#Xotin_qizlar_huquqi

Qonunchilikka koʻra, tazyiq va zoʻravonlikdan jabrlangan xotin-qizlar oʻzlariga yetkazilgan ma'naviy va moddiy zararning oʻrnini qoplash toʻgʻrisidagi da'vo ariza bilan sudga murojaat qilganda, davlat bojini toʻlashdan ozod qilinadi.

📌 Kanalga ulanish

#Men_bilgan_adliya

Adliya organlariga oxirgi marta qachon murojaat qilgansiz...? Adliya organlari va muassasalari faoliyati va ular tomonidan koʻrsatilayotgan xizmatlarni qanday baholaysiz?

Ushbu savollarga jurnalist, prodyuser, “Sevimli” xususiy telekanali va “Qizil pomada” loyihalari asoschisi Amira Rashidova javob berdi.

Batafsil 👉 videoda.

📌 Kanalga ulanish

#Infografika

X.Sulaymonova nomidagi Respublika sud ekspertiza markazining Sud avtotexnika ekspertizasi laboratoriyasi faoliyati haqida umumiy ma'lumot 👉infografikada

📌 Kanalga ulanish

#Qonunchilikdagi_yangiliklar

Seriyali obligatsiyalarni chiqarish hamda davlat roʻyxatidan oʻtkazish tartibi belgilandi

Adliya vazirligi tomonidan Istiqbolli loyihalar milliy agentligi direktorining “Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalariga oʻzgartirish va qoʻshimchalar kiritish toʻgʻrisida”gi buyrugʻi (roʻyxat raqami 2000-11, 2025-yil 11-mart) davlat roʻyxatidan oʻtkazildi.

Ushbu hujjat bilan Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalariga (roʻyxat raqami 2000, 2009-yil 30-avgust) oʻzgartirish va qoʻshimchalar kiritildi.

Unga koʻra, korporativ obligatsiyalar emitentning bunday obligatsiyalar chiqarish toʻgʻrisida qaror qabul qilingan sanadagi oʻz kapitali miqdori doirasida chiqarilishi mumkinligi haqidagi talab ipotekani qayta moliyalashtirish kompaniyalariga nisbatan tatbiq etilmasligi belgilandi.

Shuningdek, korporativ obligatsiyalar oʻz kapitali miqdori doirasidan yuqori boʻlgan taqdirda, emitent ortiqcha boʻlgan summaga garov xati hamda ipotekani qayta moliyalashtirish tashkilotining banklarga nisbatan talab qilish huquqini taʼminot sifatida taqdim etishi mumkinligi belgilandi.

Bundan tashqari, emitent tomonidan seriyali obligatsiya dasturi asosida seriyali obligatsiyalarni chiqarish hamda davlat roʻyxatidan oʻtkazish tartibi belgilandi.

Bunda, obligatsiya dasturida:
➖emitentning vakolatli boshqaruv organi tomonidan obligatsiya dasturi boʻyicha qabul qilingan qaror;
➖obligatsiya dasturi doirasidagi obligatsiyalarning turi va soni, ularni chiqarish shakli, nominal qiymati va umumiy hajmi;
➖obligatsiya dasturining amal qilish muddati (ikki yildan oshmasligi lozim);
➖obligatsiya dasturi doirasida joylashtiriladigan obligatsiyalar egalarining huquqlari va boshqa maʼlumotlar koʻrsatiladi.

📌 Kanalga ulanish

#Ziyo_ulash

Manzura, xonanda:

“Oʻqilgan kitob — bu yangi tajriba, yangi gʻoya, yangi maqsad. Har kim oʻz kitobini topish imkoniyatiga ega boʻlsin!”

Agar sizda ham oʻqib boʻlgan va uyda turgan kitoblaringiz boʻlsa, oʻzingizga yaqin davlat xizmatlari markazi yoki boshqa adliya organlariga olib boring. “Ziyo ulash” javoniga qoʻying va javondan oʻzingizga yoqqan kitobni shunday olib ketavering. Oʻqib boʻlgach, qaytib olib keling va yana boshqa kitobga almashtirib ketsangiz ham boʻladi.

