#adliya_xabari

Adliya vaziri A.Tashkulov BMT Bosh kotibi yordamchisi, BMT Taraqqiyot Dasturining Yevropa hamda MDH bo‘yicha Mintaqaviy byurosi direktori Ivana Jivkovich bilan uchrashuv o‘tkazdi.

Uchrashuvda adliya vaziri BMT Taraqqiyot Dasturining O‘zbekistonda qonun ustuvorligi, insonhuquqlari, odil sudlov, inklyuzivlik, gender tengligi, davlat boshqaruvi va fuqarolik jamiyati institutlarini qo‘llab quvvatlashga qaratilgan loyihalarni amalga oshirishda qo‘shayotgan hissasini yuqori qadirlashini
hamda tashkilot ushbu yo‘nalishlarda vazirlikning asosiy hamkorlaridan biri ekanligini ma’lum qildi.

Ma’lumot uchun: Hozirgi kunda Adliya vazirligi bilan BMT Taraqqiyot Dasturi hamkorligida davlat xizmatlarini rivojlantirish hamda qonun ustuvorligi va inson huquqlari himoyasini kuchaytirish loyihalari amalga oshirilmoqda.

Xususan, ushbu loyihalar doirasida davlat xizmatlarini monitoring qilish uchun “Situatsion markaz” tashkil qilindi, “Lisenziya” va
“E-Apostil” kabi axborot tizimlari yaratildi, “Yuridik yordam” axborot tizimi takomillashtirildi.

I. Jivkovich o‘z o‘rnida, O‘zbekistonda o‘tkazilayotgan islohotlarni ijobiy baholab, mamlakatda qonun ustuvorligi va hukumatning shaffofligini ta’minlashda Adliya vazirligi muhim o‘rin egallashini qayd etdi.

Taraqqiyot Dasturi O‘zbekistonda BMtning Barqaror rivojlanish maqsadlarini amalga oshirish, ayollarning iqtisodiy imkoniyatlarini kengaytirish, davlat xizmatlarini raqamlashtirishda faol ishtirok etishini ma’lum qildi.

“Hozir farzand ko‘rgan ona oldingidek 4-5 ta takshilotga borib hujjatlarni rasmiylashtirishga majbur emas, birgina tug‘ruqxonaning o‘zida qilgan murojaati asosida barcha zarur xizmatlarga ega bo‘ladi va xalqaro hamjamiyatga na’muna sifatida ko‘rsata oladigan tajriba” dedi uchrashuvda ishtirok etgan BMT Taraqqiyot Dasturining O‘zbekistondagi doimiy vakili Akiko Fujii xonim.

Ma’lumot uchun: Hozirda farzand tug‘ilganligini qayd qilish bilan bir vaqtda 6 turdagi (shifoxonadan tug‘ilganlik haqidagi tibbiy ma’lumotnoma olish, FHDYO organida tug‘ilganlikni qayd etish, poliklinikaga hisobga qo‘yish, bir martalik nafaqa pulini olish, yashash joyi bo‘yicha ro‘yxatga qo‘yish, bolani davlat maktabgacha ta’lim tashkilotiga navbatga qo‘yish) xizmatlardan foydalanish imkonini beruvchi kompozit davlat xizmatlari ko‘rsatilishi joriy qilingan.

Uchrashuv yakunida, tomonlar amalga oshirilayotgan loyihalar va boshqa hamkorlik yuzasidan atroflicha fikr almashib, huquq va adliya sohasida o‘zaro istiqbolli aloqalarni yanada jadallashtirishga kelishib oldilar.

📌 Kanalga ulanish

Intellektual mulkni ro'yxatdan o'tkazish va ularni himoya qilish bo'yicha targ'ibot ishlari amalga oshirilmoqda.

Adliya vazirligi xodimlari tomonidan Surxondaryo viloyatida faoliyat yurituvchi tadbirkorlar bilan sayyor uchrashuvlar o'tkazilib tovar etiketkalarida va xizmatlarda foydalanilayotgan belgilarni tovar belgisi sifatida ro'yxatdan o'tkazish uchun amaliy yordam ko'rsatildi.

