✅Mahalliy davlat hokimiyati organlarining vakolatlari mahalliy vakillik va mahalliy ijro etuvchi hokimiyat organlari o‘rtasida taqsimlanmoqda

🔸Oliy Majlis Qonunchilik palatasining navbatdagi majlisida Adliya vazirligi tomonidan ishlab chiqilgan O‘zbekiston Respublikasining “Mahalliy davlat hokimiyati organlari faoliyati takomillashtirilganligi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonun loyihasi birinchi o‘qishda qabul qilindi.

🔹Mazkur qonun loyihasi bilan Yangi tahrirdagi O‘zbekiston Respublikasi Konstitutsiyasiga muvofiq mahalliy Kengash raisi va hokim lavozimlari bir-biridan ajratilganligi sababli 9 ta kodeks va 71 ta qonun qayta ko‘rib chiqilib, mahalliy davlat hokimiyati organlariga yuklatilgan vakolatlar mahalliy vakillik va ijro organlari o‘rtasida ixtisoslashtirish nazarda tutilmoqda.

Xususan:
▪️mahalliy davlat hokimiyati organlarining vazifalari “Kuchli Kengash, hisobdor va tashabbuskor hokim” tamoyili asosida vakillik va ijro etuvchi hokimiyat organlari o‘rtasida aniq taqsimlanmoqda;
▪️mahalliy Kengashlarga hokimliklarning 26 ta vakolatlari hamda qonun hujjatlarida mahalliy davlat xokimiyati organlariga umumiy berilgan vakolatlarning aniqlashtirilishi natijasida qo‘shimcha 33 ta vakolat o‘tkazilmoqda.

🔸Shuningdek, mahalliy Kengashlar va hokimliklarning faoliyatiga xos bo‘lmagan va respublika ijro etuvchi organlari vakolatlariga oid takrorlanuvchi vazifalar bekor qilinmoqda.

🔹Qonun loyihasining qabul qilinishi O‘zbekiston Respublikasi Konstitutsiyasida belgilangan hokimlar va xalq deputatlari Kengashlari vakolatlari taqsimlanishiga asoslangan davlat hokimiyatini tashkil etishning yangi modelini to‘liq amalga oshirish, mahalliy Kengashlarning davlat va jamiyat boshqaruvidagi rolini kuchaytirishga xizmat qiladi.

Telegram | Instagram | Facebook | YouTube | Bot

✅Adliya vazirligi tomonidan intellektual mulk obyektlarining huquqiy himoyasini kuchaytirish boʻyicha tizimli ishlar amalga oshirilmoqda.

🔹Intellektual mulk departamenti va Toshkent shahar adliya boshqarmasi tomonidan “Kentucky Fried Chicken International Holdings” kompaniyasiga tegishli “KFC” hamda fuqaro D.To‘ychiyevga tegishli “Совёнок” tovar belgilaridan noqonuniy foydalanish holatlarini oldini olishga qaratilgan monitoring tadbirlari oʻtkazildi.

🔸Tadbirda huquq egalariga oʻz brendlarini huquqiy himoya qilish boʻyicha zarur uslubiy tavsiyalar berildi.

🔹Shuningdek, "Farhod" dehqon bozori va "Eski Juva" bozorida kontrafakt mahsulotlar aylanmasiga qarshi kurashish maqsadida manzilli profilaktika tadbirlari tashkil etildi.

Telegram | Instagram | Facebook | YouTube | Bot

#Adliya_xabari

10 nafar talabgor malaka imtihonini muvaffaqiyatli topshirdi

✅ Joriy yilning 29-iyul kuni xususiy notarial faoliyat bilan shug‘ullanish huquqini berish bo‘yicha malaka imtihoni o‘tkazildi.
Malaka imtihoni ochiqlik, shaffoflik va odillik prinsiplariga asosan o‘tkazildi.

✅Malaka imtihonida talabgorlarning davlat va jamiyat qurilishi hamda korrupsiyaga qarshi kurashish, fuqarolik huquqi, notariat sohasi va vorislik huquqi bo‘yicha savodxonligi sinovdan o‘tkazildi.

✅Imtihon suhbat asosida og‘zaki savol-javob tarzida o‘tkazildi.

Malaka imtihonida ishtirok etish uchun Adliya vazirligi huzuridagi Oliy malaka komissiyasiga hujjat topshirgan 24 nafar talabgorga ushbu malaka imtihonida ishtirok etishiga ruxsat berildi.

✅Malaka imtihoni natijasiga ko‘ra 10 nafar talabgor malaka imtihonini muvaffaqiyatli topshirgan deb topildi. Jumladan:

Andijon viloyatidan:
Bekmuxammedov Saydulloxon Akmalxonovich;
O‘rmonov Shoxrux Bobur o‘g‘li;

Buxoro viloyatidan:
Odilov Farxod Fozilovich;

Jizzax viloyatidan:
Shermatov Anvar Xujamberdiyevich;

Toshkent viloyatidan:
Saidaxmedova Sardora Xamidullayevna;

Toshkent shahridan:
Bozorova Feruza O‘ktamovna;
Davranov Ulugbek Djanibekovich;

Farg‘ona viloyatidan:
Po‘latov Shuxrat Raxmatjonovich;

Xorazm viloyatidan:
Solayev Shahriyor Shermat o‘g‘li;

Surxondaryo viloyatidan:
Abdurasulov Sunnatillo Tojimurodovich.

✅Malaka imtihoni joriy yilning 29-iyul O‘zbekiston Respublikasi Adliya vazirligining www.adliya.uz rasmiy veb-sayti orqali onlayn tarzda yoritib borildi hamda malaka imtihoni jarayoni yozib olindi.

Telegram | Instagram | Facebook | YouTube | Bot

✅Adliya vazirligi huzuridagi Apellyatsiya kengashining dastlabki majlisi bo‘lib o‘tdi.

🔸O‘zbekiston Respublikasi Prezidentining 2025-yil 19-maydagi PQ–188-son qarori bilan Adliya vazirligi va Toshkent shahar adliya boshqarmasi huzurida davlat xizmatlarini ko‘rsatishdagi ma’muriy hujjatlar bo‘yicha nizolarni sudgacha ko‘rib chiquvchi Apellyatsiya kengashlari faoliyati yo‘lga qo‘yilgan.

🔹Unga ko‘ra, eksperiment tariqasida 25 turdagi davlat xizmatlari bo‘yicha qabul qilingan ma’muriy hujjatlarning qonuniyligi Apellyatsiya kengashlari tomonidan kollegial ravishda hamda haq undirilmasdan ko‘rib chiqilishi belgilangan.

🔸Shu asosda, joriy yilning 29-iyul kuni Adliya vazirligi huzuridagi Apellyatsiya kengashining majlisi bo‘lib o‘tdi. Majlisda manfaatdor shaxslarning davlat xizmatlariga oid shikoyatlari ko‘rib chiqilib, natijasi yuzasidan tegishli qarorlar qabul qilindi.

🔹Shu bilan birga, davlat xizmatlarini ko‘rsatuvchi ma’muriy organlarga yagona va izchil huquqni qo‘llash amaliyotini shakllantirish bo‘yicha tegishli ko‘rsatmalar berildi.

🔸Ushbu xizmatdan foydalanish uchun quyidagi havola orqali yoki davlat xizmatlari markazlari orqali shikoyat berishingiz mumkin.

❗️Eslatma: Apellyatsiya kengashlariga shikoyatlarni berish 2026-yil 1-iyulga qadar davom etadi.

Telegram | Instagram | Facebook | YouTube | Bot