Oliy Majlis Qonunchilik palatasining navbatdagi majlisida Adliya vazirligi tomonidan ishlab chiqilgan “Aholini ijtimoiy himoya qilish hamda ehtiyojmand shaxslarga ijtimoiy yordam berish tizimi yanada takomillashtirilishi munosabati bilan O‘zbekiston Respublikasining ayrim qonun hujjatlariga qo‘shimchalar kiritish to‘g‘risida”gi qonun loyihasi qabul qilindi.

Ushbu Qonun bilan O‘zbekiston Respublikasining Soliq kodeksiga hamda “Davlat boji to‘g‘risida”gi Qonuniga quyidagi qo‘shimchalar kiritilmoqda:

1. Soliq kodeksining 378-moddasiga homiylik tashkilotlari tomonidan “Ijtimoiy himoya yagona reyestri” yoki “Kambag‘al oilalar reyestri”ga kiritilgan oilalar a’zolariga to‘g‘ridan-to‘g‘ri beriladigan pul mablag‘lari tarzidagi homiylik xayriyalarining soliq solinmaydigan miqdorini BHMning 100 baravariga, ya’ni (37,5 mln so‘mgacha) oshirish (amalda bu miqdor 15 mln so‘mni tashkil etadi);

2. “Davlat boji to‘g‘risida”gi Qonunga 2025-yil 1-yanvardan boshlab nogironligi bo‘lgan shaxslar, faxriylar, xotin-qizlar hamda bolalar jamoat birlashmalarini davlat ro‘yxatidan o‘tkazish uchun undiriladigan davlat bojining belgilangan stavkasini
2 baravarga kamaytirish.

Mazkur Qonun ijtimoiy himoyaga muhtoj aholi qatlamining turmush darajasi yanada yaxshilash hamda nogironligi bo‘lgan shaxslar, faxriylar, xotin-qizlar hamda bolalar jamoat birlashmalarini qo‘llab-quvvatlashga xizmat qiladi.

📌 Kanalga ulanish

#Adliya_aralashgach

Quva tumanida yashovchi Shuhratjon Rahmatov 32 yil davomida Quva tuman Favqulodda vaziyatlar bo‘limida sabot va matonat bilan ishladi.

Qutqaruv va shoshilinch yordam ishlari zararli bo‘lishi bilan birgalikda bevosita insondan jismoniy kuch va g‘ayrat talab qiladi. Shu sababli Shuhratjon aka 2021-yildan buyon imtiyozli nafaqaga chiqish harakatida bo‘ldi. Turli idoralarga bu borada ko‘plab murojaatlar yozdi. Biroq  foydasi bo‘lmadi.

Shuhratjon aka tuman adliya bo‘limi vakillarining "Huquqiy mahalla" loyihasi doirasida mahallalardagi fuqarolarning muammolarini aniqlash jarayonidan unumli foydalandi. U Quva tuman adliya bo'limiga o‘zining bu muammosi bilan murojaat qildi va uning murojaati ijobiy yechim topdi.

Batafsil 👆

📌 Kanalga ulanish

#Xalqaro_yuridik_forum

Toshkent yana “Tashkent Law Spring” IV Xalqaro yuridik forumiga mezbonlik qiladi.
2025-yil 29-30-may

Asosiy mavzu – “Raqamli texnologiyalar davri: kelajakka huquqiy nazar”

www.tashkentlawspring.uz rasmiy veb-saytida hozirоq roʻyxatdan oʻting.

📌 Kanalga ulanish

✅Samarqand noni – xalq brendi!

2025-yil 16–17-may kunlari Samarqandda ilk bor o‘tkaziladigan festival – bu tarix, madaniyat va san’at bayramidir!

Festivalda:
– “Samarqand noni tarixi” mavzusida xalqaro ilmiy-amaliy konferensiya
– Noyob non turlariga bag'ishlangan ko‘rgazmalar
– Nonvoylar tanlovi va jonli master-klasslar
– “Tandirxona”lar ko'rgazmasi, sayillar, konsertlar
– Qiziqarli kitoblar, hikoyalar va non tayyorlash texnologiyalariga oid namoyishlar

✅Non orqali – milliy brendga!

Festivalda qatnashish tartibi bilan quyidagi havola orqali tanishish mumkin.

📌 Kanalga ulanish

Siz ham oʻzingiz sevgan kitobni ulashing. Balki, u kimningdir hayotida yangi sahifalarni ochar.

Siz ham oʻqing, oʻrgating, ulashing!

📌 Kanalga ulanish

O‘zbekiston Respublikasi xalqaro investitsion arbitraj ishida yutib chiqdi

2024-yil 10-oktabr kuni Investitsion nizolarni hal qilish xalqaro markazining (ICSID) arbitraj tribunali “Bursel Tekstil Sanayi Ve Diş Ticaret A.Ş.” (Turkiya) kompaniyasi va Turkiya Respublikasi fuqarolari (Bursel kompaniyasi) da’vosi bo‘yicha O‘zbekiston Respublikasiga qarshi ochilgan xalqaro arbitraj ishi bo‘yicha qarorini chiqardi.

