#Adliya_xabari

Adliya vazirligi mas'ullari Farg'ona viloyatida huquqiy axborotni tarqatish bo'yicha amalga oshirilayotgan ishlar bilan tanishdi.

✅Adliya vazirligi mas'ullari Farg'ona viloyat adliya boshqarmasining huquqiy axborotni tarqatish borasidagi faoliyati bilan yaqindan tanishdi.

✅Mazkur jarayonda, dastlab, Farg'ona shahrining "Soybo'yi" mahallasida "mahalla yettiligi" a'zolari bilan uchrashib, huquqiy axborotni muntazam yetkazilish holati, aholining huquqiy bilimlarini yanada oshirishda mahalla faollarining roli yuzasidan suhbatlashildi.

✅Shuningdek, mas'ullar viloyat Kambag'allikni qisqartirish va bandlik boshqarmasida bo'lib, edo.ijro.uz platformasi orqali kelib tushayotgan qonun hujjatlarini qabul qilish jarayoni bilan tanishib, tizim faoliyatini yanada takomillashtirish yuzasidan mutasaddilarning fikr-mulohazalarini tingladi.

✅Bundan tashqari, Farg'ona shahridagi "Tantana tekstil" MChJda amalga oshirilayotgan ishlar va yaratilgan sharoitlar bilan tanishilib, korxona vakillariga tadbirkorlik subyektlari uchun qonunchilik hujjatlarida belgilangan imtiyozlar va ulardan foydalanish tartibi bo'yicha tushuntirishlar berildi.

Telegram | Instagram | Facebook | YouTube | Bot

#Adliya_xabari

“Twinning” hamkorlik dasturi doirasida normativ-huquqiy bazani soddalashtirish va tizimlashtirish masalalari muhokama qilindi

✅Bugun, 22-may kuni O‘zbekiston Respublikasi Adliya vazirligida “Normativ-huquqiy bazani tizimlashtirish va soddalashtirish” bo‘yicha “Twinning” dasturiga rahbarlik qiluvchi qo‘mitaning 3-yig‘ilishi bo‘lib o‘tdi.

✅Mazkur yig‘ilishda Adliya vaziri o‘rinbosari Alisher Karimov, Latviya Respublikasining O‘zbekistondagi Favqulodda va Muxtor Elchisi Reinis Trokša, Yevropa Ittifoqining O‘zbekistondagi delegatsiyasi, Germaniya hamda Latviya davlatlarining dastur bo‘yicha vakillari, shuningdek, adliya vazirligi mas’ul xodimlari ishtirok etdi.

“Twinning” dasturi doirasida Adliya vazirligi tomonidan xorijiy mutaxassislar bilan hamkorlikda normativ-huquqiy hujjatlarni tizimlashtirish hamda to‘g‘ridan-to‘g‘ri amal qiluvchi qonunlar ishlab chiqish bo‘yicha maxsus qo‘llanma va savolnoma tayyorlanmoqda, shuningdek, tartibga solish ta’sirini baholash va qonunchilik hujjatlarini tizimlashtirish yo‘nalishlarida mas’ul xodimlarining malakasini oshirishga qaratilgan o‘quv dasturlari ishlab chiqilmoqda.

✅ Yig‘ilishda 2025-yilning birinchi va ikkinchi choragida amalga oshirilgan ishlar muhokama qilinib, navbatdagi chorak uchun ish-reja ma’qullandi hamda ishtirokchilar dastur doirasida qilinadigan ishlar samaradorligini oshirish, o‘zaro hamkorlikni kuchaytirish va tasdiqlangan ish-rejaning izchil ijrosini ta’minlash bo‘yicha kelishib oldilar.

Telegram | Instagram | Facebook | YouTube | Bot

❗️Kontrafakt muzqaymoq ishlab chiqaruvchisiga chora koʻrildi

🔍 “Singapore-Samarkand” MCHJ oʻziga tegishli tovar belgisiga oʻxshash belgidan “I and G” MCHJ noqonuniy foydalangan holda kontrafakt muzqaymoq mahsulotini ishlab chiqarayotganlik holati boʻyicha tegishli chora koʻrishni soʻrab Adliya vazirligiga murojaat qildi.

✅Oʻtkazilgan tekshiruv natijasida “I and G” MCHJ haqiqatdan ham oʻzganing brendiga oʻxshash boʻlgan belgidan muzqaymoqning qadogʻida (oʻramida) noqonuniy foydalanib, kontrafakt mahsulot ishlab chiqarayotganligi aniqlandi hamda unga nisbatan 37 mln 500 ming soʻm miqdorida moliyaviy jarima qoʻllanildi.

