#Adliya_xabari

Xorazm viloyat adliya boshqarmasida BMTning Oziq-ovqat va qishloq xoʻjaligi tashkilotining Oʻzbekistondagi vakolatxonasi, Adliya vazirligi, “Intellektual mulk markazi” davlat muassasasi, viloyat hokimligi, qishloq xoʻjaligining ilm-fan va texnologiyalar innovatsiyalar ijodkorligiga hissa qoʻshgan xodimlar, fermerlar hamda ushbu sohaga mas’ul boʻlgan tashkilotlar vakillari ishtirokida geografik koʻrsatikichlar boʻyicha mintaqaviy anjuman boʻlib oʻtdi.

Anjumanda spikerlar tomonidan qovun, uning navlari, yetishtirilishi va eksporti, geografik koʻrsatkichlar tushunchasi, uning turlari, himoya qilinishi, tadbirkorlik faoliyatini olib borilishi, muhofaza qilinishining huquqiy asoslari, xorijiy tajribalar yuzasidan ma’lumotlar berildi.

Shuningdek, tadbir yakunida “XORAZM QOVUNI” geografik koʻrsatkichni muhofaza qilish hujjati topshirildi hamda Urganch davlat pedagogika instituti qoshida Texnologiyalar va innovatsiyalarni qoʻllab-quvvatlash markazi tashkil etish yuzasidan Urganch davlat pedagogika instituti va Adliya vazirligi huzuridagi “Intellektual mulk markazi” davlat muassasasi oʻrtasida hamkorlik toʻgʻrisidagi BITIM imzolandi.

Ma’lumot uchun: “Gurvak”, “Zar gulobi”, “Qarri qiz”, “Tirish”, “Beshak qovunlari”, “Lazer”, “Alanga”, “Avangard” guruchlari hamda “Hazorasp olmasi”, “Yangiariq noki” kabi mevalar nomlari geografik koʻrsatkich sifatida talabnomalar topshirish va roʻyxatga olinishida koʻrsatgan faolligi va tashabbuskorligi uchun Xorazm viloyat adliya boshqarmasi FAO tomonidan e’tirof etildi.

@adliyangiliklari

Adliya vaziri oʻrinbosari Alisher Karimov Uchtepa tuman adliya boʻlimi faoliyati bilan tanishdi.

Tizim xodimlari bilan muloqot davomida adliya organlarning qoʻshimcha faoliyat yoʻnalishlari hamda adliya boʻlimlariga yuklangan qoʻshimcha vazifalar haqida soʻz yuritilib, bu borada masʼuliyatni yanada oshirish, mahallalardagi faollar imkoniyatidan foydalanish, “mahalla yettiliklari” bilan bevosita hamkorlikni yoʻlga qoʻyish lozimligi taʼkidlab oʻtildi.

Shuningdek, yuridik xizmat koʻrsatish markazi faoliyati bilan tanishib, ulardagi yutuq va kamchiliklar tahlil qilindi. Vazir oʻrinbosari davlat xizmatlari markazida ham boʻlib, bu yerda fuqarolarga yaratilgan shart-sharoitlar, koʻrsatiladigan davlat xizmatlarini qulay va osonligi, oʻz-oʻziga xizmat koʻrsatish burchaklari faoliyatini koʻzdan kechirdi.

Shu bilan birga, xususiy amaliyot bilan shugʻullanuvchi notarius bilan ham suhbatlashib, sohani takomillashish yuzasidan taklif va mulohazalari tinglandi.

@adliyangiliklari

Adliya vaziri o‘rinbosari A.Karimov Uchtepa tumanidagi "Bog‘iston" va "Bog‘obod" mahallasi “mahalla yettiligi” bilan uchrashdi.

Uchrashuvda dastlab “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi Prezident Farmonida belgilangan vazifalar yuzasidan tushunchalar berildi.

Shundan so‘ng  "mahalla yettiligi" tomonidan aholining kundalik hayotida uchrayotgan muammolar, ularni hal etish, ijtimoiy himoyaga muhtoj aholini qo‘llab-quvvatlash, jinoyatchilik va huquqbuzarliklarni oldini olish, yoshlarning bo‘sh vaqtlarini mazmunli tashkil etish, oilaviy ajrimlarning oldini olish borasidagi faoliyati o‘rganilib, faoliyatda vujudga kelayotgan muammolarni  bartaraf etish yuzasidan zarur tavsiya va ko‘rsatmalar berildi.

@adliyangiliklari