#xalqaro_hamkorlik

✅“Zero Bueraucracy | Byurokratiyasiz davlat” dasturi doirasida BAA-O‘zbekiston hamkorlik uchrashuvlari bo‘lib o‘tmoqda.

🔸O‘zbekiston Respublikasi adliya vaziri A. Tashkulov delegatsiya aʼzolari bilan birgalikda BAAning Dubay shahrida Birlashgan Arab Amirliklarining Xizmatlarni rivojlantirish va “Zero Bureaucracy” bo‘yicha ijro direktori Hesham Amiri, Energiya va infrastruktura vazirligi va Sog‘liqni saqlash xizmati hamda “Hukumat akseleratorlari” jamoasi vakillari bilan uchrashuvlar o‘tkazilib, o‘zaro tajriba almashildi.

🔹Uchrashuvlarda davlat boshqaruvida byurokratiyani tugatish, raqamli boshqaruvni rivojlantirish, jarayonlarni tezlashtirish hamda energiya, infrastruktura va sog‘liqni saqlash sohalarida byurokratiyani qisqartirishda erishilgan ijobiy yutuqlari muhokama qilindi.

🔸Shuningdek, BAAning byurokratik talablarni bekor qilish yuzasidan ishlab chiqilgan har bir takliflar amaliyotga tadbiq etilgach uni baholashdan o‘tkazilishi, davlat xizmatlarini ko‘rsatish samaradorligini oshirish maqsadida xizmatlardan foydalanuvchilarning fikrini o‘rganish platformasi yaratilganligi natijasida majburiy talablari soni keskin kamaygani va tadbirkorlik muhiti bo‘yicha jahon reytinglarida yuqori o‘ringa chiqqanligi e’tirof etildi.

🎯 Hamkorlikdan ko‘zlangan asosiy maqsad — fuqarolar va tadbirkorlar uchun tez, shaffof va ishonchli adliya xizmatlarini ta’minlash.

Telegram | Instagram | Facebook | YouTube | Bot

Mualliflik va turdosh huquqlar — doimiy e’tiborda!

✅Bugun, Adliya vazirligi tomonidan Turkiston san’at saroyida mualliflik va turdosh huquqlarni himoya qilish masalalariga bag‘ishlangan davra suhbati bo‘lib o‘tdi.

🤝 Tadbirda san’at va ijod sohasida faoliyat yuritayotgan san’atkorlar, bastakorlar, yozuvchilar va shoirlar, shuningdek OAV vakillari ishtirok etdi.

💬 Davra suhbatida:
— ijodkorlarning huquq va qonuniy manfaatlarini ta’minlash,
— shartnomaviy-huquqiy munosabatlarni rivojlantirish,
— mualliflik va turdosh huquqlarni himoya qilishning amaldagi mexanizmlari muhokama qilindi.

🔺 Ayniqsa, ijtimoiy tarmoqlarda asarlardan ruxsatsiz foydalanish, mualliflik huquqlarining buzilishi kabi dolzarb masalalarga alohida e’tibor qaratildi.

🔹 Bildirilgan fikr va takliflar asosida mualliflik va turdosh huquqlarni himoya qilish tizimini yanada takomillashtirishga qaratilgan tashabbuslar ilgari surildi.

📌 Mazkur davra suhbati ijodkorlarning qonuniy huquqlarini himoya qilish va ularning mehnatiga munosib baho berishga qaratilgan muhim qadamlardan biri bo‘ldi.

Telegram | Instagram | Facebook | YouTube | Bot

Xalqaro hamkorlik — islohotlar tayanchi

✅Bugun, Adliya vazirining birinchi o‘rinbosari M. Istamov hamda O‘zbekiston Respublikasi Prezidentining iqtisodiy rivojlanish, samarali boshqaruv va xalqaro hamkorlik masalalari bo‘yicha Maslahatchisi Suma Chakrabarti o'rtasida ikki tomonlama uchrashuv bo'lib o'tdi.

💬 Uchrashuvda xalqaro reyting va indekslar, Jahon savdo tashkilotiga (JST) a’zo bo‘lish va raqamli texnologiyalar xalqaro markazi sudini tashkil etish masalalari muhokama qilindi.

📊 Qayd etilishicha, 2025-yil davomida Adliya vazirligi tomonidan siyosiy-huquqiy sohada O‘zbekiston uchun ustuvor bo‘lgan xalqaro reyting va indekslar bo‘yicha 100 dan ortiq takliflar ishlab chiqilgan. Shuningdek, Jahon odil sudlov loyihasi (WJP) ekspertlarini jalb etgan holda huquq ustuvorligini mustahkamlashga qaratilgan loyiha yuzasidan kelishuvga erishilgan.

