#Adliya_xabari

Adliya vazirligi Intellektual mulk departamenti xodimlari va Andijon viloyati adliya boshqarmasi tomonidan hududda faoliyat yurituvchi tadbirkorlik subyektlariga tovar belgisi va xizmat koʻrsatish belgilarini davlat roʻyxatidan oʻtkazishning afzalliklari hamda ularning huquqiy himoyasi toʻgʻrisida sayyor uchrashuv tashkil etildi.

Intellektual mulk obyektlari, xususan, tovar belgilari va geografik koʻrsatkichlarni roʻyxatdan oʻtkazish uchun talabnoma topshirish boʻyicha master-klass oʻtkazildi.

Shuningdek, Andijon viloyatining sanoat zonasida faoliyat olib boruvchi “Ravon taraqqiyot orzusi” MChJda joyiga chiqqan holda jamiyatga tegishli boʻlgan intellektual mulk obyektlari, xususan tovar belgilari hamda sanoat namunalarini davlat roʻyxatidan oʻtkazish boʻyicha tavsiyalar berildi.

Uchrashuvlar davomida tadbirkorlarning tovar belgilarini davlat roʻyxatidan oʻtkazish va tovar belgilarini huquqiy himoya qilish boʻyicha tegishli arizalari qabul qilingan holda tadbirkorlarga amaliy yordam berildi.

📌 Kanalga ulanish

Bugun, 31-yanvar kuni Adliya vazirligi xodimlari va AQShning Toshkent shahridagi elchixonasi vakillari oʻrtasida AQSH Savdo vakilligining (USTR) “301-maxsus hisoboti” boʻyicha uchrashuv tashkil etildi.

301-maxsus hisobot intellektual mulk huquqlarini “yetarli va samarali” himoya qilinmaydigan yoki intellektual mulk egalariga “adolatli va teng” bozor sharoitlari yaratilmagan davlatlar toʻgʻrisidagi maʼlumotlarni oʻz ichiga oladi.

Oʻzbekiston intellektual mulk sohasida amalga oshirilgan islohotlar natijasida 24 yildan soʻng — 2024-yilgi “301-maxsus hisoboti”da “Kuzatuvdagi davlatlar” (qora roʻyxat) roʻyxatidan chiqarilgan.

Ushbu uchrashuv doirasida Adliya vazirligi tomonidan 2024-yilda amalga oshirilgan ishlar boʻyicha batafsil maʼlumot taqdim etildi.

Uchrashuv yakunida AQShning Toshkent shahridagi elchixonasi vakili Oʻzbekistonda intellektual mulk sohasida amalga oshirilayotgan islohotlarga yuqori baho berdi.

📌 Kanalga ulanish

#Intellektual_mulk

Tovar belgisidan noqonuniy foydalangan tadbirkorga nisbatan chora ko‘rildi.

Adliya vazirligiga “СВОБОДА” AJga tegishli tovar belgisiga o‘xshash belgilardan foydalangan holda kontrafakt mahsulotlar ishlab chiqarilayotganligi bo‘yicha murojaat kelib tushdi.

Mazkur murojaat asosida olib borilgan o‘rganishlar natijasida “N.Z” XK tomonidan haqiqatdan ham “СВОБОДА” AJga tegishli “ТИК-ТАК” hamda “АЛИСА” tovar belgisiga fonetik jihatdan o‘xshash bo‘lgan “TIK-TOK” va “ALESA” belgilari ishlab chiqarilayotgan va savdoga taklif qilinayotgan kosmetika vositalari qadog‘ida  foydalanilayotganligi aniqlandi.

Holat yuzasidan huquqbuzarga qonun hujjatlarining buzilishi, ularning sabablari va bunga olib keluvchi shart-sharoitlarni bartaraf etish toʻgʻrisida taqdimnoma kiritilib huquqbuzarlik bartaraf etildi.

(Suratda chap tomondagi asl mahsulot)

📌 Kanalga ulanish

#Adliya_xabari

Adliya vaziri “Kambagʻallikdan farovonlik sari” dasturi doirasida Samarqanddagi mahallalarga keldi

Mamlakatimizda kambagʻal oilalar hayotini oʻzgartirish, turmush tarzini yaxshilashga qaratilgan “Kambagʻallikdan farovonlik sari!” dasturi amalga oshirilmoqda. Bu borada “Kambagʻallikni qisqartirish va aholi turmush farovonligini oshirish borasidagi chora-tadbirlarni yangi bosqichga olib chiqish toʻgʻrisida”gi Prezident Farmoni dasturilamal vazifasini bajarmoqda.

Unga koʻra, 2025-yilda 1 million nafar aholini kambagʻallikdan chiqarish davlat ijtimoiy-iqtisodiy siyosatining hamda barcha darajadagi davlat organlari va tashkilotlarining birinchi darajali vazifasi etib belgilangan. Bunda Adliya vazirligi ham hududlarda alohida chora-tadbirlarni amalga oshirmoqda.

Xususan, bu yoʻnalishdagi jarayonlar bugun Samarqand viloyatida davom etmoqda. Adliya vaziri Akbar Toshqulov bugun, 3-fevral kuni viloyat markazidan qariyb 100 kilometr olisda joylashgan Qoʻshrabot tumaniga keldi. Oʻrganishni “Xonnazar” mahallasidan boshladi. Mahalladagi kambagʻal oilalarga kirdi, xonadonda yashovchilar, tadbirkorlar bilan suhbatlashdi, ularning nima muammosi borligi, qanday yordam koʻrsatish kerakligi bilan qiziqdi.

III-guruh nogironi boʻlgan 55 yoshli Karomat opa Ismoilova nogironligi boʻlsa-da yoshligida oʻrgangan tikuvchilik kasbi orqali bugun hamqishloqlarini koʻrpa, yostiq, beshiklarga zeb beradigan yopinchiqlar bilan taʼminlab keladi. U Akbar Toshqulov bilan suhbatda shogirdlarni koʻpaytirish, kasbini hamqishloqlariga oʻrgatib qoʻshimcha ishchi kuchi olishni istayotgani, buning uchun tikuv mashinasiga ehtiyoji borligini aytdi. Adliya vaziri unga zamonaviy tikuv mashinasini topshirdi.

Xonnazar qishlogʻida oilaviy tadbirkorlik bilan shugʻullanayotgan Ahmad Adilov mayizni qayta ishlash uchun qoʻshimcha joy olish borasidagi muammosini maʼlum qildi. Uning murojaati vazir nazoratiga olindi.

Mahalla binosida masʼullar bilan uchrashuvda nochor oilalarni kambagʻallikdan chiqarish tartibi, buni amalga oshirish mexanizmi, fuqarolar huquqiy va ijtimoiy muammolari bilan ishlash, bunda adliya organlari bilan hamkorlik borasida soʻz yuritildi, zarur tavsiyalar berildi. Vazir oʻrtaga tashlangan masalalar, savollarni tinglab, ochiq muloqot qildi.

“Kambagʻallikdan farovonlik sari” dasturi doirasida mahallada joriy yilda bajariladigan ishlar, chora-tadbirlar, koʻrsatiladigan ijtimoiy-iqtisodiy yordamlar haqida maʼlumot berildi. Shuningdek, mahallada Xitoy tajribasi asosida kambagʻallikdan chiqarish loyihasi ustida ish olib borilmoqda. Unga koʻra, bu yerda 10 dan ortiq loyihalar amalga oshirilishi koʻzda tutilgan.

📌 Kanalga ulanish