#Adliya_onlayn

⚡️AOKAda “Davlat xizmatlari markazlariga 7 yil: davlat xizmatlari sohasida amalga oshirilgan ishlar, kelgusidagi rejalar” mavzusida matbuot anjumani boshlandi.

Unda adliya vaziri oʻrinbosari Xudoyor Meliyev ishtirok etmoqda.

Onlayn translyatsiya 👉https://m.youtube.com/watch?v=E1jNEEF-gIw

📌 Kanalga ulanish

#Qonunchilikdagi_yangiliklar

Kripto-aktivlar aylanmasi sohasida provayderlik faoliyatini amalga oshirish uchun litsenziya uchun qancha davlat boji undiriladi?

Adliya vazirligi tomonidan Kripto-aktivlar aylanmasi sohasidagi xizmatlar provayderlari faoliyatini amalga oshirishga litsenziyalar berilganligi uchun davlat boji miqdorlari (roʻyxat raqami 3584, 2024 yil 17-dekabr) davlat roʻyxatidan oʻtkazildi.

Kripto-aktivlar aylanmasi sohasidagi xizmatlar provayderlari faoliyatini amalga oshirishga litsenziyalar berilganligi uchun davlat boji miqdorlari quyidagicha belgilandi:
➖kripto-birja uchun – BHMning 73 400 baravari;
➖mayning-pul uchun – BHMning 3 000 baravari;
➖kripto-depozitariy uchun – BHMning 7 000 baravari;
➖kripto-doʻkon uchun – BHMning 3 700 baravari.

📌 Kanalga ulanish

#Adliya_va_yoshlar

Adliya vaziri yoshlar bilan ochiq muloqot oʻtkazdi

Bugun, 17-dekabr kuni “Yoshlar forumi-2024” doirasida adliya vaziri Akbar Toshqulov yoshlar bilan uchrashdi.

Tadbirda 250 nafardan ortiq adliya tizimidagi yoshlar, oliy taʼlim muassasalari talabalari, akademik litsey va texnikum oʻquvchilari ishtirok etdi.

Akbar Toshqulov Adliya vazirligi faoliyat yoʻnalishlari, sohada amalga oshirilayotgan islohotlar, istiqboldagi rejalar haqida taqdimot qildi hamda yoshlar bilan oʻzining kasbiy va hayotiy tajribalari bilan oʻrtoqlashdi.

Ochiq muloqot formatida boʻlib oʻtgan uchrashuvda yoshlar bir qator takliflarni ilgari surdi hamda oʻzlarini qiziqtirgan savollarini toʻgʻridan-toʻgʻri vazirga yoʻllashdi.

Faol ishtirokchilarga Adliya vazirligining esdalik sovgʻalari topshirildi.

📌 Kanalga ulanish

#Qonunchilikdagi_yangiliklar

Adliya vazirligi tomonidan Inson aʼzolari va (yoki) toʻqimalari donorligiga qarshi koʻrsatma boʻladigan kasalliklar roʻyxati (roʻyxat raqami 3585, 17.12.2024-y.) davlat roʻyxatidan oʻtkazildi.

Ushbu hujjat bilan inson aʼzolari va (yoki) toʻqimalari donorligiga qarshi koʻrsatma boʻladigan kasalliklar roʻyxati tasdiqlangan.

Xususan, ushbu roʻyxatda tirik donor uchun transplantatsiya obyektlari buyrak, jigar va jigar boʻlagi hamda gematopoetik suyak koʻmigining oʻzak hujayralari transplantatsiyasiga qarshi koʻrsatma boʻladigan kasalliklar nazarda tutilgan (masalan, OIV/OITS, narkomaniya, toksikomaniya, alkogolizm, morbid semizlik, arterial gipertenziya II-III darajasi, surunkali buyrak kasalligi II-III-IV-V bosqichi, qandli diabet, ikki tomonlama siydik tosh kasalligi, xavfli oʻsma kasalliklari).

Shuningdek, inson murdasi uchun transplantatsiya obyektlari buyrak, jigar va jigar boʻlagi, tomirlar (yirik tomirlar qismlari) va koʻz shox pardasi hamda uning qismlari transplantatsiyasiga qarshi koʻrsatma boʻladigan kasalliklar belgilangan (masalan, OIV/OITS, tuberkulyoz, sepsis, zambrugʻli kasalliklar, TORCH-infeksiyasi (IgM pozitiv), oʻta xavfli infeksion kasalliklar, xavfli oʻsma kasalliklari).

📌 Kanalga ulanish

#Adliya_taqdimoti

Sun’iy intellekt (SI) hayotimizning turli sohalariga jadal sur’atda kirib bormoqda, ko‘rsatilayotgan xizmatlar sifatini oshirish uchun yangi imkoniyatlar ochmoqda.

Adliya vazirligi fuqarolarning huquqiy savodxonligini yuksaltirish, yuridik yordam olishni qulay va hammabop qilish maqsadida texnologiyalardan foydalanishni ko‘zlagan. SI murakkab masalalarni yechish va odamlarning huquqiy tizim bilan munosabatlarini soddalashtirish uchun kuchli vositaga aylanishi mumkin.

💡Adliya vazirligining navbatdagi loyihasi tez kunda taqdimot qilinadi. Bizni kuzatib boring.

📌 Kanalga ulanish

#Adliya_xabari

Adliya vazirligi tomonidan “Davlat xizmatlari markazlariga 7-yil: davlat xizmatlari sohasida amalga oshirilgan ishlar, kelgusidagi rejalar” mavzusida matbuot anjumani tashkil etildi.

👉Batafsil

📌 Kanalga ulanish

#Adliya_xabari

Davlat xizmatlari va sunʼiy intellekt

Davlat xizmatlari sohasida amalga oshirilgan ishlar, kelgusidagi rejalarga bagʻishlangan matbuot anjumanida adliya vaziri oʻrinbosari Xudoyor Meliyev tizimga sunʼiy intellekt texnologiyalarni joriy etish, jarayonlarni optimallashtirishda uning imkoniyatlaridan foydalanish haqidagi savolga javob berdi.

📌 Kanalga ulanish

#OAV_biz_haqimizda

Axborot 24 | «Yoshlar forumi - 2024» doirasidagi tadbirlar

Bugun adliya vaziri Akbar Toshqulov yoshlar bilan uchrashdi.

📌 Kanalga ulanish