#Adliya_xabari

Adliyadan yana bir tuhfa

Navoiy viloyatida adliya organlarining yana bir binosi foydalanishga topshirildi. Shu munosabat bilan tashkil etilgan tantanali tadbirda Adliya vazirligi huzuridagi X. Sulaymonova nomidagi Respublika sud ekspertiza markazi masʼullari, viloyat hokimligi, huquqni muhofaza qiluvchi organlar va keng jamoatchilik vakillari ishtirok etdi.

Davlat-xususiy sheriklik asosida qurilgan binoda zamonaviy shaharsozlik normalariga muvofiqlik va fuqarolar uchun qulay sharoitlarni yaratishga alohida eʼtibor berilgan. Uning yer maydoni 2000 kv. metrdan ortiq.

Bu yerda 4 ta tashkilot faoliyat yuritmoqda. Jumladan, Navoiy viloyat adliya boshqarmasi huzuridagi FHDY arxivi va notarial arxiv, Oʻzbekiston Notarial palatasi hududiy boshqarmasi hamda Adliya vazirligi huzuridagi X. Sulaymonova nomidagi Respublika sud ekspertiza markazi Navoiy viloyat boʻlimi xalq xizmatida.

Binoda fuqarolarning sifatli huquqiy xizmatdan foydalanishlari uchun barcha sharoitlar mavjud.

📌 Kanalga ulanish

#Adliya_xabari

Adliya vaziri oʻrinbosari “Arabxona” mahallasida ijtimoiy-huquqiy muammolarni oʻrganmoqda

Xabar berganimizdek, adliya vaziri oʻrinbosari A.Karimov Qarshi shahrida Oʻzbekiston Respublikasi Prezidentining F-18-son farmoyishi ijrosi doirasida bahor mavsumiga tayyorgarlik koʻrish, shahardagi obodonlashtirish va koʻkalamzorlashtirish harakatlari va “Kambagʻallikdan farovonlik sari” dasturi doirasida amalga oshirilayotgan ishlarni oʻrganmoqda.

Vazir oʻrinbosari ishchi guruh bilan birgalikda “Arabxona” mahallasida fuqarolar va “yettilik” bilan ochiq muloqot oʻtkazdi, sohaga oid qonunchilik toʻgʻrisida tushuntirishlar berdi.

Shuningdek, ijtimoiy ahvoli ogʻir aholi qatlamining hayotini yaxshilash uchun — chorvachilik va parrandachilikni rivojlantirishda imtiyozli kreditlar taqdim etish, aholiga byudjet yuritish va hokazolar haqida oʻz takliflarini berdi.

📌 Kanalga ulanish

#Adliya_xabari

Adliya vaziri oʻrinbosari Alisher Karimov Qarshi shahrining “Otchopar” mahallasida sayyor qabul oʻtkazdi.

30 ga yaqin jismoniy va yuridik shaxslar vakillarining murojaatlari tinglandi, 10 ta murojaat koʻrib chiqish va hal etish uchun ish yurituvga olindi, 25 ta masala yuzasidan huquqiy tushuntirish berildi.

Xususan, Shuxrat Nasriyev Noqonuniy qurilgan savdo doʻkoniga kadastr hujjati rasmiylashtirib berishni va chiqarilgan 51 000 000 soʻm jarimani bekor qilishda, Ostanoqul Allayorov savdo doʻkoniga kadastr hujjatlarini rasmiylashtirishda amaliy yordam soʻradi.

Shuningdek, fuqarolar tomonidan qonuniy nikohdan oʻtish, ijtimoiy himoya, kadastr va shaxsga doir hujjatlarni rasmiylashtirish, bandlik, moddiy yordam hamda oilaviy munosabatlar bilan bogʻliq murojaatlar yoʻllandi. Ularga huquqiy tushuntirishlar berildi.

📌 Kanalga ulanish