Bugun, 18-fevral kuni Adliya vazirligi tomonidan ishlab chiqilgan “O‘zbekiston Respublikasining ayrim qonun hujjatlariga intellektual mulk himoyasini kuchaytirishga qaratilgan o‘zgartirish va qo‘shimchalar kiritish to‘g‘risida”gi O‘zbekiston Respublikasining Qonuni loyihasi Oliy Majlis Qonunchilik palatasi deputatlari tomonidan birinchi o‘qishda qabul qilindi.

Ushbu qonun loyihasi bilan:
1) mualliflik huquqi va turdosh huquqlarni buzganlik uchun ma’muriy jarima miqdori oshirilmoqda;

2) seleksiya yutug‘iga bo‘lgan huquqni buzganlik uchun ma’muriy javobgarlik kiritilmoqda;

3) patentga oid (ixtiro, foydali model, sanoat namunasi va seleksiya yutug‘i) huquqbuzarliklar sodir etishda foydalanilgan ashyolarni musodara qilish qo‘shimcha ma’muriy jazo chorasi sifatida kiritilmoqda;

4) adliya organlarining kontrafakt tovarlarni ko‘zdan kechirish va xatlash vakolatlari kiritilmoqda;

5) muallifning shaxsiy nomulkiy huquqlarini buzganlik uchun jinoiy javobgarlik choralari kuchaytirilib, buzilishi javobgarlikka sabab bo‘ladigan intellektual mulk obyektlari doirasi kengaytirilmoqda;

6) intellektual mulk egalarining mulkiy huquqlarini (tovar belgisi, ixtirolar, dasturiy ta’minot, sanoat namunasi va boshqalarga doir huquqlar) buzganlik uchun jinoiy javobgarlik belgilanmoqda;

7) tovar belgisi bo‘yicha ishlab chiqarilgan kontrafakt mahsulotlar huquqbuzar hisobidan muomaladan olib qo‘yilishi va yo‘q qilinishinazarda tutilmoqda.

Qonunning qabul qilinishi intellektual mulk huquqlarini samarali himoya qilinishiga, kontrafakt tovarlar aylanmasining oldini olishga, xorijiy investitsiyalar oqimining yanada ko‘payishiga hamda O‘zbekistonning Jahon Savdo Tashkilotiga a’zo bo‘lish jarayonini tezlashtirishga xizmat qiladi.

📌 Kanalga ulanish

Xo‘jalik jamiyatlarining ijro organi, kuzatuv kengashi hamda majoritar aksiyadorlarining (ishtirokchilarining) mas’uliyati oshiriladi

Bugun, 18-fevral kuni, Adliya vazirligi tomonidan ishlab chiqilgan “O‘zbekiston Respublikasining ayrim qonun hujjatlariga xo‘jalik jamiyatlarining ijro organi, kuzatuv kengashi hamda majoritar aksiyadorlarining (ishtirokchilarining) mas’uliyatini oshirishga qaratilgan o‘zgartirish va qo‘shimchalar kiritish to‘g‘risida”gi O‘zbekiston Respublikasi Qonuni loyihasi Oliy Majlis Qonunchilik palatasi deputatlari tomonidan birinchi o‘qishda qabul qilindi.

Mazkur Qonun loyihasi bilan “Aksiyadorlik jamiyatlari
va aksiyadorlarning huquqlarini himoya qilish to‘g‘risida” hamda “Mas’uliyati cheklangan hamda qo‘shimcha mas’uliyatli jamiyatlar to‘g‘risida”gi qonunlarga xo‘jalik jamiyatlarining ijro organi, kuzatuv kengashi a’zolarining fidusiar majburiyatlarini, majoritar aksiyadorlarining (ishtirokchilarining) umumiy majburiyatlari hamda mazkur majburiyatlar bo‘yicha javobgarlikni aniqlashtirishni nazarda tutuvchi o‘zgartirish va qo‘shimchalar kiritilmoqda.

