Avval xabar berganimizdek, hududlarda davlat hisobidan yuridik yordam ko‘rsatish tizimi o‘rganilmoqda.

Adliya vaziri topshirigʻiga asosan, Adliya vazirligi ishchi guruhi tomonidan hududlarda davlat hisobidan yuridik yordam koʻrsatish tizimini yoʻlga qoʻyish boʻyicha seminar-treninglar tashkil etilmoqda. Shuningdek, ishchi guruh tomonidan notarial arxivlarda arxiv ishini tashkil etilganligi holati hamda tuman (shahar)lardagi ayrim notariuslar faoliyati yuzasidan monitoring oʻtkazilmoqda.

Respublikamiz hududlari boʻylab ishchi guruh tomonidan “Yuridik yordam” axborot tizimini yoʻlga qoʻyish holati, bu borada adliya boʻlimlarining huquqni muhofaza qiluvchi organlar bilan hamkorlikdagi faoliyati oʻrganilmoqda.

Xususan, Jizzax va Surxondaryo viloyatlari adliya boshqarmalarida surishtiruv va tergov organlari xodimlari, sudyalar va advokatlar, shuningdek tuman adliya boʻlimlari masʼullari ishtirokida jismoniy shaxslarni himoya huquqini taʼminlashda “Yuridik yordam” axborot tizimi orqali davlat hisobidan advokatni jalb etish tartibi boʻyicha amaliy seminarlar tashkil etildi.

Bu kabi tadbirlar boshqa hududlarda ham davom etadi.

📌 Kanalga ulanish

Normativ-huquqiy hujjatlar loyihalarini ishlab chiqish va kelishishning yagona elektron tizimida ishlash bo‘yicha o‘quv-seminar tashkil etildi

Joriy yilning 11-aprel kuni Adliya vazirligining Qonunchilikni tizimlashtirish va tartibga solish ta’sirini baholash boshqarmasi tomonidan Energetika vazirligi hamda “O‘zenergoinspeksiya” xodimlari uchun Normativ-huquqiy hujjatlar loyihalarini ishlab chiqish va kelishishning yagona elektron tizimi — “loyiha.adliya.uz”da ishlash bo‘yicha o‘quv-seminar tashkil etildi.

Unda Adliya vazirligi mas’ullari tomonidan O‘zbekiston Respublikasi Prezidentining 2024-yil 16-avgustdagi PF–111-son Farmoni bilan joriy qilingan “loyiha.adliya.uz” platformasida ishlash, normativ-huquqiy hujjatlar loyihalarini soddalashtirilgan hamda kengaytirilgan tartibga solish ta’sirini baholashning hisobotlarini yaratish bosqichlari, jamoatchilik muhokamasidan o‘tkazish bo‘yicha batafsil ma’lumot berildi.

Seminar davomida ishtirokchilar platformada ishlash jarayoni bilan bog‘liq savollariga javob olishdi hamda uni takomillashtirish bo‘yicha o‘zlarining takliflarini berishdi.

Telegram | Facebook | Instagram | YouTube | X | Veb-sayt

#adliya_xabari

🔔 Adliya vaziri Akbar Tashkulov Andijonga xizmat safarini “Huquqiy mahalla” loyihasi doirasida amalga oshirilgan ishlar bilan tanishishdan boshladi.

✅ Qisqa davr mobaynida amalga oshirilgan salmoqli ishlar sarhisobi boʻyicha taqdimotlar ko'rib chiqildi.

✅ Shuningdek, Adliya vaziri Oltinko'l tumanining “Dalvarzin” mahallasida aholi ehtiyojlaridan kelib chiqib belgilanadigan birlamchi minimal standartlar bilan yaqindan tanishdi.

✅ Xususan, aholi punktlarida yo‘l harakati qoidalariga rioya etilayotganligi hamda yo‘l belgilari o‘rnatilganligi; aholini ichimlik suvi ta’minoti bilan ta’minlanganligi; maishiy chiqindilarni olib ketish imkoniyati yaratilganligi; maktab va maktabgacha ta’lim tashkilotlari atrofida yo‘l harakati qoidalariga rioya etilayotganligi hamda yo‘l belgilari o‘rnatilganligi va shu kabi birlamchi minimal standartlar o'rganildi.

📌 Kanalga ulanish

#Adliya_xabari

🔔 Adliya vaziri Oltinko'l tumanidagi 48-umumtaʼlim maktabida tashkil etilgan “Huquq sinfi”ni borib koʻrdi.

Andijon viloyatidagi eng chekka manzillarda joylashgan 16 ta maktabda “Huquq sinfi” yoʻlga qoʻyilgan. Bu yerda huquq fanlari esa chuqurlashtirilgan holda oʻqitilmoqda.

✅ Xususan, Oltinko'l tumanidagi 48-umumiy oʻrta taʼlim maktabida tashkil etilgan “Huquq sinfi”da bugun maktab yoshlari huquqiy bilimlarini boyitmoqda. Adliya vaziri Akbar Tashkulov ushbu sinfdagi dars mashgʻulotlarida qatnashdi. Taʼlim sifati, oʻqituvchilarning soʻngi usullardan nechogʻlik foydalanishi bilan qiziqdi.

✅ Yoshlarda ilm olishga intilish, mamlakatdagi islohotlarga daxldorlik hissini shakllantirish hamda huquqshunoslik kasbining jozibadorligi xususida soʻz yuritildi. Shuningdek, oʻquvchilar oʻzlarining qiziqtirgan savollariga bevosita vazirdan javob olish imkoniyatiga ega boʻldi.

📌 Kanalga ulanish