#Adliya_aralashgach
#Farg'ona_viloyati

❗️Adliya aralashuvi bilan xonadoniga quyosh panellari o‘rnatgan 83 nafar fuqaroga soliq imtiyozi qo‘llaniladigan bo‘ldi

O‘zbekiston Respublikasi Prezidentining 2023-yil 16-fevraldagi PQ-57-sonli qaroriga asosan aholi xonadonlarida kichik quvvatli qayta tiklanuvchi energiya manbaаlari qurilmalarini oʻrnatish vazifalari belgilangan.

Dang‘ara tuman adliya bo‘limi tomonidan quyosh paneli o‘rnatilgan xonadonlarga soliq imtiyozi qo‘llanilish holati yuzasidan monitoring o‘tkazildi.

Tuman elektr ta’minoti korxonasi tomonidan olingan ma’lumotlarga ko‘ra tumanda istiqomat qiluvchi 83 ta aholi xonadonlariga qayta tiklanuvchi energiya manbalari (quyosh panellari) o‘rnatilganligi, biroq mazkur xonadonlar o‘rganilganda ushbu fuqarolarga qonunchilikda belgilangan soliq imtiyozlari qo‘llanilmay kelinayotganligi ma’lum bo‘ldi.

Soliq kodeksining 421-moddasiga asosan uy-joy fondining ko‘chmas mulk obyektlarida umumiy quvvati 100 kVtgacha bo‘lgan qayta tiklanuvchi energiya manbalaridan foydalanuvchi shaxslar uchun soliq summasi qayta tiklanuvchi energiya manbalar qurilmalari o‘rnatilgan oydan e’tiboran uch yil davomida, quyosh panellari quvvatidan 25 foizdan kam bo‘lmagan quvvatga ega elektr energiyasini to‘plash tizimi mavjud bo‘lgan quyosh panellari o‘rnatilganda esa mazkur panellar foydalanishga topshirilgan oydan e’tiboran o‘n yil davomida bazaviy hisoblash miqdorining ikki baravaridan oshmaydigan summaga kamaytiriladi. Ushbu imtiyoz energiya ta’minoti tashkiloti tomonidan jismoniy shaxsning qayta tiklanuvchi energiya manbalaridan foydalanishi to‘g‘risida berilgan ma’lumotnomaga asosan uy-joy fondining bitta ko‘chmas mulk obyektiga nisbatan faqat bir marotaba taqdim etiladi va jismoniy shaxs tomonidan umumiy quvvati 1 kVtdan ortiq bo‘lgan qayta tiklanuvchi energiya qurilmalari o‘rnatilgan taqdirda qo‘llaniladi.

Yuqoridagilarga asosan, tuman adliya bo‘limi tomonidan 83 nafar fuqaroga soliq imtiyozini qo‘llash bo‘yicha Dang‘ara tuman Soliq inspeksiyasiga taqdimnoma kiritilishi natijasida ushbu fuqarolarga soliq imtiyozi qo‘llanilishiga erishildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

❕“НО-ШПА” tovar belgisi foydasiga 82 mln. so‘m tovon puli undirilishi belgilandi!

✅Qonunchilikka muvofiq tovar belgisidan uning egasining mutlaq huquqini buzgan holda foydalanayotgan shaxslar tovar belgisi egasining talabiga koʻra yetkazilgan zararlarning oʻrnini qoplashi shart.

✅Tovar belgisining egasi oʻzining mutlaq huquqini buzgan holda tovar belgisidan foydalanayotgan shaxsdan zararlarning qoplanishi oʻrniga bazaviy hisoblash miqdorining yigirma baravaridan ming baravarigacha miqdorda tovon toʻlashini talab qilishi mumkin.

