#Adliya_xabari

Aholi va qishloq xoʻjaligini roʻyxatga olish tadbirlari qizgʻin davom etmoqda.

🔵O‘zbekiston Respublikasi Prezidentining “Oʻzbekiston Respublikasida aholi va qishloq xo‘jaligini ro‘yxatga olish tadbirini o‘tkazish to‘g‘risida”gi PF-173-son Farmoni ijrosi yuzasidan hududlarga biriktirilgan mas’ullar tomonidan tizimli ishlar davom ettirilmoqda.

🔵Shunga koʻra, Bekobod shahrida aholi va qishloq xo‘jaligini ro‘yxatga olish jarayonlari sifatini oshirish va yanada jadallashtirish maqsadida Toshkent viloyati adliya organlarining bir qator xodimlari kunlik amaliy yordam uchun jalb etildi.

Kun davomida mahallalarda tashkil etilgan uchastkalarda, yirik korxonalarda, davlat xizmatlari markazlarida va boshqa tashkilotlarda roʻyxatga olish ishlari samarali tashkil etildi. Fuqarolarni ONE ID tizimidan roʻyxatdan oʻtishlariga koʻmaklashildi va shaxsiy hujjatlari bilan bogʻliq huquqiy muammolar hal etilishida amaliy yordam koʻrsatildi.

🔵Shu bilan birga mahallarda ishlarni samarali tashkil etish, roʻyxatga olish jarayonida shaxsga oid ma'lumotlar bilan ishlashda qonunchilik talablariga qat'iy rioya qilish yuzasidan ishchi guruh tomonidan mas'ullarga tegishli tavsiya va koʻrsatmalar berildi.

🔵Bu boradagi ishlar tizimli ravishda davom ettirilmoqda.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

✅Adliya vazirligida ijro intizomini mustahkamlash masalalariga bag‘ishlangan o‘quv-seminar bo‘lib o‘tdi

🔹Bugun, Adliya vazirligida vazirlik, idora va mahalliy hokimliklarning ijro intizomiga mas'ul rahbarlar va xodimlar ishtirokida davlat organlari va tashkilotlarida ijro intizomini ta’minlash, Prezident va Hukumat hujjatlarida belgilangan topshiriqlar ijrosini samarali tashkil etish masalalariga bag‘ishlangan o‘quv-seminar bo‘lib o‘tdi.

🔹Seminarda O‘zbekiston Respublikasi Prezidenti va Prezident Administratsiyasi rahbari hujjatlari, shuningdek, Vazirlar Mahkamasi qarorlarida belgilangan topshiriqlar ijrosining 2025-yildagi holati tahlil qilinib, ijro intizomini yanada mustahkamlash bo‘yicha ustuvor vazifalar muhokama qilindi.

Ta'kidlanganidek, ijro intizomini kuchaytirish borasida so‘nggi yillarda qator tizimli choralar ko‘rilmoqda. Xususan, “Ijro.gov.uz” axborot tizimida sun’iy intellekt asosida topshiriqlarning takroriyligini aniqlash, ijro muddati yaqinlashayotgan topshiriqlar bo‘yicha rahbarlarni avtomatik xabardor qilish mexanizmlari joriy etildi. Mazkur tizim davlat organlarining 13 ta axborot tizimi bilan integratsiya qilinib, nazorat jarayonlarining ochiqligi va tezkorligini ta’minlamoqda.

Shuningdek, Hisob palatasi bilan hamkorlikda hududlarda doimiy faoliyat yurituvchi ishchi guruhlar tashkil etilib, joylarda topshiriqlar ijrosi o‘rganildi va amaliy yordam ko‘rsatildi. Natijada minglab topshiriqlar ijrosi joyiga chiqqan holda monitoring qilinib, ularning sezilarli qismi belgilangan muddatlarda bajarilishi ta’minlandi.

🔹Tadbir yakunida ijro intizomini yanada mustahkamlash, nazorat va hisobdorlik mexanizmlariga qat’iy rioya etish, noto‘g‘ri ma’lumotlar kiritish orqali topshiriqlarni yopish holatlariga nisbatan javobgarlikni kuchaytirish bo‘yicha aniq takliflar ilgari surildi.

Telegram | Instagram | Facebook | YouTube | Bot