Xususan, Qonun loyihasida xo‘jalik jamiyatiboshqaruvi organlari a’zolarining aniq fidusiar majburiyatlari xamda majoritar aksiyador (ishtirokchining) o‘z ustun mavqeyini suiiste’mol qilishining oldini olishga qaratilgan qoidalar belgilanmoqda.

Qonun loyihasining qabul qilinishi korporativ munosabatlarning huquqiy asoslarini yanada takomillashtirish, xo‘jalik jamiyatlarining boshqaruv organlari, majoritar aksiyadorlarining (ishtirokchilarining) mas’uliyati oshishiga hamda jamiyat va aksiyadorlarning (ishtirokchilarning) manfaatlari yanada mustahkam himoya qilinishiga xizmat qiladi.
 
📌 Kanalga ulanish

#Adliya_loyiha

💬 ai.lex.uz — sunʼiy intellekt javob beradi

Savol: Quyosh suv isitish qurilmalarini toʻliq oʻz mablagʻidan oʻrnatganlarga kompensatsiya beriladimi?

📌 Kanalga ulanish

#Ziyo_ulash

“Ziyo ulash” loyihasining yana bir ishtirokchisi — Oʻzbekiston yozuvchilar uyushmasi aʼzosi, shoira, Oʻzbekiston xalq taʼlimi aʼlochisi, “Maʼnaviyat fidoyisi” koʻkrak nishoni sohibasi, Erkin Vohidov nomidagi ijod maktabi tarbiyachi-pedagogi Oʻktamxon Soliyeva.

Kitob ulashing — ziyo koʻpayadi.

📌 Kanalga ulanish

#Bir_murojaat_izidan

Shayxontohur tumanida istiqomat qiluvchi Rustam Aminov pensiyaga chiqqanidan so‘ng 15 yildan ortiq ishlagan davri nafaqasiga qo‘shilmay qolib ketgan.

Shayxontohur tumani adliya bo‘limi tomonidan o‘tkazilgan sayyor qabulda ish yurituviga qabul qilingan fuqaro R.Aminovning murojaati o‘rganib chiqilib, natijada adliya bo‘limi xodimlari fuqaroning huquqlarini sud orqali tiklab berishdi va otaxonning pensiyasiga ishlagan davri qo‘shib berildi.

📌 Kanalga ulanish

#Adliya_munosabati

Ijtimoiy tarmoqlarda tarqalgan “Yuridik yordam” axborot tizimida texnik muammolar kuzatilayotganligi haqidagi xabarlar yuzasidan Adliya vazirligi quyidagilarni maʼlum qiladi.

Vazirlar Mahkamasining 2024-yil 21-noyabrdagi 774-son qarori bilan tasdiqlangan Davlat hisobidan yuridik yordam koʻrsatadigan advokatlarni jalb etish va ularga haq toʻlash tartibi toʻgʻrisidagi nizomda “Yuridik yordam” axborot tizimi orqali advokatni tanlashning mexanizmlari belgilangan. Shunga koʻra, tizim tergov va sud organlarining tegishli axborot tizimlari bilan integratsiya qilinib, advokatni elektron tanlash funksiyasi ishga tushirilgan.

“Yuridik yordam” axborot tizimi imkoniyatlari takomillashtirilib borilayotganligi, bu borada amaliyotdagi muammolarni aniqlash va ularni tezkorlik bilan bartaraf qilish maqsadida vazirlik tomonidan “Telegram”messenjerida “e-advokat.uz” guruhi tashkil qilingan va ushbu guruhda yoʻllanayotgan masalalarga vazirlik masʼul xodimlari qisqa fursatlarda javob berib kelmoqda.

Bugungi kunda respublika boʻyicha 1 799 nafar advokat davlat hisobidan yuridik yordam koʻrsatish haqida ixtiyoriy ravishda adliya organlari bilan “Yuridik yordam” axborot tizimida shartnoma tuzib, tizimga kiritilgan. Hozirda davlat hisobidan yuridik yordam koʻrsatuvchi advokatlar ushbu advokatlar orasidan elektron shaklda tanlanmoqda.