Da’vo miqdori taxmiman 700 million AQSh dollarini tashkil etgan.

Ushbu chiqarilgan arbitraj tribunali qaroriga ko‘ra, Bursel kompaniyasining barcha da’volari rad etilib, ularga O‘zbekiston tomonining arbitraj xarajatlarini qoplab berish belgilangan.

Arbitraj ishi Bursel kompaniyasi tashabbusi bilan 2017-yilning iyul oyida boshlanib, qariyb 7 yil davom etgan.

Arbitraj qoidalariga ko‘ra, arbitraj tribunali qarori yakuniy va majburiy hisoblanadi.

Mazkur arbitraj ishida O‘zbekiston Respublikasi manfaatlarini himoya qilish O‘zbekiston Respublikasi Adliya vazirligi hamda White&Case xalqaro yuridik firmasi (Vashington, AQSH) tomonidan ta’minlandi.

Bursel kompaniyasining manfaatlarini himoya qilish «Başpinar & Partners Law Firm», «Beckett Law LLC», «Cooley LLP», «Cooley LLP» (2020-yilga qadar), «Freshfields Bruckhaus Deringer LLP» (2022-yilga qadar) xalqaro yuridik firmalari tomonidan ta’minlandi.

📌 Kanalga ulanish

Bugun Shayxontohur tumani Davlat xizmatlari marakazida “O‘zbekistonda davlat xizmatlari ko‘rsatishni yana-da takomillashtirish” loyihasiga rasman start berildi.

Tadbirda, Adliya vaziri A.Tashkulov, Yevropa Ittifoqining O‘zbekistondagi vakolatxonasi hamkorlik bo‘limi rahbari janob Vim Riyempa, Birlashgan Millatlar Tashkiloti Taraqqiyot Dasturining O‘zbekistondagi doimiy vakili Akiko Fuji xonim, shuningdek, xorijiy davlatlar va xalqaro tashkilotlar, milliy hamkor tashkilotlar vakillari ishtirok etdi.

Shu o‘rinda, Adliya vazirligi, Yevropa Ittifoqining O‘zbekistondagi vakolatxonasi hamda Birlashgan Millatlar Tashkiloti Taraqqiyot Dasturi bilan birgalikda amalga oshirilgan 2019-2024-yillarga mo‘ljallangan “O‘zbekistonning qishloq hududlarida davlat xizmatlarini taqdim etishni takomillashtirish va boshqaruv darajasini oshirish” qo‘shma loyihasining birinchi fazasi muvaffaqiyatli yakunlandi.

Taʼkidlash joizki, o‘tgan 5 yil davomida loyiha doirasida salmoqli ishlar amalga oshirildi.

Xususan, FHDYning dalolatnoma yozuvlari raqamlashtirildi, xizmatlarni real vaqt rejimida monitoring qilish bo‘yicha Situatsion markaz ishga tushirildi, pilot hududlarda xodimlarning salohiyatini oshirish bo‘yicha bir qancha treninglar o‘tkazildi.

Ayniqsa davlat xizmatlari markazlarida inklyuziv muhit yaratilganligi imkoniyati cheklangan shaxslar uchun davlat xizmatlaridan foydalanishda teng imkoniyatlarni taʼminlashda, ularga qulaylik yaratishda muhim ahamiyat kasb etmoqda.

Jumladan, Nukus shahrida tashkil qilingan Davlat xizmatlari markazi bugungi kunga kelib 50 mingdan ortiq aholiga sifatli va qulay xizmatlar ko‘rsatmoqda.

Bugun start berilgan loyihada inklyuziv va foydalanuvchilarga yo‘naltirilgan davlat xizmatlaridan foydalanish imkoniyatini yaratish, raqamlashtirish orqali ilg‘or texnologiyalar va amaliyotlarni integratsiyalash kabi maqsadlar qo’yildi.

Shuningdek, davlat xizmatlarini ko‘rsatishda inson omilini kamaytirish orqali xizmatlarni avtomat shaklga o‘tkazish, proaktiv xizmatlarni kengaytirish, sunʼiy intellektni joriy qilish hamda aholining o‘ziga o‘zi xizmat ko‘rsatish imkoniyatlarini oshirishga doir tadbirlarni amalga oshirish kutilmoqda.

📌 Kanalga ulanish

#Men_bilgan_adliya

Adliya vazirligi tomonidan so'ngi yillarda intellektual mulk sohasida amalga oshirilayotgan ishlardan qanchalik mamnunsiz? Adliya organlari va muassasalari faoliyatini qanday baholaysiz?

Ushbu savollarga taniqli adabiyotshunos olim, filolog, "Akademnashr" nashriyoti rahbari, "Yoki" audio kitoblar platformasi asoschisi Sanjar Nazar javob berdi.

Batafsil 👉 videoda.

📌 Kanalga ulanish