#Adliya_loyiha

“LexAI” platformasi taqdimoti oʻtkazildi

Adliya vaziri Akbar Toshqulov “Lex AI” – sunʼiy intellekt yordamida huquqiy masalalarga javob topishga koʻmaklashadigan yagona platformani taqdimot qildi.

Ushbu platformada huquqiy masalalarga javob topishga koʻmaklashadigan yordamchi chat-bot, hujjatlarni huquqshunos ishtirokisiz, konstruktor asosida mustaqil tayyorlashga, ekspertiza qilib berishga, berilgan keyslarga huquqiy amaliyotni tahlil etish asosida javob berishga moʻljallangan xizmatlar jamlangan boʻlib, ularni bosqichma-bosqich joriy etish ustida ish olib borilmoqda.

Hozirda platformaning huquqiy masalalarga oid savollarga sunʼiy intellekt imkoniyatlaridan foydalangan holda Qonunchilik maʼlumotlari milliy bazasidagi hujjatlar asosida onlayn javob berishga moʻljallangan “LexAI” chat-boti ishga tushirilgan.

Bugungi kunda Qonunchilik maʼlumotlari milliy bazasida 48 mingdan ortiq hujjatlar mavjud boʻlib, shundan amaldagi hujjatlar soni 34 mingdan, yaxlit hujjatlar soni 28 mingdan, oʻzgartirish va qoʻshimchalar kiritishni nazarda tutuvchi hujjatlar soni esa 5 700 dan ortiq.

“LexAI” chat-botining yaratilishida huquq va IT sohasidagi tajribali mutaxassislar tomonidan 5 oydan ortiq vaqt davomida ishlar olib borildi va natijada mazkur chat-botda amaldagi 34 mingdan ortiq normativ tusdagi hujjatlar, shuningdek, 604 mlndan ortiq belgilardan iborat bilimlar bazasi oʻqitildi.

Chat-botning asosiy funksiyalari va logikasi Open source manbaalarisiz ishlab chiqilgan.

❗️Platforma hozircha huquqshunos-mutaxassislar sinovidan o‘tmoqda, yaqin vaqtda keng omma uchun ochiladi.

📌 Kanalga ulanish

#LexAi_taqdimoti

Sun’iy intellekt yuristlarning ishini yanada tezlashtiradi, ko’rsatayotgan xizmatlarini sifatli bo’lishini ta’minlab beradi - Akbar Toshqulov

📌 Kanalga ulanish

#LexAi_taqdimoti
Mutaxassis taassuroti

Har bir insonda eng kerak bo’ladigan masala bu hayotining qonuniy asoslarini o’rganish. Bu masala lex.uzga sun’iy intellektni joriy qilish orqali osonlashtirildi.

Sherzod Shermatov
Raqamli texnologiyalar vaziri

📌 Kanalga ulanish

#LexAI_taqdimoti
Mutaxassis taassurotlari

Bizning jamoamizda 40-50 ta huquqshunos ishlaydi. Fuqarolardan juda ko’p savollar kelib tushadi. Biz hammasiga javob berishga ulgurmaymiz. LexAI bunday holatlarni yechimi bo’ladi.

Sherzod Egamberdiyev
”Sher legal” advokatlik firmasi asoschisi

📌 Kanalga ulanish

#LexAI_taqdimoti

Мнение специалистов

Lex.uz — один из самых популярных ресурсов среди юристов Узбекистана, и не только. Внедрение искусственного интеллекта открывает широкие возможности в обобщении, анализе, поиске информации и подготовке аналитических материалов, на которые мы обычно тратим много времени. Этот инструмент, думаю, поможет в нашей работе.

Евгений Янике,
начальник отдела ООО «Лукойл Узбекистан Оперейтинг Компани»

📌 Kanalga ulanish

#LexAi_taqdimoti

Mutaxassis taassuroti

LexAI har bir yurist uchun kundalik ishlashda juda muhim platforma boʻladi. Ushbu platforma bizning qonunchiligimizning hammasini qamrab olib, har bitta qaror va farmonni inobatga olib, xulosa qilib yuristlarga madadkor boʻladi. LexAI yanada rivojlanib, muhim bir huquqiy instrumentga aylanishiga ishonaman.

Bobur Shamsiyev
“Dentons” advokatlik firmasi vakili

📌 Kanalga ulanish

#LexAi_taqdimoti

Mutaxassis taassuroti

Milliy qonunchilik bazasi platformasi asosida sunʼiy intellektning yaratilishi juda katta voqea va bu ish beradi.

Kamoliddin Bahouddinov,
advokat

📌 Kanalga ulanish

#Eslatma

Adliya vazirligining Instagram, Facebook ijtimoiy tarmog‘idagi sahifalari hamda “Adliya yangiliklari” Telegram kanali rasmiy maqomga ega.

