✅Adliya vaziri A.Tashkulov Jizzaxdagi xizmat safari davomida Baxmal tumanida amalga oshirilayotgan ishlar bilan yaqindan tanishdi.

🔸Tumandagi “Fayzobod” mahallasida tashkil etilgan uchrashuvda tuman adliya boʻlimi boshligʻining farmon bilan adliya organlariga berilgan vazifa va funksiyalarning bajarilishi, aholi muammolarini qabul qilish va hal etish boʻyicha yaratilgan onlayn platformaning samarasi, xalq orasiga yanada yaqinroq kirib borish orqali ularga huquqiy koʻmak koʻrsatish borasida olib borilayotgan tizimli tadbirlar va ularning natijasi borasidagi taqdimoti tinglandi.

🔹“Mahalla yettiligi” bilan olib borilayotgan hamkorlik tadbirlari borasida maʼlumot berildi. Aholining huquqiy savodxonligini oshirishdagi va muammolarni bartaraf etishdagi amaliy harakatlarni yanada jonlantirish boʻyicha koʻrsatmalar berildi.

🔸Shu bilan birga, mamlakatimizda mulkchilik sohasida olib borilayotgan katta islohotlarning yorqin namunasi bo'lgan fuqarolarning uzoq yillardan beri egallab kelgan yerlari, bino va inshootlariga egalik huquqini berilishi har bir inson qalbida ertangi kunga ishonch tuygʻusini oshirmoqda.

🔹Bundan tashqari, Adliya organlari tomonidan berilgan xulosalar asosida viloyat xalq deputatlari kengashi qarori bilan mulkka nisbatan huquqlari eʼtirof etilgan 30 nafar fuqaroga sertifikatlar topshirildi.

🔸Shuningdek, adliya vaziri Baxmal tumanining ijtimoiy — iqtisodiy rivojlantirish dasturi, tuman markazini obodonlashtirish, bino va inshootlar qurish bilan bogʻliq loyiha dasturlari bilan tanishdi.

Telegram | Instagram | Facebook | YouTube | Bot