#adliya_xabari

✅Adliya vaziri o'rinbosari Sh.Rabiyev Navoiy viloyatida huquqiy masalalar va huquqiy xizmatlar sifatini o'rganmoqda.

🔹Jarayon Navoiy shahrida huquqiy ta'lim va "Adliya huquq sinfi" faoliyati bilan tanishishdan boshlandi. Aytib o'tish joiz bugungi kunda Navoiy viloyatida hududlar kesimida 12 ta "Adliya huquq sinflari" tashkil etilgan bo'lib, o'quv davrida adliya xodimlari tomonidan amaliyot darslarini o'tkazish yo'lga qo'yilgan.

🔹Shundan so'ng, shahar hududidagi " Ziyokor" MFYda mahalla yettiligi bilan uchrashuv tashkil etildi. Bu manzil ayni kunda "Huquqiy mahalla" sifatida e'tirof etilgan. Uchrashuvda adliya idoralari tomonidan berilayotgan huquqiy ko'mak darajasi o'rganildi. Asosiy masalalar kadastr, nogironlikni belgilash va aholining bandlik darajasini oshirish bilan bog'liq.

🔹Muloqot jarayonida shu kabi masalalar atroflicha tahlil etilib, mahalla yettiligi faoliyatini tashkil etishda metodik ta'minlash, qonun hujjatlarining yetkazilishi, huquqiy targ'ibot ishlari holati o'rganildi.

Telegram | Instagram | Facebook | YouTube | Bot

#Adliya_xabari

✅Xalq deputatlari Namangan viloyat Kengashining navbatdagi o'n uchinchi sessiyasi bo‘lib o‘tdi.

🔸Sessiyada fuqarolarning uy-joylariga bo'lgan huquqlari xalq deputatlari viloyat Kengashida ko‘rib chiqilib, ularning yer maydoni uchun ijara huquqi va unda qurilgan binolar va inshootlar uchun mulk huquqi e'tirof etilib, fuqarolarning o'zboshimchalik bilan egallab olingan yer-uchastkalari hamda ularda qurilgan bino va inshootlariga bo'lgan mulk huquqlarini e'tirof etish bo‘yicha xalq deputatlari Namangan viloyat Kengashining qarori qabul qilindi.

🔹Bugungi kengash muhokamasi natijasida tegishli qaror qabul qilinib, 133 nafar fuqaroning uy-joylariga bo'lgan huquqlari e'tirof etildi.

🔸Mazkur sessiyada jami 133 nafar, jumladan, Chortoq tumani 9 nafar, Chust tumani 25 nafar, Mingbuloq tumani 6 nafar, Namangan tumani 17 nafar, Norin tumani 5 nafar, Pop tumani 11 nafar, To‘raqo‘rg‘on tumani 45 nafar, Uchqo‘rg‘on tumani 9 nafar, Uychi tumani 6 nafar fuqaroning yakka tartibdagi uy-joylariga va ular joylashgan yer uchastkalariga nisbatan mulk huquqlari e'tirof etildi.

🔹Endilikda mazkur hujjat egalik huquqi uchun asos bo‘lib, kelgusida yashash joyiga doimiy ro‘yxatga qo‘yish, meros va boshqa notarial xatti-harakatlarni amalga oshirish imkoniyatini yaratadi.

✅Vazir o’rinbosari M.Istamov Namanganda tadbirkorlar bilan uchrashuv o’tkazdi.

🔸Uchrashuvdan ko‘zlangan asosiy maqsad — tadbirkorlarni qiynayotgan huquqiy masalalarni o‘rganish, ularning faoliyatida duch kelayotgan to‘siq va muammolarni bartaraf etishda amaliy yordam ko‘rsatishdan iborat bo‘ldi.

🔹Tadbirkorlar tomonidan ko‘tarilgan asosiy masalalar soliq va bojxona tartib-qoidalaridagi murakkabliklar, yer ajratish jarayonlaridagi byurokratik to‘siqlar, hamda ayrim hollarda davlat organlari tomonidan qonunchilikka zid harakatlar bo‘ldi.

🔸Muloqot davomida mas'ullar tomonidan 17 dan ortiq tadbirkorlik subyektlari qabul qilindi, shundan 6 tasiga huquqiy tushuntirish berildi, 3 nafar murojaatchining muammolari joyida hal etildi, o'rganish talab etilgan 8 ta murojaat koʻrib chiqish uchun ish yurituviga qabul qilindi.

🔹 Shuningdek, Adliya vaziri o‘rinbosari tadbirkorlik faoliyatini qo‘llab-quvvatlash davlat siyosatining ustuvor yo‘nalishlaridan biri ekanini, bu borada Adliya vazirligi ham huquqiy kafolatlar yaratish, huquqiy yordam berish va adolatli muhitni ta’minlashda faol ishtirok etishini ta’kidladi.

🔸Adliya vazirligi tomonidan joylarda o‘tkazilayotgan bunday ochiq muloqotlar, ayniqsa, biznes vakillari uchun amaliy yordam bo‘lib, “xalq davlat uchun emas, davlat xalq uchun” tamoyilining amaliy ifodasi bo‘lib qolmoqda.

Telegram | Instagram | Facebook | YouTube | Bot