#Adliya_xabari

Adliya vaziri o‘rinbosari ishtirokida sayyor qabul o‘tkazildi.

Adliya vaziri o‘rinbosari Sh.Rabiyev tomonidan Baliqchi tumani “Chinobod” MFY binosida  sayyor qabul tashkil etildi.

Qabulda viloyat adliya boshqarmasi, tuman adliya bo‘limi mas’ul xodimlari, xususiy amaliyot bilan shug‘ullanuvchi notariuslar, “mahalla yettiligi” a’zolari hamda mutasaddi tashkilotlar rahbarlari ishtirok etdi.

Sayyor qabullar davomida 60 nafardan ortiq fuqarolarning murojaatlari tinglanib, shundan 30 tasi joyida hal etilgan holda huquqiy tushuntirish berildi. O‘rganib chiqish muddat talab etadigan 30 ga yaqin murojaatlar ish yurituviga olindi.

📌 Kanalga ulanish

#Adliya_xabari

Adliya vazirligi ishchi guruhi Fargʻona viloyatida davlat xizmatlari markazlari va FHDY organlari ish faoliyati bilan tanishmoqda.

Ishchi guruh birinchi ish kunida Quva, Toshloq tumanlari hamda Fargʻona va Quvasoy shahridagi davlat xizmatlari markazlari va FHDY organlarida fuqarolar va tadbirkorlarga koʻrsatilayotgan xizmatlar va uning samaradorligini oʻrgandi.

Jarayonlar davomida davlat xizmatchilari bilan individual tarzda suhbatlashilib, xizmat koʻrsatishni izchil yoʻlga qoʻyish borasidagi takliflar va muammolar bilan qiziqildi.

Davlat xizmatlari markazlarida tadbirkorlar ishtirokida sayyor qabullar tashkil etildi. Qabullar davomida tadbirkorlarga davlat xizmatlarini koʻrsatish borasida tizim vakillari va ishbilarmonlar tomonidan oʻndan ortiq takliflar oʻrtaga tashlandi.

Bundan tashqari, xodimlarga ish sifatini yaxshilash, doimiy oʻz bilim va koʻnikmalarini oshirib borish, fuqarolar bilan xushmuomalalik bilan muloqotda boʻlish yuzasidan zarur tavsiya va koʻrsatmalar berildi.

Xorijga chiqish pasporti va ID-kartalarni berishda integratsiya masalalaridagi takliflar alohida eʼtiborga olindi.

📌 Kanalga ulanish

#Adliya_va_yoshlar

Adliya vaziri oʻrinbosari Andijonda yoshlar bilan uchrashdi

Adliya vaziri oʻrinbosari Sh.Rabiyev Andijon qishloq xoʻjaligi va agrotexnologiyalar instituti talabalari bilan uchrashdi. Muloqot davomida vazir oʻrinbosari bugungi kunda yurtimizda yoshlarga yaratilgan imkoniyatlar, shaxsiy huquq va erkinliklari hamda ularning jamiyat va davlat hayotida faol ishtirok etishini ragʻbatlantirish masalalariga toʻxtalib oʻtdi.

Shuningdek, adliya organlarining ish faoliyati, tizimga ishga kirish uchun taʼlim yoʻnalishlari hamda bitiruvchi yoshlarga berilgan imtiyozlar haqida asosli tushuntirishlar berildi.

Ochiq muloqot formatida boʻlib oʻtgan uchrashuvda yoshlar bir qator takliflarni ilgari surdilar hamda oʻzlarini qiziqtirgan savollarini toʻgʻridan-toʻgʻri vazir oʻrinbosariga yoʻllashdi.

Uchrashuv yakunida universitet rahbariyati bilan kelgusidagi ishlar muhokama qilinib, vazifa va rejalar belgilab olindi.

📌 Kanalga ulanish

#Adliya_xabari

“Ijro intizomi — samaradorlik omili”

Prezident Administratsiyasi va Adliya vazirligi masʼullaridan iborat respublika ishchi guruhi ishtirokida Xorazm viloyat hokimligida “Ijro intizomi — samaradorlik omili” mavzusida seminar tashkil etildi. Unda viloyatdagi davlat organlari va tashkilotlarida hamda shahar va tuman hokimliklarida ijro intizomiga masʼullar ishtirok etdi.

Tadbirda Oʻzbekiston Respublikasi Prezidentining 2021-yil 10-fevraldagi PF-6166-son farmoni hamda 2021-yil 31-maydagi PQ-5132-son qarorining mazmun-mohiyati va joriy etilgan tizimning alohida jihatlari haqida maʼlumot berildi.

Respublika ishchi guruhi vakillari ijro intizomini tartibga solishning huquqiy asoslari bilan bir qatorda, “Ijro.gov.uz” tizimi orqali viloyatda nazoratga olingan topshiriqlar ijrosi haqida toʻxtalib oʻtdi.

Ishtirokchilar faoliyati davomida joriy qilinayotgan yangiliklar, qiyinchilik tugʻdirayotgan baʼzi holatlar yuzasidan masʼullardan oʻzlarini qiziqtirgan savollarga atroflicha javob oldi.

Shuningdek, hududda tarmoqlararo ijro intizomini tashkil etishda amalga oshirilayotgan ishlar, mavjud muammolar va ularning yechimlari yuzasidan taklif-mulohazalar bildirildi.

📌 Kanalga ulanish

#Adliya_xabari

Andijon viloyatida tadbirkorlik subyektlariga koʻrsatiladigan davlat xizmatlarining sifatini oshirish, ulardagi muammolarni aniqlash masalalari yuzasidan ochiq muloqot boʻlib oʻtdi.

Maʼlumki, tadbirkorlik faoliyatini qoʻllab-quvvatlash va ularni davlat roʻyxatidan oʻtkazishda joylardagi davlat xizmatlari markazlari alohida ahamiyat kasb etadi.

Adliya vaziri oʻrinbosari SH.Rabiyev hamda vazirlik masʼullari ishtirokida Andijon viloyat adliya boshqarmasida 22 nafar tadbirkorlarning takliflari va muammolari oʻrganildi.

Tadbirkorlik faoliyatidagi soliq qonunchiligiga oid masalalar, jumladan yangi joriy etilgan soliq imtiyozlarini amaliyotda qoʻllanilishi, soliq hisobotlarini topshirishdagi muammolar, tadbirkorlik faoliyatni tugatish yoki vaqtincha faoliyatini toʻxtatib turishdagi muammoli masalalar yuzasidan takliflar bildirildi.

Shuningdek, uchrashuv yakunida O'zbekiston Respublikasi Prezidentining 2025-yil 3-yanvarda qabul qilingan “2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi 1-son qarori mazmun mohiyati tushuntirib o'tildi.

📌 Kanalga ulanish