Xususan, Tinchlik yoshlar sanoat va tadbirkorlik zonasida faoliyat yurituvchi "Surxon savdo olami" MCHJ tomonidan ishlab chiqarilayotgan ko'rpa- to'shaklarda foydalanilayotgan "Karvon" belgisini tovar belgisi sifatida ro'yxatdan o'tkazish uchun talabnoma topshirishga ko'maklashildi.

Shuningdek, "Angor buyum" bozorida yakka tartibdagi tadbirkorlarga kiyim-kechak mahsulotlarini sotishda intellektual mulk huquqiga rioya qilish va javobgarlik masalalari to'g'risida tushunchalar berildi.

📌 Kanalga ulanish

Президент Шавкат Мирзиёев шаҳарсозлик реновациясининг ҳуқуқий асосларини белгилаш бўйича таклифлар тақдимоти билан танишди.
—
Президент Шавкат Мирзиёев ознакомился с презентацией предложений по формированию правовых основ градостроительной реновации.

#Mirziyoyev #taqdimot #uyjoy #renovatsiya

Prezident.uz|Facebook|Instagram|YouTube|X

Avval xabar berganimizdek, hududlarda davlat hisobidan yuridik yordam ko‘rsatish tizimi o‘rganilmoqda.

Adliya vaziri topshirig‘iga asosan, Adliya vazirligi ishchi guruhi tomonidan hududlarda davlat hisobidan yuridik yordam ko‘rsatish tizimini yo‘lga qo‘yish bo‘yicha seminar-treninglar tashkil etilmoqda. Shuningdek, ishchi guruh tomonidan notarial arxivlarda arxiv ishini tashkil etilganligi holati hamda tuman (shahar)lardagi ayrim notariuslar faoliyati yuzasidan monitoring o‘tkazilmoqda.

Respublikamiz hududlari bo'ylab ishchi guruh tomonidan “Yuridik yordam” axborot tizimini yo'lga qo'yish holati, bu borada adliya bo‘limlarining huquqni muhofaza qiluvchi organlar bilan hamkorlikdagi faoliyati o‘rganilmoqda.

Xususan, Xorazm va Navoiy viloyatlari ichki ishlar boshqarmalarida surishtiruvchi va tergovchilar, shuningdek tuman adliya bo'limlari mas'ullari ishtirokida surishtiruv va tergov organlarida jismoniy shaxslarni himoya huquqi bilan ta'minlashda “Yuridik yordam” axborot tizimi orqali davlat hisobidan advokatni jalb etilishi tartibi bo‘yicha amaliy seminar o‘tkazilmoqda.

Bu kabi tadbirlar boshqa hududlarda ham davom etadi.

📌 Kanalga ulanish

Toshkent davlat yuridik universiteti jamoasi — CPR Xalqaro mediatsiya musobaqasi g‘olibi bo'ldi.

Braziliyaning San-Paulu shahrida o‘tkazilgan nufuzli CPR Xalqaro mediatsiya musobaqasi yakunlandi.

Nyu Yorkdagi Xalqaro nizolarning oldini olish va hal qilish xalqaro instituti tomonidan dunyoning yetakchi universitetlari talabalari o‘rtasida tashkil etilgan musobaqada ishtirokchilar mediatsiya jarayonida muzokara yuritish, nizolarni hal etish bo‘yicha ko‘nikmalarini namoyish etdi.

Toshkent davlat yuridik universiteti professori Otabek Narziyev murrabbiyligidagi Sarvarxon Nosirxonov, Madinabonu Abdulazizova va Roziyaxon Kuchkarovadan iborat TDYU jamoasi ilk ishtirokdayoq nufuzli xalqaro musobaqaning g‘olibi bo‘ldi.

Shuningdek, jamoa a’zosi Roziyaxon Kuchkarova “Eng yaxshi mediator” nominatsiyasida birinchi o‘rinni egalladi.

Bugun Toshkent xalqaro aeroportida jamoa a'zolari tantanali ravishda kutib olindi.

📌 Kanalga ulanish