Davlat hisobidan yuridik yordam koʻrsatish masalasida tizimning muntazam ishlashi masalasi Adliya vazirligining hayʼat majlisida ham muhokama qilinib, masʼul xodimlarga tizimni doimiy monitoring qilib, uzluksiz ishlashini taʼminlab borish vazifasi berilgan.

“Yuridik yordam” tizimining ishlashi unga integratsiya qilingan boshqa axborot tizimlari bilan bogʻliq boʻlib, ulardagi uzilishlar “Yuridik yordam” axborot tizimiga ham taʼsir koʻrsatadi. Xususan, joriy yilning 7—8-fevral kunlari “E-imzo” tizimida texnik uzilishlar kuzatilganligi sababli, advokatlar orderlarni imzolashda texnik muammolarga duch kelgan. Hozirda ushbu muammo “E-imzo” tizimiga masʼul organlar tomonidan bartaraf etilgan.

Foydalanuvchilarga qulayliklar yaratish, ishni osonlashtirish va tizim samaradorligini oshirish maqsadida boshqa davlat organlarining platformalarini yangi hisoblangan “Yuridik yordam” tizimiga integratsiya jarayoni davom etmoqda. Ushbu davrda baʼzan texnik nosozliklar yuz berishi mumkin. Adliya vazirligi foydalanuvchilar bilan muloqotga ochiqligi, muammo yuzaga kelganda uni tezkorlik bilan hal qilishga tayyorligini maʼlum qiladi.

❗️Tizim boʻyicha savol yoki muammolar vujudga kelganda, “Telegram” messenjeridagi “e-advokat.uz” guruhi yoki vazirlikning 71-207-04-51 (ichki 1159) telefon raqamlari orqali murojaat qilish mumkin. Bu tizimni yanada takomillashtirish imkonini beradi.

📌 Kanalga ulanish

#Ziyo_ulash

“Asaxiy Books” nashriyoti asoschisi, tadbirkor Firuz Allayev “Ziyo ulash” aksiyasini qoʻllab-quvvatladi:

“Adliya vazirligining “Ziyo ulash” aksiyasi haqida eshitdik va oʻzimizning kitoblarimizni davlat xizmatlari markaziga olib keldik. Aksiyaning gʻoyasi juda yoqdi: har kim kitobni oʻqish uchun olishi va oʻrniga oʻzining kitobini qoʻyishi mumkin. Shunday qilib, kitoblar almashinuvi sodir boʻladi va ular aholining koʻproq qismiga yetib boradigan boʻladi.

Boshqalarni ham aksiyada faol qatnashishga chaqiramiz! Bu orqali barchamiz yanada koʻproq oʻqish, oʻrganish, oʻzimizni va hayotimizni oʻzgartirish imkoniga ega boʻlamiz!“

Tashabbusga qoʻshilmoqchimisiz? Yagona sharti: oʻqib boʻlgach, boshqaga bering. Kitoblaringizni eng yaqin davlat xizmatlari markaziga topshiring. Ehtimol, aynan sizning kitobingiz kimnidir yangi yutuqlarga ilhomlantirishi mumkin.

Kitob ulashing — ziyo koʻpayadi.

📌 Kanalga ulanish

#Huquqshunos_oshxonasi

“Zo‘r futbolni ko‘rsatish uchun avval uni sotib olish kerak”

O‘zbekistonda sport musobaqalari media huquqlarini qanchalik hurmat qilishadi? Bizda tranlyasiyalar bozori qanday rivojlanmoqda? Sport agenti nima uchun kerak, Abduqodir Husanovning agenti kim? Sportda intellektual mulk huquqi nima?

Ushbu savollarga taniqli sport sharhlovchisi Mirzahakim To‘xtamirzayev “Huquqshunos oshxonasi”da javob berdi.

