#Adliya_xabari

Ustoz faxriylar hamisha eʼtibor va eʼzozda

🤔Adliya vazirligi tizimida bayramlar va alohida sanalar oldidan adliya organlarida koʻp yillar davomida mehnat qilgan, koʻplab shogirdlarni yetuk kadr sifatida yetkazib bergan ustoz faxriylar holidan xabar olish anʼanaga aylangan.

1-oktyabr – Ustoz va murabbiylar kuni munosabati bilan Oʻzbekiston Respublikasi Adliya vazirligi faxriylar kengashi hamda Namangan viloyat adliya boshqarmasi hamkorligida bir guruh faxriylar uchun bayram tadbiri tashkil etildi. Ustozlar bilan bir piyola choy ustida diydorlashildi hamda ular uchun A.Navoiy nomidagi musiqali drama teatrida “Bu chollar yomon chollar” spektakli namoyish etildi.

🤔Adolat yoʻli — sharafli, shu bilan birga sermashaqqat yoʻl, bu tanlov jasoratni, fidoiylik va sadoqatni talab etadi. Umrini fuqarolarga xizmat qilish, qonun va tartiblar ijrosini taʼminlashga bagʻishlagan insonlar mehnati hamisha el ardogʻida.

🤔Soha faxriylari uchrashuvlar chogʻida yurtimizga tinchlik, xalqimizga farovonlik soʻrab qoʻllarini duoga ochishdi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

🔘O‘zbekiston Respublikasi Prezidentining tegishli farmon va qarorlari bilan aholi va tadbirkorlik subyektlaridan 120 turdagi ma’lumotnoma va hujjatlarni davlat organlari va boshqa tashkilotlari tomonidan talab qilib olish bekor qilinib, davlat organlari va tashkilotlari jismoniy shaxslarga davlat xizmatlarini ko‘rsatishda, ishga qabul qilish jarayonida va boshqa ma’muriy tartib-taomillarni amalga oshirishda ushbu ma’lumotnoma va hujjatlarni “Elektron hukumat” tizimi idoralararo integratsiyalashuv platformasidan foydalangan holda olinishi lozimligi belgilangan.

🔘Mazkur farmon va qarorlar ijrosi yuzasidan Adliya vazirligi tomonidan tegishli tashkilot vakillari bilan birgalikda davra suhbati o‘tkazildi.

🔘Davra suhbati davomida talab qilinishi bekor qilingan ma’lumotnoma va hujjatlarni olish uchun “Elektron hukumat” tizimi idoralararo integratsiyalashuv platformasidan (tizimdagi tashkilotlar va hududiy bo‘linmalar bilan birga) to‘liq foydalanilishi hamda ushbu hujjatlarni aholi va tadbirkorlik subyektlaridan talab qilinmasligini ta’minlash bo‘yicha amaliy chora-tadbirlar belgilandi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Xalqaro_hamkorlik

🔘Adliya vaziri o‘rinbosari M. Ikramov boshchiligidagi O‘zbekiston Respublikasi delegatsiyasi London shahrida Buyuk Britaniya Biznes va savdo vazirligi, Savdo standartlari, "Cambridge" universiteti, "IP House" va "Film Distribution Association" tashkilotlari vakillari bilan uchrashuv o'tkazdi.

🔘Uchrashuvda "Cambridge" universitetiga tegishli o'quv kitoblar, darsliklar (misol uchun, ingliz tili bo'yicha Raymond Murphy) va boshqa materiallarga bo'lgan mualliflik huquqlarini himoya qilish masalalari muhokama qilindi.

🔘Shuningdek, Adliya vazirligi vakillari tomonidan O'zbekistonda Cambridge nashriyotiga tegishli kitob va darsliklarning original nusxalarini xarid qilish mumkin bo'lgan rasmiy do'kon ochish taklif etildi.

🔘Shu bilan birga, tadbirda kontrafakt mahsulotlarni maxsus tashkil etilgan fuqarolik jamiyati institutlari va xususiy korxonalar tomonidan aniqlashning zamonaviy usullari o'rganildi.

🔘Tadbir yakunida "Cambridge" universiteti nashriyotiga tegishli intellektual mulk obyektlarini ro'yxatdan o'tkazishga ko'maklashish, mualliflik huquqlarini himoya qilish bo‘yicha qo'shma monitoring tadbirlarini amalga oshirish, shuningdek, kontrafakt mahsulotlarning aylanmasiga qarshi kurashish bo‘yicha mahalliy mutaxassislarning malakasini oshirishga va kinematografiya sohasidagi nufuzli kompaniyalar bilan hamkorlik qilishga kelishib olindi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot