#Qonunchilikdagi_yangiliklar

Oʻzbekiston Respublikasi Adliya vazirligi tomonidan Davlat organlari va tashkilotlarining ichki audit xizmati xodimlarining faoliyati samaradorligini baholash tartibi toʻgʻrisidagi nizom (roʻyxat raqami 3583, 2024-yil 12-dekabr) davlat roʻyxatidan oʻtkazildi.

Ushbu Nizomda ichki audit xizmati tashkil etilgan vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining ichki audit xizmatlari rahbari va xodimi faoliyatining samaradorligini eng muhim koʻrsatkichlar asosida baholash, ularni ragʻbatlantirish va reytingini yuritish tartibi belgilandi.

Ichki audit xizmatlari xodimi faoliyatining eng muhim samaradorlik koʻrsatkichlari etib byudjet toʻgʻrisidagi qonunchilik buzilishi holatlarining oldini olishdagi natijalari, masofaviy nazoratni amalga oshirishdagi natijalari, ichki audit yillik rejasida xodim masʼul boʻlgan ichki audit tadbirlarining oʻtkazilishi hamda xodim tomonidan berilgan taklif va tavsiyalarning ichki audit obyektlari tomonidan bajarilishi belgilandi.

Xodim faoliyatining samaradorligi koʻrsatkichlarini hisoblash natijalari har chorak hisobot davridan keyingi oyning 5-sanasiga qadar belgilangan shaklda baholash tizimini joriy etish va ishlashini monitoring qilish boʻyicha masʼul tarkibiy tuzilmaga kiritiladi.

Davlat organlari va tashkilotlari tomonidan Iqtisodiyot va moliya vazirligiga xodim faoliyatining samaradorligi yigʻma koʻrsatkichlari va uning baholanishi boʻyicha maʼlumotlar hisobot choragidan keyingi oyning 20-sanasiga qadar taqdim etiladi.

📌 Kanalga ulanish

#Mening_adliyam

Biz “Mening adliyam” nomli yangi video va qisqa suhbatlar turkumini boshlamoqdamiz. Unda adliya organlari va muassasalari xodimlari oʻz tajribalari haqida soʻzlab, kasbiy va shaxsiy oʻsish imkoniyatlari, shuningdek, vazirlik ishi qanday tashkil etilgani toʻgʻrisida maʼlumot berishadi.

Loyiha doirasida biz huquqiy tizimni mustahkamlashga har kuni hissa qoʻshayotgan mutaxassislar bilan suhbatlashamiz: ularni adliya sohasida ishlashga nima undaydi, oʻz ishlarida qanday qadriyatlarni koʻradilar va Adliya vazirligi ular uchun qanday istiqbollarni ochib beradi.

“Mening adliyam” loyihasining birinchi sonida yosh xodimlar Adliya vazirligida ishlashni tanlashlarining sabablari, faoliyatlarida nimani qadrlaydilar va har kuni yangi choʻqqilarni zabt etishga ularni nima ruhlantirishi haqida (ba’zan yumordan foydalanib) soʻzlab berishdi.

📌 Kanalga ulanish

Vazir va yoshlar uchrashuvlari boshlanmoqda

⚡️Yilning eng qaynoq va unutilmas voqeligi – “Yoshlar forumi” tadbirlari davom etmoqda. Forum doirasida har bir vazirlik, idora va tashkilotlar tizimidagi yosh xodimlar va mahalla yoshlari ishtirokida “Vazir va yoshlar”, “Vazir, hokim va yoshlar” hamda “Rahbar va yoshlar” uchrashuvlar tashkil etiladi.

✅Ilk uchrashuv 16-dekabr kuni, O‘zbekiston Respublikasi Adliya vaziri Akbar Tashkulov ishtirokida bo‘lib o‘tadi.

✅Ushrashuvda ishtirok etish istagini bildirgan barchani soat 14:00 da Yoshlar ijod saroyida kutamiz. Shuningdek, taklif va murojaatlaringizni yoshlarforumi.uz sayti orqali ham yo‘llashingiz mumkin!