❗️Sahifalarning nomidagi maxsus belgi (✔️) orqali ularni oson ajratib olishingiz mumkin.

Adliya vazirligining ijtimoiy tarmoqlardagi sahifalarini va Telegram messenjeridagi kanallarini eslatib o‘tamiz:

📱 Telegram
@adliyangiliklari
@huquqiyaxborot
@huquqiyaxborot_lotin (lotin)
@pravoinf (rus)
@leginf (ingliz)

📱 Facebook
https://www.facebook.com/minjustuz

📱 Instagram
https://www.instagram.com/adliyanews

📱 Youtube
https://www.youtube.com/c/Adliya

📱 X (Twitter)
https://x.com/MinjustUzb

Axborotni ishonchli manbalardan oling!

🖥 Kanalga ulanish

#Qonunchilikdagi_yangiliklar

Advokatlik tuzilmalari tomonidan statistik ma'lumotlarni taqdim qilish tartibi belgilandi

Adliya vazirligi tomonidan "Advokatlik tuzilmalari tomonidan statistik ma'lumotlarni taqdim qilish tartibi to'g'risida"gi nizom (roʻyxat raqami 3588, 2024-yil 23-dekabr) davlat roʻyxatidan oʻtkazildi.

Ushbu Nizomga ko'ra, faoliyat yuritayotgan advokatlik tuzilmalari tomonidan statistik ma'lumotlar har bir hisobot davri uchun taqdim etiladi.

Advokatlik tuzilmalari tomonidan taqdim etiladigan statistik hisobotda advokatlarga oid ma'lumotlar (uning yoshi, jinsi, staji, ilmiy darajasi), advokatlik tuzilmasining xodimlari, ko'rsatilgan yuridik yordam turlariga oid ma'lumotlar (tergovga qadar tekshiruvda, surishtiruvda, dastlabki tergovda ko'rsatilgan yuridik yordamlar), yuridik yordam olgan shaxslar haqida ma'lumot, tuzilgan bitimlar (shartnomalar), rasmiylashtirilgan orderlar soni ko'rsatiladi.

Advokatlik tuzilmalari tomonidan statistik ma'lumotlarni taqdim qilish tartibi:

Advokatlik tuzilmasi rahbari tomonidan statistik ma'lumotlar "Yuridik yordam" axborot tizimi (Tizim) orqali advokatlik tuzilmasi joylashgan joydagi Advokatlar palatasining hududiy boshqarmasiga birinchi hisobot davri uchun 10 iyul sanasiga qadar, ikkinchi hisobot davri uchun kelgusi yilning 10 yanvar sanasiga qadar taqdim etiladi.

Advokat advokatlik tuzilmasidan chiqqan taqdirda, uning advokatlik tuzilmasidan chiqquniga qadar amalga oshirilgan faoliyatiga oid statistik ma'lumotlar taqdim etilishi kerak.

Statistik ma'lumotlar to'liq kiritilgandan so'ng advokatlik tuzilmasi rahbarining elektron raqamli imzosi bilan tasdiqlanadi va Advokatlar palatasining tegishli hududiy boshqarmasiga yuboriladi.

Advokatlar palatasi hududiy boshqarmasi tomonidan statistik ma'lumotlar umumlashtiriladi va har bir hisobot davri yakunlangandan so'ng kelgusi oyning o'n beshinchi sanasidan kechiktirmay Advokatlar palatasiga yuboriladi.

Advokatlar palatasi tomonidan umumlashtirilgan yakuniy statistik ma'lumotlar har bir hisobot davri yakunlangandan so'ng kelgusi oyning yigirmanchi sanasidan kechiktirmay Adliya vazirligiga taqdim etiladi.

Statistik ma'lumotlar Adliya vazirligi tomonidan Tizimga barchaning foydalanishi uchun ochiq holda joylashtiriladi.

📌 Kanalga ulanish

❗️ Davlat xizmatlarida muhim yangilik! 💥

🆕 Suv, gaz va elektr energiyasi hisoblagichini qiyoslashdan o'tkazish uchun qayg‘urmang!📍

⚡️ Endilikda, ushbu hisoblagichlar vakolatli organlar tomonidan tashabbus asosida qiyoslashdan o'tkaziladi.

✅ Yangi tartib qanday bo'ladi?
Davriy qiyoslashdan o'tkazish muddatidan 3 oy oldin vakolatli organ xodimlari tomonidan hisoblagichlar olib ketiladi va qiyoslashdan o‘tkazilib, qayta o‘rnatib beriladi.

📌 Ma'lumot uchun, proaktiv davlat xizmati – jismoniy va yuridik shaxslarning murojaatlarisiz, vakolatli organlar tashabbusi bilan ko'rsatiladigan xizmatlar.

Asos: Vazirlar Mahkamasining 2024-yil 18-dekabrdagi 847-son qarori

📌 Kanalga ulanish