💡Kitob ulashing — ziyo koʻpayadi.

📌 Kanalga ulanish

#Qonunchilikdagi_yangiliklar

Davlat roʻyxatidan oʻtkazmasdan, majburiy sertifikatlash sharti bilan tibbiyot amaliyotida qoʻllash va olib kirishga ruxsat beriladigan dori vositalari va tibbiy buyumlar roʻyxati tasdiqlandi

Adliya vazirligi tomonidan Davlat roʻyxatidan oʻtkazmasdan, majburiy sertifikatlash sharti bilan tibbiyot amaliyotida qoʻllash va olib kirishga ruxsat beriladigan, Oʻzbekiston Respublikasida davlat roʻyxatidan oʻtkazilgan analoglari mavjud boʻlmagan dori vositalari va tibbiy buyumlar roʻyxati (roʻyxat raqami 3611, 2025-yil 12-mart) davlat roʻyxatidan oʻtkazildi.

Xususan, mazkur idoraviy normativ-huquqiy hujjatda roʻyxatidan oʻtkazilmasdan majburiy sertifikatlashtirish sharti bilan tibbiyot amaliyotida qoʻllash va olib kirishga ruxsat beriladigan 34 ta dori vositalari hamda 117 ta tibbiy buyumlar roʻyxati koʻrsatib oʻtilgan.

Maʼlumot uchun: Davlat roʻyxatidan oʻtkazmasdan, majburiy sertifikatlash sharti bilan tibbiyot amaliyotida qoʻllash va olib kirishga ruxsat beriladigan, Oʻzbekiston Respublikasida davlat roʻyxatidan oʻtkazilgan analoglari mavjud boʻlmagan dori vositalari va tibbiy buyumlar roʻyxati (roʻyxat raqami 3440, 2023-yil 5-iyun) 2025-yil 1-yanvardan boshlab oʻz kuchini yoʻqotgan deb topilgan.

📌 Kanalga ulanish

#Adliya_xabari

Adliya vazirligida oyning eng yaxshi xodimi aniqlandi

Adliya vazirligi Qonunchilikni tizimlashtirish va tartibga solish taʼsirini baholash boshqarmasi boʻlim boshligʻi Shaxzod Botir oʻgʻli Abdulatipov 2025-yilning fevral oyi uchun vazirlik tomonidan oyning eng yaxshi xodimi deb topildi.

Shaxzod Abdulatipov 2019-yilda Jahon iqtisodiyoti va diplomatiya universiteti bakalavriatini, 2021-yilda Buyuk Britaniyadagi Ekseter universitetida magistraturani tamomlagan.

Adliya vazirligi tizimida mehnat faoliyatini 2019-yilda Adliya vazirligi rahbariyat qoshidagi apparat qabulxona kotibi sifatida boshlagan. 2019–2024-yillarda Adliya vazirligi Jinoiy, maʼmuriy va ijtimoiy qonunchilik boshqarmasi katta, bosh maslahatchisi lavozimlarida ishlagan. 2024-yil avgust oyidan boshlab Adliya vazirligi Qonunchilikni tizimlashtirish va tartibga solish taʼsirini baholash boshqarmasi boʻlim boshligʻi sifatida faoliyatini davom ettirmoqda.

Shaxzod Abdulatipov normativ-huquqiy hujjatlar loyihalarini ishlab chiqish, qonunchilikni tizimlashtirish va tartibga solish taʼsirini baholash, vazirlik va idoralarning tadbirkorlik sohasidagi majburiy talablarni shakllantirish boʻyicha ishlarni muvofiqlashtirish kabi yoʻnalishlarda samarali faoliyat yuritmoqda.

Vazirlik jamoasi Shaxzod Abdulatipovni ushbu eʼtirof bilan tabriklaydi. Kelgusidagi ishlarida muvaffaqiyat, gʻayrat va shijoat doimiy hamroh boʻlishini tilaydi.

📌 Kanalga ulanish