#Jizzax_viloyati
#Adliya_aralashgach

⛈Jizzax viloyat adliya boshqarmasi tomonidan fuqaro Q. Xning hozirgi ish joyida avvalgi ish joyidagi harbiy unvoni uchun qo‘shimcha to‘lov va ustamalar to‘lab berilmayotganligi yuzasidan qilgan murojaati o'rganib chiqildi.

⛈Aniqlanishicha, fuqaro Q. X avvalgi ish joyida "kapitan" harbiy unvoniga ega bo'lgan. Biroq unga hozirgi ish joyi - Kadastr agentligining Jizzax viloyat boshqarmasi tomonidan ushbu harbiy unvoni uchun qo'shimcha to'lovlar to'lab berilmagan.

Vaholanki, Vazirlar Mahkamasining 2021-yil 12-fevraldagi 66-son qarori bilan tasdiqlangan Nizomning 50-bandida "Agentlik boshqaruv xodimlari uchun avvalgi ish joyida berilgan uzoq muddat xizmati, harbiy va maxsus unvonlar (martaba darajalari, malaka darajalari, diplomatik darajalar va boshqalar) uchun qo‘shimcha to‘lov va ustamalar saqlab qolinadi", deyilgan.

⛈Yuqoridagilarga ko'ra, Jizzax viloyat adliya boshqarmasi tomonidan qo'llanilgan tegishli ta'sir choralari natijasida fuqaro Q.Xga har oyda tegishli ustama pullari to'lab borilishi belgilandi.

Telegram | Instagram | Facebook | YouTube | Bot

📊 Uzum Market, Olcha, Glotr onlayn marketpleyslarida kontrafakt mahsulotlar sotilishi bo‘yicha monitoring o‘tkazildi.

⚖️ Kontrafakt mahsulotlarga qarshi kurashish, ularning realizatsiyasini oldini olish va huquq egalarining huquqlarini tiklash maqsadida respublikamiz hududida faoliyat ko‘rsatayotgan “Uzum Market”, “Olcha”, “Glotr” marketpleyslari o‘rganib chiqildi va ularda monitoring o‘tkazildi.

📉 Monitoring natijalariga ko‘ra:
Uzum Marketda 220 ga yaqin, Glotr va Olchada esa 50 ga yaqin kontrafakt mahsulotlar savdoga taklif etilayotganligi aniqlandi.

📱🎁Kontrafakt mahsulotlar asosan kiyim-kechak, kosmetika vositalari hamda maishiy texnikalarda ko‘proq uchramoqda. Mashhur brendlar – “Puma”, “Lacoste”, “Adidas”, “Chanel”, “Eclat”, “Gucci”, “Samsung”, “Bosch” kabi tovar belgilari bilan ishlab chiqarilgan mahsulotlar sotuvga taklif etilmoqda.

❌ Aniqlangan holatlar bo‘yicha huquq egalarining murojaatlariga asosan “Uzum Market” onlayn marketpleysidan ba’zi kontrafakt mahsulotlarning savdosiga chek qo‘yildi va ular olib tashlandi.

✉️ Shuningdek, hozirda qolgan huquqbuzarliklar yuzasidan ham huquq egalariga ma’lumotlar yuborilgan va ular tomonidan munosabat bildirilganidan so‘ng tegishli ta’sir choralari qo‘llanilishi ma’lum qilinadi.

📞 Hurmatli tadbirkorlar! Intellektual mulkka bo‘lgan huquqingiz buzilganda, Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni so‘raymiz!

Telegram | Instagram | Facebook | YouTube | Bot

#Adliya_xabari

Adliya vazirligida oyning eng yaxshi boshqaruv xodimi aniqlandi

✅Adliya vazirligining O‘zbekiston manfaatlarini huquqiy himoya qilish boshqarmasi bo‘lim boshlig‘i 2025-yilning aprel oyi uchun vazirlik tomonidan oyning eng yaxshi boshqaruv xodimi deb topildi.

✅Xurliman Aytniyazova adliya tizimidagi mehnat faoliyatini 2008-yilda Adliya vazirligining Xalqaro-huquqiy hamkorlik boshqarmasi inspektori sifatida boshlagan.

✅2022-yilgacha Adliya vazirligining Xalqaro-huquqiy hamkorlik boshqarmasi yetakchi maslahatchisi, bosh maslahatchisi, Xalqaro va xorijiy tashkilotlarda O‘zbekiston Respublikasi manfaatlarini huquqiy himoya qilish boshqarmasi bosh maslahatchisi, bo‘lim boshlig‘i vazifasida faoliyat yuritgan.

✅2022-yildan Adliya vazirligi Arbitraj va sud nizolari masalalari bo‘yicha boshqarmasi bo‘lim boshlig‘i, 2023-yildan hozirgi vaqtga qadar O‘zbekiston manfaatlarini huquqiy himoya qilish boshqarmasi bo‘lim boshlig‘i sifatida faoliyatini davom ettirmoqda.

✅Xurliman Paraxatovna hamkasblari orasida o‘zining tashabbuskorligi, har bir ishga mas'uliyat bilan yondashishi va faolligi bilan ajralib turadi. Xalqaro va xorijiy tashkilotlarda O‘zbekiston Respublikasi manfaatlarining huquqiy himoyasini ta’minlash, xorijiy davlatlar sudlarida va xalqaro arbitrajlarda tomonlardan biri O‘zbekiston Respublikasi bo‘lgan nizolar ko‘rib chiqilayotganda davlat manfaatlarini himoya qilish, xalqaro arbitraj va mediatsiya institutlari, nufuzli xalqaro yuridik firmalari bilan hamkorlik aloqalarini o‘rnatish va rivojlantirish yo‘nalishida samarali faoliyat yuritib kelmoqda.

✅Vazirlik jamoasi Xurliman Aytniyazovani ushbu eʼtirof bilan tabriklaydi. Kelgusidagi ishlarida muvaffaqiyat, gʻayrat va shijoat doimiy hamroh boʻlishini tilaydi.

Telegram | Instagram | Facebook | YouTube | Bot

#Mening_adliyam

Adliya vazirligida yangi tashabbus!

Adliya vazirligida ilk bor “Oyning eng yaxshi texnik xodimi” e’tirofi yo‘lga qo‘yildi!

✅Adliya vazirligi Axborot xizmati 1-toifali ish yurituvchi kotibi Po’latova Zarina Ro’zibay qizi joriy yilning aprel oyi uchun oyning eng yaxshi texnik xodimi deb topildi.

✅Zarina Po’latova vazirlikdagi mehnat faoliyatini 2024-yilning aprel oyida Jamoatchilik bilan aloqalar bo’limining 1-toifali ish yurituvchi kotibi sifatida boshlagan.

✅2024-yilning avgust oyidan boshlab Axborot xizmatining 1-toifali ish yurituvchi kotibi sifatida faoliyatini davom ettirmoqda.

✅Z. Po’latova vazirlikning rasmiy saytini zarur materiallar bilan ta’minlash, axborot materiallarini tayyorlash va tarqatish, ommaviy axborot vositalari bilan hamkorlik qilish, aholining huquqiy ong va huquqiy madaniyatini oshirish, Adliya vazirligi faoliyatining ochiqligi va shaffofligini ta’minlash kabi sohalarda samarali mehnat qilib kelmoqda.

✅Vazirlik jamoasi Zarina Po’latovani ushbu e’tirof bilan tabriklaydi. Kelgusidagi ishlarida muvaffaqiyat, g‘ayrat va shijoat doimiy hamroh bo‘lishini tilaydi.

Telegram | Instagram | Facebook | YouTube | Bot