✅“Singapore-Samarkand” MCHJga brendiga oʻxshash belgidan noqonuniy foydalanganlik holati boʻyicha yetkazilgan zarar qoplashni talab qilish yoki uning oʻrniga BHMning ming baravarigacha (375 mln soʻm) miqdorda tovon undirish boʻyicha “I and G” MCHJ ustidan sudga murojaat qilish huquqi tushuntirildi.

❗️Hurmatli tadbirkorlar! Brendingizdan noqonuniy foydalanish holatlari boʻyicha Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Telegram | Instagram | Facebook | YouTube | Bot

#Adliya_xabari

Respublika ishchi guruhi tomonidan Farg‘ona viloyatida o'rganishlar olib borilmoqda.

✅Respublika ishchi guruhi tarkibidagi Adliya vazirligi mas'ullari xalq bilan muloqotni tashkil etish orqali ularning muammolarini aniqlash va hal etish, hududlar infratuzilmasini yaxshilash va boshqa ijtimoiy-iqtisodiy masalalar bo'yicha amalga oshirilayotgan ishlar bilan tanishdi.

✅Qo‘qon shahridagi Temir yo‘lchilar madaniyat uyi binosida sayyor qabul tashkil etildi. Sayyor qabul davomida 20 dan ortiq fuqaroning kadastr, aliment, uy-joy, tibbiy va ijtimoiy yordam, bandlik, tadbirkorlik, tabiiy hamda suyultirilgan gaz, elektr taʼminoti bilan bogʻliq murojaatlari qabul qilindi.

✅Kunning ikkinchi yarmida Ishchi guruh vakillari O'zbekiston tumani hokimligida tegishli mutasaddi xodimlar bilan tumandagi olib borilayotgan ishlar hamda mavjud muammolar va ularni bartaraf etish masalalari muhokama qilindi.

✅Shuningdek, O‘zbekiston tumani "Beruniy" mahallasida "mahalla yettiligi" faoliyati bilan tanishilib, ijtimoiy soha, xususan, xotin-qizlar va yoshlarni ish bilan ta'minlash, ularni tadbirkorlik faoliyati bilan shug‘ullanishi uchun yetarli shart-sharoitlar yaratilganligi hamda maktabgacha ta'lim muassasasi faoliyati bilan tanishildi.

Telegram | Instagram | Facebook | YouTube | Bot

#Adliya_xabari

“Tut ipak qurti pillalarini bug‘lash qurilmasi” nomli ixtiro IAP 7903-son bilan davlat ro‘yxatidan o‘tkazildi va huquqiy muhofazaga olindi.

🔘Ixtiro qishloq xo‘jaligining pillachilik sohasiga tegishli bo‘lib, pillalarga dastlabki ishlov berish bazalarida qo‘llanilishi mumkin.

🔘Respublikamiz sharoitida pillalarga dastlabki ishlov berishda energiya resurslari sarfini kamaytirishning asosiy yo‘nalishlaridan biri bu — quyosh nuri energiyasidan foydalanishdir.

Ushbu ixtiro pillalarga quyosh energiyasining bevosita va bilvosita ta'siridan foydalanish, mehnat unumdorligini oshirish, pillalarni tabiiy xossalarini saqlab qolish, sarf etilayotgan katta miqdordagi suyuq yoqilg‘i, tabiiy gaz va elektr energiyasi kabi energoresurslarni to‘liq iqtisod qilish imkonini beradi.

🔘Agar ixtiro sifatida ko‘rsatilgan obyekt yangi, ixtirolik darajasiga ega va uni sanoatda qo‘llash mumkin bo‘lsa, u huquqiy muhofaza qilinadi.

🔘Har qanday sohada:
▫️mahsulotga (xususan, qurilma, modda, mikroorganizm shtammi, o‘simliklar yoki hayvonlar hujayralarining turlariga);
▫️usulga (moddiy vositalar yordamida moddiy obyekt ustida xatti-harakatlarni amalga oshirish jarayoniga) taalluqli bo‘lgan texnik yechim ixtiro sifatida e’tirof etiladi.

🔘Ixtironi ro‘yxatdan o‘tkazish uchun Adliya vazirligining im.adliya.uz sayti orqali ariza topshirishingiz mumkin.

Telegram | Instagram | Facebook | YouTube | Bot