini o'rganish va bartaraf etishning samarali usuli sifatida shaxsiy qabullarni tashkil etilishiga alohida eʼtibor qaratib kelinmoqda.

Xususan, joriy yilning 6-mart kuni vazirlik binosida Adliya vaziri tomonidan 14 nafar (3 nafari onlayn tarzda) jismoniy shaxslar va yuridik shaxslarning vakillarining notariat, advokatura, mehnat qonunchiligi, nodavlat notijorat tashkilotlari faoliyati, davlat xizmatlari va kadastr masalalariga oid murojaatlari tinglandi.

🟢Qabul jarayonida kelib tushgan murojaatlarning 5 tasi joyida hal etilib huquqiy tushuntirish berildi. 6 nafar fuqaroning murojaati ijro uchun qabul qilindi hamda ularni qonun doirasida hal etish bo'yicha masʼullarga tegishli topshiriqlar berildi.

🟢Vazirlikning vakolatiga kirmaydigan masalalar yuzasidan esa, fuqarolarga huquqiy tushuntirishlar berildi.

⚠️Ma'lumot uchun: Adliya vaziri tomonidan haftaning har juma kuni soat 15:00 dan 17:00 ga qadar jismoniy shaxslar va yuridik shaxslarning vakillari qabul qilinadi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot