✅Adliya vaziri Nurafshon shahrida adliya tizimiga oid qator muassasalar faoliyati bilan tanishdi.

🔹O‘zbekiston Respublikasi Adliya vaziri Akbar Tashkulov Nurafshon shahriga tashrifi davomida adliya tizimining bir nechta muhim yo‘nalishlari bo‘yicha o‘rganish ishlarini amalga oshirdi.

🔹Tashrif davlat xizmatlari ko‘rsatish markazida boshlandi. Unda aholiga ko‘rsatilayotgan xizmatlar sifati, jarayonlarning avtomatlashtirilganligi hamda fuqarolar bilan ishlashda qo‘llanilayotgan yondashuvlar o‘rganildi.

🔹Mazkur markazda ikki yo‘nalishda taqdimot qilindi:
▪️Davlat xizmatlarini ko‘rsatish tizimini yanada takomillashtirish masalalari;
▪️Adliya organlari faoliyatini yoritish, axborot xizmatlari ishini samarali tashkil etish bo‘yicha taklif va tashabbuslar.

🔹Shundan so‘ng, Adliya vaziri X.Sulaymonova nomidagi Sud ekspertizasi markazi Nurafshon filiali faoliyati bilan tanishdi. Markazda ekspertiza yo‘nalishida mavjud sharoitlar, texnik baza va kadrlar salohiyati ko‘rib chiqildi.

🔹Tashrif davomida elektron tizimlar bo‘yicha ham alohida muhokamalar o‘tkazildi:
▪️ “E-Qaror” axborot tizimi doirasida hokim qarorlarining monitoringi amaliyoti adliya bo‘limida ko‘rib chiqildi;
▪️ “E-Huquqshunos” platformasi imkoniyatlari esa Yuridik xizmat ko‘rsatish markazi (YXKM) xodimlari bilan muhokama qilindi.

Telegram | Instagram | Facebook | YouTube | Bot

✅Adliya vaziri o'rinbosari Sh.Rabiyev “WBM Romitex” klasterining “DiROMM” korxonasi faoliyati bilan tanishdi

🔹Tashrif davomida korxonaning ishlab chiqarish jarayonlari, yuqori texnologik uskunalar, mahsulot sifati va ichki hamda tashqi bozorlar uchun eksport salohiyati haqida batafsil ma'lumotlar taqdim etildi.

🔹50 million dollar miqdoridagi investitsiya loyihasi doirasida zamonaviy sanoat inshooti qurilib, ushbu inshootda Italiya va Germaniyadan olib kelingan yuqori texnologik uskunalar o‘rnatilgan. Korxona matoni bo‘yash va gullash jarayonlarini tashkil etib, yiliga 24 ming tonna mahsulot ishlab chiqarish quvvatiga ega hisoblanadi.

🔹Korxona tomonidan ishlab chiqarilgan mahsulotlar nafaqat yuqori sifatga ega, balki milliy iqtisodiyotga ham katta hissa qo‘shadi. Korxonaning zamonaviy ishlab chiqarish usullari va eksportga yo‘naltirilgan mahsulotlari ichki bozorlarda ham keng e’tirof etilmoqda.

🔹Muloqotda tadbirkorlik faoliyati davomida yuzaga kelayotgan soliq, intellektual mulk, kommunal xizmatlar, eksport hajmini oshirish bilan bogʻliq masalalari va ularning huquqiy yechimi boʻyicha tushuntirishlar berib oʻtildi.

Telegram | Instagram | Facebook | YouTube | Bot

#Adliya_xabari

✅Adliya vaziri o'rinbosari Sh. Rabiyev Andijonda tadbirkorlar bilan uchrashdi

🔹Uchrashuvda, tadbirkorlikni rivojlantirishi va soliq tizimidagi so‘nggi o‘zgarishlar muhokama qilindi. Shuningdek, tadbirkorlarning huquqlarini himoya qilish, davlat tomonidan taqdim etilayotgan imtiyozlar va qo‘llab-quvvatlash mexanizmlari haqida ma'lumotlar berildi.

🔹Vazir o'rinbosari, tadbirkorlar uchun yaratilgan huquqiy imkoniyatlar, tadbirkorlik faoliyatini olib borishda yuzaga kelishi mumkin bo‘lgan muammolarni hal qilish va yuridik maslahatlar bo‘yicha to‘liq tushuntirishlar berdi.

🔹Tadbir davomida, tadbirkorlar o‘rtasida investitsiyalarni jalb qilish masalalari ham alohida ko‘rib chiqildi. Adliya vazirligi tomonidan tadbirkorlik faoliyatini qo‘llab-quvvatlash va huquqiy yordamni taqdim etish borasida amalga oshirilayotgan chora-tadbirlar to'g'risida so'z yuritildi.

🔹Uchrashuv yakunida Andijon viloyatida faoliyat yurituvchi tadbirkorlarga yaratilib berilayotgan qulay investitsiya va ishbilarmonlik muhiti, biznes yuritish uchun yaratilgan shart-sharoitlar, mavjud soliq imtiyozlari hamda davlat xizmatlarini ko‘rsatishda yaratilgan qulayliklar haqida huquqiy tushuntirishlar berildi.

Telegram | Instagram | Facebook | YouTube | Bot

✅Adliya vaziri Toshkent viloyati adliya boshqarmasida: tizimni takomillashtirish, xizmat sifatini oshirish, shaffoflikni ta’minlash!

🔹Avval xabar berganimizdek, Adliya vaziri Akbar Tashkulov Toshkent viloyatida bo'lib turibdi. Xizmat safarining asosiy maqsadi — joylardagi adliya organlari faoliyati bilan bevosita tanishish, mavjud tizimni o‘rganish va fuqarolarga ko‘rsatilayotgan xizmatlar sifatini baholashdan iborat bo‘ldi.

🔹Safar davomida Toshkent viloyat fuqarolik holati dalolatnomalarini yozish (FHDY) arxivi hamda viloyat notarial arxivi faoliyatini bevosita o‘rgandi.

🔹O‘rganishlar chog‘ida quyidagi yo‘nalishlarga alohida e’tibor qaratildi:

▪️Arxiv ish yuritish tartibi va hujjat aylanishi;
▪️Hujjatlarning elektron shaklda yuritilishi va saqlanish holati;
▪️Fuqarolarga ko‘rsatilayotgan davlat xizmatlari sifati;
▪️Notarial va FHDY hujjatlarini raqamlashtirish darajasi.

🔹Adliya vaziri joylardagi mavjud shart-sharoitlar va amaldagi ish tartibini tahlil qilib, aniqlangan muammo va kamchiliklarni bartaraf etish yuzasidan aniq topshiriqlar berdi.

🔹Xususan, fuqarolar uchun xizmat ko‘rsatishda qulayliklar yaratish, hujjatlarni tezkor va shaffof yuritish, zamonaviy texnologiyalarni keng joriy etish bo‘yicha amaliy ko‘rsatmalar berildi.

Shunday xizmat safarlari adliya organlari faoliyatini takomillashtirish, xizmatlar sifatini oshirish hamda davlat xizmatlarining aholi uchun yanada ochiq va qulay bo‘lishini ta’minlashga xizmat qiladi.

Telegram | Instagram | Facebook | YouTube | Bot