#Yoshlarforumi2024 #Yoshlaruchrashuvi

Bizning sahifalarimiz:
🕊Telegram 📱Instagram 📱Facebook 📺YouTube

⚡️Adliya vazirining yoshlar bilan uchrashuvi 17-dekabrga koʻchirildi.

Tadbir ertaga, 17-dekabr kuni soat 10:00 da boʻlib oʻtadi.

📌 Kanalga ulanish

#Adliya_xabari

📣📣 Jurnalistlar va faol jamoatchilik vakillari diqqatiga!

Ertaga, 17-dekabr kuni AOKAda “Davlat xizmatlari markazlariga 7 yil: davlat xizmatlari sohasida amalga oshirilgan ishlar, kelgusidagi rejalar” mavzusida matbuot anjumani tashkil etiladi. Unda adliya vaziri oʻrinbosari Xudoyor Meliyev ishtirok etadi.

Qachon❓
17-dekabr, 12:00

Qayerda❓
AOKA binosi (Toshkent shahri, Navoiy koʻchasi, 30)

Qoʻshimcha maʼlumot uchun: 0(371)-207-04-38

📎Matbuot anjumaniga savollarni @Rasmiy_aloqabot ga jo‘natishingiz mumkin.

OAV xodimlari va blogerlarni matbuot anjumaniga taklif qilamiz.

📌 Kanalga ulanish

🔜 Tez kunda…

#Davlat_xizmatlari

Sayyor xizmat avtobusida qanday xizmatlar koʻrsatiladi?

📌 Kanalga ulanish

#Adliya_onlayn

⚡️AOKAda “Davlat xizmatlari markazlariga 7 yil: davlat xizmatlari sohasida amalga oshirilgan ishlar, kelgusidagi rejalar” mavzusida matbuot anjumani boshlandi.

Unda adliya vaziri oʻrinbosari Xudoyor Meliyev ishtirok etmoqda.

Onlayn translyatsiya 👉https://m.youtube.com/watch?v=E1jNEEF-gIw

📌 Kanalga ulanish

#Qonunchilikdagi_yangiliklar

Kripto-aktivlar aylanmasi sohasida provayderlik faoliyatini amalga oshirish uchun litsenziya uchun qancha davlat boji undiriladi?

Adliya vazirligi tomonidan Kripto-aktivlar aylanmasi sohasidagi xizmatlar provayderlari faoliyatini amalga oshirishga litsenziyalar berilganligi uchun davlat boji miqdorlari (roʻyxat raqami 3584, 2024 yil 17-dekabr) davlat roʻyxatidan oʻtkazildi.

Kripto-aktivlar aylanmasi sohasidagi xizmatlar provayderlari faoliyatini amalga oshirishga litsenziyalar berilganligi uchun davlat boji miqdorlari quyidagicha belgilandi:
➖kripto-birja uchun – BHMning 73 400 baravari;
➖mayning-pul uchun – BHMning 3 000 baravari;
➖kripto-depozitariy uchun – BHMning 7 000 baravari;
➖kripto-doʻkon uchun – BHMning 3 700 baravari.

📌 Kanalga ulanish

#Adliya_va_yoshlar

Adliya vaziri yoshlar bilan ochiq muloqot oʻtkazdi

Bugun, 17-dekabr kuni “Yoshlar forumi-2024” doirasida adliya vaziri Akbar Toshqulov yoshlar bilan uchrashdi.

Tadbirda 250 nafardan ortiq adliya tizimidagi yoshlar, oliy taʼlim muassasalari talabalari, akademik litsey va texnikum oʻquvchilari ishtirok etdi.

Akbar Toshqulov Adliya vazirligi faoliyat yoʻnalishlari, sohada amalga oshirilayotgan islohotlar, istiqboldagi rejalar haqida taqdimot qildi hamda yoshlar bilan oʻzining kasbiy va hayotiy tajribalari bilan oʻrtoqlashdi.

Ochiq muloqot formatida boʻlib oʻtgan uchrashuvda yoshlar bir qator takliflarni ilgari surdi hamda oʻzlarini qiziqtirgan savollarini toʻgʻridan-toʻgʻri vazirga yoʻllashdi.

Faol ishtirokchilarga Adliya vazirligining esdalik sovgʻalari topshirildi.

📌 Kanalga ulanish