#Adliya_xabari

✅Qoraqalpog‘istonda “Huquqiy mahalla” loyihasi doirasida "Adliya sayli" tadbiri o‘tkazildi

🔹Mazkur tadbir Nukus shahridagi "Qizil qum" mahallasi aholisini birinchi navbatda yangi qabul qilinayotgan qonunchilik hujjatlarining mazmun-mohiyatidan xabardor qilish, huquqiy savodxonlikni oshirish, huquqiy muammolarini o'rganish va ularni hal etish maqsadida tashkil qilindi.

🔹Sayl davomida aholiga sayyor davlat xizmatlaridan foydalanish, huquqiy maslahatlar olish, advokat, huquqshunos, notarius, mediator, psixolog xizmatlaridan foydalanish imkoniyati yaratilib, bepul tibbiy ko'rik ham tashkil etildi.

🔹Tadbir davomida sayyor qabul o'tkazilib, 20 dan ortiq fuqarolarning murojaatlari tinglandi. Davlat xizmatlari va FHDY sohasiga taalluqli bo'lgan 8 ta murojaat joyida ijobiy hal etildi. Boshqa murojaatlar yuzasidan zarur huquqiy tushuntirish berilib, o‘z sohalariga yo‘naltirgan holda ijrosi nazoratga olindi.

🔹Bundan tashqari, “Bo‘sh ish o‘rinlari” mehnat yarmarkasi, hunarmandlar mahsulotlari ko‘rgazmalari, harbiy chiqishlar, sport va “Ranglar jilosi” tanlovi, bolalar uchun o‘yin-kulgu va konsert dasturi namoyish qilindi.

Telegram | Instagram | Facebook | YouTube | Bot

#Adliya_xabari

Inson resurslarini boshqarish hamda korrupsiyaviy omillarni oldini olish yo‘nalishida – “Jizzax tajribasi”

✅Adliya vaziri A.Tashkulov inson resurslarini boshqarish samaradorligini oshirish hamda korrupsiyaviy omillarni oldini olish borasida “Jizzax tajribasi” bilan tanishdi.

✅Taqdimotda:
➖Inson resurslarini samarali boshqarish, sohaga istiqbolli kadrlarni jalb qilishning zamonaviy usullari;
➖karyera modeli asosida xodimlarning vertikal va gorizontal o‘sishi natijadorligi;
➖anonim so‘rovnoma o‘tkazish hamda rahbar kadrlarning kompetensiyalarini 360 daraja usulida baholash natijalari;
➖tizimda korrupsiyaviy omillarni oldini olish, bu borada murosasizlikni kuchaytirish chora-tadbirlari;
➖xodimlarning ish faoliyatidan mamnunlik darajasi;
➖timbilding hamda jamoaviy muhitni sog‘lomlashtirishga doir amalga oshirilgan manzilli chora-tadbirlar natijalari muhokama qilindi.

✅Yakunda, adliya vaziri tomonidan inson resurslarini boshqarish tizimini yangi modellar asosida tashkil etish, bu borada proaktivlik va natijadorlikni oshirishga qaratilgan aniq chora-tadbirlar belgilab berildi.

Telegram | Instagram | Facebook | YouTube | Bot

🔴 Kontrafakt dori ishlab chiqaruvchisiga chora ko‘rildi!

✅ Adliya vazirligiga Ukrainadagi “Фармак” kompaniyasiga tegishli “Эдем” tovar belgisiga o‘xshash belgidan noqonuniy foydalanish holati bo‘yicha murojaat kelib tushdi.

✅ Murojaat asosida o‘tkazilgan tekshiruv davomida tadbirkorlik subyekti tomonidan ishlab chiqarilgan va savdoga chiqarilgan farmatsevtik vositalar qadoqlarida “Эдем” belgisiga fonetik jihatdan o‘xshash belgidan ruxsatsiz foydalanilgani aniqlandi.

✅ Tekshiruv natijasida aniqlangan huquqbuzarlik bo‘yicha ushbu subyektga nisbatan o‘zganing tovar belgisiga o‘xshash belgidan qonunga xilof foydalanganligi va avval ham xuddi shunday huquqbuzarlik sodir etganligi sababli bazaviy hisoblash miqdorining 200 baravari (75 million so‘m) miqdorida jarima qo‘llanildi.

❗️Eslatib o‘tamiz, tovar belgilariga oid qonunbuzarliklar quyidagi oqibatlarga olib kelishi mumkin:

➖BHMning 15 baravaridan 50 baravarigacha miqdorda ma’muriy jarima;

➖BHMning 100 baravaridan 200 baravarigacha miqdorda moliyaviy jarima;

➖BHMning 20 baravaridan 1000 baravarigacha miqdorda tovon undirilishi.

🔴Hurmatli tadbirkorlar! Brendingizdan noqonuniy foydalanish holatlari boʻyicha Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Telegram | Instagram | Facebook | YouTube | Bot