🏛 Uchrashuvda tadbirkorlik subyektlarini qo‘llab-quvvatlashga qaratilgan “Tadbirkorlik faoliyatining asoslari va kafolatlari to‘g‘risida” hamda “Davlat qo‘llab-quvvatlov choralari to‘g‘risida”gi qonun loyihalari ishlab chiqilgani ham alohida ta’kidlandi.

💻 Tadbirda O‘zbekiston Respublikasi Prezidentining 2025-yil 26-noyabrdagi PF–233-son Farmoni bilan maxsus huquqiy rejim asosida tashkil etilgan Raqamli texnologiyalar xalqaro markazi (“ENTERPRISE UZBEKISTAN”) hamda uning Angliya va Uels umumiy huquqi normalariga asoslangan alohida yurisdiksiya sifatida e’tirof etilgani ma’lum qilindi.

🔹S. Chakrabarti mazkur markaz va uning huzurida tashkil etilayotgan sud xalqaro standartlarga mos bo‘lishi zarurligini qayd etib, ingliz huquqi sohasida malakali ekspertlarni jalb etishda amaliy yordam ko‘rsatishga tayyor ekanini bildirdi.

🎓 Uchrashuv yakunida tomonlar ingliz huquqi bo‘yicha mutaxassislarni tayyorlash, jumladan, TDYUda yangi tashkil etilgan “Ingliz huquqi va Yevropa Ittifoqi huquqi” kafedrasiga xorijiy mutaxassislarni shartnoma asosida jalb etish bo‘yicha kelishuvga erishdilar.

Telegram | Instagram | Facebook | YouTube | Bot

#Adliya_xabari

Huquqiy eksperiment o‘tkazish tartibini belgilashga hamda hakamlik sudlari faoliyatini takomillashtirishga qaratilgan muhim qonunlar qabul qilindi

🔵Senatning navbatdagi yalpi majlisida Adliya vazirligi tashabbusi asosida ishlab chiqilgan “Huquqiy eksperiment to‘g‘risida”gi hamda “Hakamlik sudlari faoliyatini yanada takomillashtirish hamda byudjet intizomini kuchaytirish munosabati bilan O‘zbekiston Respublikasining ayrim qonun hujjatlariga qo‘shimcha va o‘zgartirishlar kiritish to‘g‘risida”gi qonunlar muhokama qilindi.

“Huquqiy eksperiment to‘g‘risida”gi Qonunda huquqiy eksperimentning maqsadi, asosiy tushunchalar, prinsiplar, vakolatli organlar, huquqiy eksperimentni o‘tkazish shartlari, shuningdek, fuqarolik jamiyati institutlarining huquqiy eksperimentda ishtirok etishi va boshqa masalalar nazarda tutilmoqda.

🔵Ma’lumot uchun: so‘nggi 6 yilda O‘zbekistonda sog‘liqni saqlash, uy-joy, investitsiya va ta’lim sohalarida eng faol ravishda eksperimentlar o‘tkazilgan.

Qonunda huquqiy eksperiment faqatgina O‘zbekiston Respublikasining qonunlari, Oliy Majlis palatalarining qarorlari, Prezident farmonlari va qarorlari hamda Vazirlar Mahkamasining qarorlari bilan o‘tkazilishi aniq belgilanmoqda.

🔵Mazkur Qonunning qabul qilinishi huquqiy eksperimentni tashkil etish va o‘tkazish, eksperimental huquqiy normalarni joriy etish bo‘yicha yagona huquqni qo‘llash amaliyotini ta’minlashga hamda jamoatchilik fikrini inobatga olgan holda fuqarolarning hayoti va farovonligini yaxshilashga xizmat qiladi.

“Hakamlik sudlari faoliyatini yanada takomillashtirish hamda byudjet intizomini kuchaytirish munosabati bilan O‘zbekiston Respublikasining ayrim qonun hujjatlariga qo‘shimcha
va o‘zgartirishlar kiritish to‘g‘risida”gi Qonunda doimiy faoliyat yurituvchi hakamlik sudlari nodavlat notijorat tashkilotlari huzurida tashkil etilishi, hakamlik sudyalarining ayni nizoda taraflar vakili sifatida ishtirok etishiga yo‘l qo‘yilmasligi, hakamlik sudlari to‘g‘risidagi qonunchilikni buzganlik uchun ma’muriy javobgarlik belgilanishi kabi masalalar nazarda tutilmoqda.

🔵Ushbu Qonunning qabul qilinishi, hakamlik sudlari faoliyatida ochiqlik va ishonchlilikni oshirishga, manfaatlar to‘qnashuvi va suiiste’molliklarning oldini olishga, shuningdek, davlat budjeti intizomini mustahkamlashga xizmat qiladi.

Muhokamalar yakunida qonunlar senatorlar tomonidan ma’qullandi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot