#Qonunchilikdagi_yangiliklar

“Avtoturargohlar” shaharsozlik normalari va qoidalari hisobga olindi

Oʻzbekiston Respublikasi Adliya vazirligi tomonidan SHNQ 2.05.07-24 “Avtoturargohlar” shaharsozlik normalari va qoidalari (hisob raqami 335, 24.02.2025-y.) hisobga olindi.

Mazkur shaharsozlik normalari va qoidalari aholi punktida joylashgan avtomobillar, mikroavtobuslar, mototransport va velotransportlar avtoturargohlarini loyihalashga oid talablarni belgilaydi.

Xususan, avtoturargohlarni loyihalashtirishda quyidagilar inobatga olinishi kerak:

➖nogironligi boʻlgan shaxslar uchun avtomobillarni saqlash joylarini yer usti avtoturargohlarining birinchi qavatiga, yer osti avtoturargohlarining yuqoridan birinchi qavatiga “Nogironlar” yoʻl belgilari oʻrnatish orqali joylashtirish;

➖avtoturargohlarda ularga xizmat koʻrsatuvchi xodimlar uchun xizmat xonalari (nazorat va kassa punktlari, sanitariya uzellari nogironligi boʻlgan shaxslar uchun moʻljallangan xonalar), muhandislik-texnik taʼminoti tarmoqlari, yoʻlovchi liftlari, yuvish joylari, avtomobillar shinalarini saqlash xonalarini loyihalash;

➖koʻp qavatli avtoturargohlarda avtomobillar harakatlanishi uchun panduslar, qavatlararo qiya yopmalar, maxsus avtomobil liftlari yoki mexanizatsiyalashgan qurilmalar boʻlishi;

➖avtoturargohlar ikki va undan ortiq qavatda joylashtirilganda, yongʻin vaqtida havo bosimi beriladigan shaxtalarga kamida ikkita yuk liftini oʻrnatish zarurligi;

➖yopiq turdagi avtoturargohlardagi elektromobillar va gibrid avtomobillar uchun quvvatlantirish stansiyalari bilan jihozlangan avtomobil-oʻrinlarni oʻz ichiga olgan xonaning bir qismi 1200 m2 dan oshmaydigan alohida yongʻinga qarshi seksiyaga ajratilishi;

➖elektromobillar va gibrid avtomobillarni quvvatlantirish stansiyalari oʻrnatilgan avtomobil-oʻrinlariga ega yopiq avtoturargohlar, maydonidan qatʼi nazar avtomatik yongʻin oʻchirish qurilmalari bilan jihozlanishi;

➖koʻp kvartirali uylarda uyning birinchi qavatida kvartiralar joylashgan holda uyning birinchi qavati bilan yer osti avtoturargohini noturar qavat yoki texnik qavat bilan ajratilishi;

➖avtoturargohlar turidan, sigʻimi va foydalanish sharoitidan kelib chiqib (elektr taʼminoti, elektr yoritish, avariya (evakuatsiya) rejimidagi yoritish, suv taʼminoti va oqova suvlarni chiqazib yuborish, isitish, ventilyatsiya, avtomatik yongʻin oʻchirish signalizatsiyasi, video kuzatuv) muhandislik tizimlari va jihozlari bilan taʼminlanishi kabilar.

📌 Kanalga ulanish

#Huquqshunos_oshxonasi

Oʻzbekistonda 5-yilda suv tugaydi(mi)?

Oʻzbekistonda suvning qurib ketishiga nima sabab boʻlmoqda? Ichimlik suvi narxlari yana qanchaga koʻtariladi? Oʻzbekiston suv tanqisligi boʻyicha Markaziy Osiyoda “yetakchi”mi?

“Huquqshunos oshxonasi”ning navbatdagi sonida shu va shu kabi savollar eʼtibor markazida boʻldi.

Toʻliq video 👉 https://youtu.be/b0ZbCUayEqo

📌 Kanalga ulanish

#Adliya_xabari

Hududiy adliya organlari tizimida yilning eng yaxshi xodimlari aniqlandi

📌 Kanalga ulanish

#Intellektual_mulk

🌍 Geografik koʻrsatgich sifatida roʻyxatdan oʻtgan mashhur non mahsulotlari

➖Samarqand noni (Oʻzbekiston) — qattiq bugʻdoy uni, noyob retsepti va pishirilishi bilan mashhur. Asl Samarqand noni faqat shu hududda tayyorlanishi bilan ajralib turadi. “Samarqand noni” geografik koʻrsatkich sifatida davlat roʻyxatidan oʻtkazilgan.

➖ Pane di Altamura (Italiya) — Apuliya mintaqasining Altamura shahri noni. U faqat mahalliy bugʻdoydan tayyorlanadi va 2003-yilda Yevropa Ittifoqining (PDO – Protected Designation of Origin) maqomini olgan birinchi non mahsuloti hisoblanadi.

➖Pain Poilâne (Fransiya) — anʼanaviy fransuz qishloq noni, tabiiy xamirturush asosida pishiriladi va oʻzining oʻziga xos nordon taʼmi bilan mashhur.