✅Shundan kelib chiqib, “Opella Healthcare Hungary Kft” (Vengriya) kompaniyasi unga tegishli bo‘lgan “НО-ШПА” tovar belgisiga iste’molchini adashtirish darajasida o‘xshash bo‘lgan “MER NOSHPEN” dori vositasi “M.F.” MChJ tomonidan ishlab chiqarilayotganligidan norozi bo‘lib sudga murojaat qilgan.

✅Namangan viloyat iqtisodiy ishlar bo‘yicha sudining 2025-yil 14-noyabrdagi hal qiluv qarori bilan “Opella Healthcare Hungary Kft” (Vengriya) kompaniyasi foydasiga “M.F.” MChJdan 82 mln. so‘m tovon puli undirilishi belgilandi.

⚠️Hurmatli tadbirkorlar! Oʻz brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Telegram | Instagram | Facebook | YouTube | Bot

🧷 6 oylik qayta tayyorlash kurslariga hujjat topshirish muddatining tugashiga 1 kun qoldi!

Yuridik kadrlarni qayta tayyorlash va malakasini oshirish instituti qayta tayyorlav kursi talabgorlariga keng imkoniyat yaratish maqsadida, hujjatlarni elektron tarzda qabul qilishning so‘nggi muddati joriy yilning 20-noyabr kuniga qadar uzaytirildi.

➡️ An’anaviy ta’lim shaklida tashkil etiladigan, oliy ma’lumotga ega bo‘lgan shaxslar uchun yuridik mutaxassislik bo‘yicha qayta tayyorlash kurslariga qabul davom etmoqda.

✅ Kurslarga barcha oliy ma’lumotli shaxslar hujjat topshirishlari mumkin.
🖥 Hujjatlar qabul.centertsul.uz sayti orqali elektron shaklda topshiriladi.
📎 Talabgorlar quyidagi hujjatlarni ilova qiladilar:

ID-karta (pasport) nusxasi

Oliy ma’lumot to‘g‘risidagi diplom (elektron shaklda)

♻️ Qabul kvotasi: 100 nafar (faqat o‘zbek guruhi uchun)
💰 To‘lov-kontrakt miqdori: 16 713 604 so‘m

🎓 Kursni muvaffaqiyatli tamomlagan bitiruvchilarga diplom beriladi va ular:

Yuridik xizmat tizimida,

Davlat xizmatlari markazlarida,

FHDYO organlarida,

Advokatura va notariat tizimida, oliy yuridik ma’lumot talab etilmaydigan barcha lavozimlarda ishlash huquqiga ega bo‘ladilar.

☎️ Qo‘shimcha ma’lumot uchun:
(98) 125-73-92
(99) 937-04-33

minjusttraining.uz | Facebook | Instagram | Telegram

✅ Ustama to‘lovlari to‘lanmay qolgan vrachning ustama pullari to‘lab berilishi ta’minlandi

🔸 Respublika shoshilinch tibbiy yordam ilmiy markazi Buxoro viloyati filiali o‘rindosh vrachi lavozimida ishlovchi fuqaro K.M unga ustama pullari to‘lab berilmaganligidan norozi bo‘lib Buxoro viloyat adliya boshqarmasiga murojaat qildi.

🔹 Viloyat adliya boshqarmasi tomonidan murojaat o‘rganilganda, ushbu xodimga Oʻzbekiston Respublikasi Vazirlar Mahkamasining
21.12.2005-yildagi 276-son qarori bilan tasdiqlangan Nizomga asosan 2025-yil aprel oyidan boshlab ish staji uchun ustama to‘lanmasdan kelinganligi aniqlandi.

🔸 Ushbu holat yuzasidan Buxoro viloyat adliya boshqarmasi tomonidan Respublika shoshilinch tibbiy yordam ilmiy markazi Buxoro viloyati filialiga bajarilishi majburiy boʻlgan taqdimnoma kiritildi.

🔹 Natijada, xodimga to‘lanmay qolgan 3 806 000 soʻm miqdordagi ustama toʻlovlari toʻlab berildi.