#Qonunchilikdagi_yangiliklar

Endilikda qonun loyihalari majburiy ravishda ilmiy ekspertizadan o‘tkaziladi

Vazirlar Mahkamasining “Normativ-huquqiy hujjatlar loyihalarining ilmiy asoslanganlik darajasini oshirish chora-tadbirlari to‘g‘risida”2025-yil 22-yanvardagi 29-son qarori bilan qonunchilik hujjatlarini ilmiy ekspertizadan o‘tkazish tartibi tasdiqlandi.

Unga ko‘ra, endilikda qonun loyihalari majburiy ravishda, qonunosti hujjatlari zaruratga ko‘ra ilmiy ekspertizadan o‘tkaziladi.

Ekspertiza tegishli sohadagi davlat ekspertlik ilmiy-tadqiqot muassasalari tomonidan amalga oshiriladi.

Adliya vazirligi ilmiy ekspertizadan o‘tkazuvchi davlat ekspertlik ilmiy-tadqiqot muassasalari, davlat ilmiy-tadqiqot muassasalari hamda davlat oliy ta'lim muassasalarining reyestrini yuritadi.

Ilmiy ekspertizada loyihaning nazariy va ilmiy asoslarga muvofiqligi, sohada mamlakatni rivojlantirish konsepsiya va strategiyalari, zamonaviy yondashuvlarga mosligi o‘rganiladi hamda loyihani takomillashtirish bo‘yicha takliflar beriladi.

Ekspertiza natijalari bo‘yicha loyiha ilmiy asoslanganligi, yetarli darajada ilmiy asoslanmaganligi yoki ilmiy asoslanmaganligi to‘g‘risida xulosa beriladi.

Ushbu xulosa loyihani Adliya vazirligi va qabul qiluvchi organlarga kiritishda ilova qilinishi shart.

Shuningdek, aholini oldindan xabardor qilish va jamoatchilik fikrini olish uchun vazirlik va idoralar o‘z ishlab chiqayotgan yoki ishlab chiqishni rejalashtirayotgan loyiha to‘g‘risida rasmiy veb-saytiga ma'lumot joylashtirib borishi shart. Ushbu ma'lumotda loyihaning mazmuni, taklif yuborish muddati va aloqa manzillari ko‘rsatiladi hamda kelib tushgan takliflarni ko‘rib chiqish natijalarini ham saytga yuklaydi.

Shu bilan birga, zarur hollarda bevosita manfaatdor tomonlar bilan muhokamalar tashkil qilingan holda ko‘rib chiqiladi.

📌 Kanalga ulanish

#Adliya_loyiha

💬 ai.lex.uz — sunʼiy intellekt javob beradi

Savol: Koʻp qavatli uyda turaman, tepamdagi qoʻshnilar doim shovqin qilishadi. Shovqin qilmanglar desam menga quloq solishmadi. Bu holatda kimga murojaat qilsam boʻladi? Ularga qanday javobgarlik bor?

📌 Kanalga ulanish

#Adliya_loyiha

Tikuv mashinalaridan qoramolgacha: firibgar 24 kishini chuv tushirdi

Adliya vazirligi sunʼiy intellekt ishtirokidagi yangi loyihani taqdim etadi. Endilikda siz shov-shuvli sud ishlaridan vizual tarzda xabardor boʻlishingiz mumkin. Har yerda va har qachon firibgarlardan ogoh boʻling!

Videoni koʻrish 👉 https://youtu.be/xbbbIYpp0N4

📌 Kanalga ulanish

#Adliya_loyiha

💬 ai.lex.uz — sunʼiy intellekt javob beradi

Savol: Xususiy fermada ishlayman, bir oyda hisoblangan oyligim 900 000 soʻm ekan, ferma rahbaridan soʻrasam bu qonunchilikda belgilangan ekan, shu toʻgʻrimi? Eng kam mehnatga haq toʻlash miqdori shunchami?

📌 Kanalga ulanish

Noqonuniy xizmat ko‘rsatish belgisidan foydalangan to‘yxona javobgarlikka tortildi
 
“Xonsaroy Group” MChJning murojaatiga asosan Adliya vazirligi tomonidan “M.N” MChJda belgilangan tartibda tekshiruv o‘tkazildi.

Tekshiruvlar natijasida “M.N” MChJ tomonidan “Xonsaroy Group” MChJning “Xon Saroy” xizmat ko‘rsatish belgisiga aynan o‘xshash bo‘lgan “Xonsaroy” so‘zidan to‘yxona binosining peshlavhasi hamda ijtimoiy tarmoqda foydalanayotganligi aniqlandi.

Holat yuzasidan huquqbuzar “M.N” MChJga o‘zganing xizmat ko‘rsatish belgisiga o‘xshash belgidan qonunga xilof ravishda foydalanganligi uchun bazaviy hisoblash miqdorining 100 baravar (37 mln. 500 ming so’m) miqdorida moliyaviy jarima qo‘llanildi hamda “Xonsaroy” so‘zi foydalanishdan olib tashlandi.

📌 Kanalga ulanish

#Bir_murojaat_izidan

Adliya idoralari odamlar muammolariga qonuniy javob berish uchun har bir murojaat izi ortidan huquqiy yechimni topadi. Toʻgʻri bu izlanish vaqt talab etadi, keragida sud idoralariga murojaat qilinadi.

Konimexlik fuqaro Batis Tulebayeva shifokor. U ishlagan tashkilotida mehnatga haq toʻlashda rahbar shifokorlarga ustamalar mavjudligidan bexabar boʻlgan. Yillar davomida oylik maoshiga ustama toʻlanmay kelinayotganini bilgan fuqaro adliyaga murojaat qildi.

Konimexlik tadbirkor Muzaffar Bahranov esa davlat tashkiloti uchun qurilish taʼmirlash ishlarini amalga oshirgan. Lekin bajarilgan xizmat uchun puldan darak boʻlmagan. Gap 1 milliard 200 million soʻm pul haqida bormoqda.
Batafsil videoda

📌 Kanalga ulanish

#Adliya_xabari

Joriy yolning 22—23-yanvar kunlari tadbirkorlik subyektlariga koʻrsatiladigan davlat xizmatlarining sifatini oshirish, ulardagi muammolarni oʻrganish, sohaga oid muammolar va kamchiliklarni bartaraf etish va takliflar ishlab chiqish boʻyicha tegishli tashkilotlar bilan hamkorlikda joylarda tadbirkorlar bilan ochiq muloqotlar oʻtkazildi.

Xususan, bu kabi uchrashuvlar Toshkent shahrida, Qashqadaryo va Namangan viloyatlarida tashkil etildi.

Videoda 👉 Toshkentda oʻtkazilgan tadbir tafsilotlari.

📌 Kanalga ulanish