➖Campaillou Bread (Belgiya) — tabiiy fermentatsiya yoʻli bilan tayyorlanadigan va maxsus usulda pishiriladigan belgiyalik non mahsuloti.

➖Borodinskiy non (Rossiya) — maxsus koriandr va javdar unidan tayyorlanadigan ruscha qora non. Oʻziga xos taʼmi va uzoq saqlanish xususiyati bilan mashhur.

📌 Kanalga ulanish

#Ochiq_adliya

⚠️ Adliya organlari tizimida korrupsiyaga qarshi murosasiz kurash e'lon qilingan.

📲 Bunda Adliya vazirligi tizimidagi, jumladan:

▫️adliya boshqarmalari va bo‘limlari;
▫️yuridik xizmat ko‘rsatish markazlari;
▫️FHDY organlari;
▫️davlat xizmatlari markazlari;
▫️"O‘zarxiv" agentligi va uning hududiy tuzilmalari;
▫️X. Sulaymonova nomidagi Respublika sud-ekspertiza markazi va uning hududiy bo‘linmalari;
▫️“Adolat” milliy huquqiy axborot markazi;
▫️Personallashtirish agentligi;
▫️Adliya organlari va muassasalarida axborot-kommunikatsiya texnologiyalarini rivojlantirish markazi;
▫️Intellektual mulk markazi;
▫️davlat notarial idoralari va arxivlari;
▫️Yuristlar malakasini oshirish markazi;
▫️Toshkent davlat yuridik universiteti;
▫️TDYU qoshidagi akademik litseydagi korrupsiya holatlari haqida ma'lumotlarni Telegramdagi @antikorbot botiga, (71) 207-04-64 (1321 yoki 1323) telefon raqamiga yoki vazirlik rasmiy veb-saytidagi maxsus platformaga yuborish mumkin.

❗️Yuborilgan xabarlar belgilangan tartibda ko‘rib chiqiladi hamda murojaat qiluvchining shaxsi sir saqlanishi kafolatlanadi.

📌 Kanalga ulanish

#Muhim

📣📣 OʻzNNTMA NNT rahbarlari uchun malaka oshirish kurslariga talabgorlar arizalari qabuli boshlanganligini e'lon qiladi

Malaka oshirish joyi: Oʻzbekiston Respublikasi Prezidenti huzuridagi Davlat boshqaruvi akademiyasi

Sanasi: 2025-yil 7—17-aprel

Qabul kvotasi: 83 nafar NNT rahbari

❗️Malaka oshirish kursi bepul!

🗂 Hujjatlar "zip fayl" koʻrinishida akademiyaoquvlar@gmail.com elektron pochtasiga yuboriladi:

1. Ariza (ilovaga muvofiq);
2. NNT rahbarining maʼlumotnomasi (obyektivka, word formatda);
3. NNT rahbari etib saylanganligi to‘g‘risidagi hujjat (buyruq)dan ko‘chirma;
4. NNT rahbarining shaxsini tasdiqlovchi hujjati (fuqarolik pasporti,
ID kartasi) nusxasi;
5. NNT rahbarining fotosurati – 1 dona (9 x 12 hajmda, oq fonda);
6. NNT guvohnomasi nusxasi.
7. NNTning yuqori turuvchi tashkilotidan rozilik xati (agar yuqori tashkiloti mavjud bo‘lsa).

Hujjatlar to‘liq bo‘lmagan holatda nomzod tanlovda ishtirok etmaydi.

❗️Arizalar 2025-yil 20-martga qadar qabul qilinadi.

Saralab olish bo‘yicha tanlov 👉Nizomi.

Murojaat uchun:
(55) 503-05-12, (97) 433-79-77

📌 Kanalga ulanish

#Bilasizmi

Advokatura: bepul yuridik yordam olish oson

Davlat hisobidan yuridik yordam nima? U kimlarga va qay hollarda koʻrsatiladi? Ushbu yordamni olish tartibi qanday?

Mazkur savollarga 📎 video orqali javob oling.

📌 Kanalga ulanish

#Intellektual_mulk

“Kontrafaktsiz oy” oyligi davomida profilaktik tadbirlar kuchaytirilmoqda

“Kontrafaktsiz oy” oyligi davomida huquq egalaridan kelib tushgan murojaatlarga asosan “R.A” hamda “I.A” MChJlarda belgilangan tartibda tekshiruv oʻtkazilib, “Ozone” soʻzidan qurilish obyekti peshlavhasida, shuningdek, “ADM” soʻzidan firma nomida huquq egalarining roziligisiz foydalanib kelingan holat aniqlandi.

Olib borilgan tushuntirishlar natijasida huquqbuzarlik holati tekshiruv oʻtkazilgan kunning oʻzida “R.A” hamda “I.A” MChJlar tomonidan bartaraf etildi.

Ushbu korxonalarga intellektual mulk huquqlariga rioya qilish hamda kelgusida bu kabi qonun buzilish holatlariga takroran yoʻl qoʻyilgan taqdirda tegishli taʼsir chorasi qoʻllanilishi yuzasidan ogohlantirildi.

📌 Kanalga ulanish