To‘liq video 👉 https://youtu.be/LTnzl1fdK2o

📌 Kanalga ulanish

#Qonunchilikdagi_yangiliklar

Adliya vazirligi tomonidan “Fuqaro havo kemalariga roʻyxat belgisini va davlat tanish belgisini hamda boshqa belgilarni qayd etish” Oʻzbekiston Respublikasi aviatsiya qoidalari (AR-AIR-002) davlat roʻyxatidan oʻtkazildi (roʻyxat raqami 3608, 19.02.2025 y.).

Ushbu qoidalarda fuqaro havo kemalariga roʻyxat belgisini va davlat tanish belgisini hamda boshqa belgilarni qayd etish tartibi belgilangan.

Davlat tanish belgisi lotin alifbosining “UK” ikkita harfidan, roʻyxat belgisi besh arab raqamlaridan (masalan, UK 32001) tashkil topadi.

Xalqaro fuqaro aviatsiyasi tashkiloti (IKAO) veb-saytidagi “Davlat tanish belgilar, milliy gerblar va umumiy havo kemalar belgilari” roʻyxatida davlat tanish belgisi nazarda tutiladi.

Roʻyxat belgisining va davlat tanish belgisining oʻlchamlari

Har bir roʻyxat belgisi va davlat tanish belgisi guruhidagi harflar va raqamlar bir xil balandlikka ega boʻlishi kerak.

Havodan yengil havo kemalaridagi qayd etiladigan harf va raqamlarning balandligi 50 sm dan kam boʻlmasligi lozim.

Havodan ogʻir havo kemalarining qanotlaridagi qayd etiladigan harf va raqamlarning balandligi 50 sm dan kam boʻlmasligi lozim.

Havodan ogʻir havo kemalarining fyuzelyajidagi hamda vertikal dum qanoti yuzasidagi (shu jumladan, vertolyot dum balkasidagi) qayd etiladigan harf va raqamlarning balandligi 30 sm dan kam boʻlmasligi lozim.

Roʻyxat belgisi va davlat tanish belgisini qayd etish uchun qoʻllaniladigan harflar lotin alifbosining bosh harflaridan, raqamlar esa, arab raqamlaridan tashkil topadi. Harf va raqamlar bir xil oʻlchamda, naqshlarsiz boʻlishi lozim.

Fuqaro havo kemasining tashqi konstruksiyasi elementlariga boshqa belgilar (ramzlar, yozuvlar, nishonlar) qayd etiladi.

Bunda, ushbu belgilar fuqaro havo kemasining tashqi yuzasiga roʻyxat belgisi va davlat tanish belgisi koʻrinishini yomonlashtirmaydigan tarzda qayd etiladi.

📌 Kanalga ulanish

#Men_bilgan_adliya

Adliya organlari va muassasalariga oxirgi marta qachon murojaat qilgansiz? Ular tomonidan koʻrsatilayotgan xizmatlarni qanday baholaysiz?

Ushbu savollarga tadbirkor, “Millat Umidi” universiteti, Edu-Action markazi, Kimyo.uz va Aroma AIR kabi loyihalar asoschisi Umidjon Ishmuhammedov javob berdi.

Batafsil 👉 videoda.

📌 Kanalga ulanish

#Ziyo_ulash

Shohruh Sirojov (Dj King Macarella):

“Ilhom, ragʻbat, bilim — bularning barchasini kitoblardan topish mumkin. “Ziyo ulash” esa bu boylikni boshqalar bilan baham koʻrish imkoniyati!”

Tashabbusga qoʻshilmoqchimisiz? Yagona sharti: oʻqib boʻlgach, boshqaga bering. Kitoblaringizni eng yaqin davlat xizmatlari markaziga topshiring. Ehtimol, aynan sizning kitobingiz kimnidir yangi yutuqlarga ilhomlantirishi mumkin.

Kitob ulashing — ziyo koʻpayadi.

📌 Kanalga ulanish