#Adliya_munosabat

Rasmiy munosabat

Ijtimoiy tarmoqlarda “Shaharsozlik renovatsiyasi to‘g‘risida”gi Qonun loyihasida nazarda tutilayotgan ayrim normalar, noto‘g‘ri talqin qilinib, loyiha bo‘yicha fuqarolarni chalg‘ituvchi fikrlar tarqatilmoqda.

Yuqoridagilarga ko‘ra, Adliya vazirligi ushbu qonun loyihasi bo‘yicha quyidagilarni ma'lum qiladi.

Birinchidan, mazkur loyiha qaysidir guruhlar yoki biznes hamjamiyati manfaatini himoya qilish uchun emas, balki shaharlarning tashqi arxitekturaviy qiyofasini yangilash, avariya holatidagi va eskirgan obyektlarni buzish va qayta qurish jarayonlari hamda mulkdorlarning huquqlari himoyasini huquqiy jihatdan to‘g‘ri tartibga solish maqsadida ishlab chiqilgan.

Ikkinchidan, loyihada mulkdorlarning mulk huquqlarini qa'tiy himoya qilish belgilab qo‘yilgan. Xususan, qonun loyihasiga asosan shaharsozlik renovatsiyasi turar joy mulkdorlarining roziligi bilan amalga oshiriladi. Mulkdorlar rozi bo‘lmasa renovatsiya amalga oshirilmaydi. Mazkur rozilik notarial tartibda rasmiylashtirilgan bo‘lishi shart.

Uchinchidan, loyiha ijtimoiy tarmoqlarda tarqatilganidek har qanday odamga istalgan turar joylarni renovatsiya dasturlariga kiritish imkonini yaratmaydi, bunaqa norma loyihada nazarda tutilmagan.

Loyihaga ko‘ra, uchinchi shaxs, ya'ni investor yoki professional qurilish tashkiloti yoxud mulkdorlar tanlagan boshqa odam biror hududda shaharsozlik renovatsiyasini amalga oshirish yuzasidan mulkdorlarning kamida 2/3 qismining notarial tasdiqlangan yozma roziligi olingandagina hokimliklarga taklif kiritishi mumkin bo‘ladi. Taklif qabul qilinib, dastur tasdiqlangandan keyin mulkdorlarning 100 foiz notarial tasdiqlangan roziligi olingan taqdirdagina renovatsiya amalga oshirilishi mumkin.

To‘rtinchidan, loyiha yuzasidan rivojlangan xorijiy mamlakatlar tajribasiga e'tibor qaratadigan bo‘lsak, Turkiya Respublikasida mulkdorlarning 51 foizi roziligi olinsa, hudud renovatsiya qilinadi, Yaponiyada bu ko‘rsatkich mulkdorlarning 4/5 qismiga to‘g‘ri keladi.

Beshinchidan, amaldagi qonunchiligimizda ham avariya holatidagi va eskirgan uy-joy fondi buzilishi mumkinligi (zero inson hayoti har qanday mulkdan ustun) belgilangan. Ishlab chiqilgan mazkur loyihada mulkdorlarning huquqlari kafolatlari to‘laqonli nazarda tutilgan.

Renovatsiyadan maqsad aholini yashash sharoiti yaxshilanishi, hozirgi qonuniy asosi bo‘lmagan amalda qo‘llanilayotgan investor manfaatida uy-joy buzish tajribasidan farqli o‘laroq mulkdor ulushdor bo‘lishi, ya'ni renovatsiya loyihasi daromadidan manfaatdorligi, bir so‘z bilan aytganda uy-joy egalari loyiha boshqaruvida sherik bo‘lishiga, ya'ni mulkiy va moliyaviy ahvolini yaxshilashga doir qoidalar belgilanmoqda.

Oltinchidan, mazkur loyiha hozirgi kunda https://regulation.gov.uz portaliga jamoatchilik muhokamasiga qo‘yilgan bo‘lib, istalgan shaxs ushbu loyihani takomillashtirish bo‘yicha o‘z takliflarini berishi mumkin. Mazkur takliflar albatta Adliya vazirligi tomonidan ko‘rib chiqiladi.

Adliya vazirligi qonunchiligimizda hozir mavjud bo‘lgan mazkur bo‘shliqni huquqiy tartibga solish zaruriyati allaqachon yetilganligini ta'kidlaydi, shu bilan birgalikda loyihani takomillashtirishda o‘z fikrlari bilan ishtirok etayotgan mutaxassislar, jamoatchilik faollari va boshqa shaxslarga o‘z minnatdorchiligini bildiradi.

Adliya vazirligi
Jamoatchilik bilan aloqalar bo‘limi

@adliyangiliklari

#Adliya_hudud

Namangan viloyatida “Adliya kuni” tadbiri keng miqyosda oʻtkazilmoqda.

Oʻzbekiston Respublikasi Prezidentining “Maʼmuriy islohotlar doirasida adliya organlari va muassasalarining masʼuliyatini yanada oshirish hamda ixcham boshqaruv tizimini shakllantirish toʻgʻrisida” Farmoni ijrosini taʼminlash maqsadida Namangan viloyati adliya boshqarmasi tuman (shahar) adliya boʻlimlari mahallalarda targʻibot tadbirlarini amalga oshirib, aholining huquqiy muammolarni oʻrganmoqda.

Farmon qabul qilingan kundan to bugunga qadar adliya boshqarmasi hamda tuman (shahar) adliya boʻlimlari, “Madad” NNT hamkorligida viloyatdagi mavjud 788 ta mahalladan 240 ga yaqinida uyma-uy yurib aholining huquqiy muammolari oʻrganildi.

Xodimlarning “xonadonbay” oʻtkazgan oʻrganishlarida 20 mingga yaqin fuqarolar bilan muloqotlar oʻtkazilib, ularni 3 100 dan ortiq muammolari aniqlandi. Ularning aksariyati, meros ishini rasmiylashtirish, nikohni qayd etish, uy-joy hujjatini rasmiylashtirish, tugʻilish guvohnomasini rasmiylashtirish, aliment undiruvi, subsidiya olish, pensiya masalasidagi muammolar, oʻlim guvohnomasini rasmiylashtirish va boshqa masalalarga toʻgʻri keladi.

Jumladan, Namangan viloyati adliya boshqarmasi boshligʻining birinchi oʻrinbosari tomonidan Namangan tumani “ Kichik qurama” mahallasida uyma-uy oʻrganish olib borilganida, aholini bir necha yildan buyon qiynab kelayotgan muammoga duch kelindi. Bu ham boʻlsa, mahalladagi qishloq vrachlik punkti faoliyati toʻxtatilgan. Aholi vakillari esa, sogʻligʻidagi muammolar bilan tuman markaziga vaqt va ortiqcha mablagʻ sarf etib borishga toʻgʻri kelayotganini aytib oʻtdilar.

Taʼkidlash joiz, mazkur QVP xizmatidan 5000 ming nafarga yaqin fuqaro foydalanishi mumkin edi. Mazkur murojaat tegishli mutasaddi tashkilotlar bilan oʻrganilib, ijobiy hal etish uchun adliya boʻlimi ish yurituviga olindi. Uyma-uy oʻrganishlardan, oʻtkazilayotgan sayyor qabul va yuzma-yuz muloqotlardan koʻzlangan maqsad birinchi galda aholining huquqiy savodxonligini yanada yuksaltirish va ularning mavjud muammosini aniqlab, tegishli tartibda hal etishdan iborat.

@adliyangiliklari

#Adliya_hudud

2024-yilning 6 oyida Samarqand viloyatidagi davlat xizmatlari markazlari orqali 639 694 ta davlat xizmatlari ko‘rsatildi.

Viloyatda davlat xizmatlari bo‘yicha kunlik ko‘rsatkich o‘rtacha 4 500 — 5 000 tani, tashrif buyuruvchilar soni esa 5 500 — 6 000 nafarni tashkil etdi.

Batafsil 👉videoinfografikada

@adliyangiliklari