#Adliyadan_javob

❓Verifikatsiya tushunchasini bering?

— Verifikatsiya — ariza beruvchi tomonidan taqdim etilgan xalqaro IT-sertifikat va ingliz tili bo‘yicha sertifikatning haqiqiyligini uni taqdim etgan tashkilotning elektron tizimi orqali tekshirish.
__________

— Xalqaro IT-sertifikatlarga ega bo‘lgan yoshlar tomonidan Yoshlarning xalqaro IT-sertifikatlarni olish xarajatlarini qoplab berish bo‘yicha davlat xizmatidan foydalanishi uchun qanday hujjatlar ilova qilinadi?

— Ariza beruvchi so‘rovnomani elektron shaklda to‘ldiradi va quyidagi hujjatlarni ilova qiladi:
▫️xalqaro IT-sertifikat nusxasi (pdf shaklida);
▫️ariza beruvchining xalqaro IT-sertifikatni olish xarajatlarini tasdiqlovchi to‘lov kvitansiyasi nusxasi (pdf shaklida);
▫️qoplanishi zarur bo‘lgan mablag‘lar yo‘naltiriladigan aktiv holatda bo‘lgan milliy valyutadagi bank plastik kartasiga oid ma’lumotlar;
▫️ariza beruvchi xalqaro IT-sertifikatni olish xarajatini to‘liq qoplash bo‘yicha so‘rovnoma to‘ldirayotgan bo‘lsa, ingliz tili bo‘yicha B2 va undan yuqori darajaga egaligini tasdiqlovchi xalqaro sertifikat nusxasi (pdf shaklida);
▫️ariza beruvchi xalqaro IT-sertifikatni olish uchun o‘quv kursiga sarflagan xarajatlarni qoplash bo‘yicha so‘rovnoma to‘ldirayotgan bo‘lsa, xalqaro IT-sertifikatni olish uchun o‘qiganligini va o‘quv kursini tamomlaganligini tasdiqlovchi hujjatlar nusxasi (pdf shaklida).

Asos: Vazirlar Mahkamasining 2024-yil 17 fevraldagi 95-sonli ”Xalqaro IT-sertifikatlarga ega bo‘lgan yosh mutaxassislarni rag‘batlantirishga oid qo‘shimcha chora-tadbirlar to‘g‘risida”gi qarori.

@adliyangiliklari

#Adliyadan_javob

❓Davlat umumiy o‘rta ta’lim tashkilotlari pedagog kadrlarini kasbiy sertifikatlash bo‘yicha davlat xizmatlarini ko‘rsatishning ma’muriy reglamenti qoidalari qanday ta’lim tashkilotlari pedagog kadrlariga nisbatan tatbiq etilmaydi?

— Ushbu Reglament qoidalari O‘zbekiston Respublikasi Madaniyat vazirligi va Badiiy akademiya tizimidagi ixtisoslashtirilgan san’at va madaniyat maktablari, maktab-internatlar, Ixtisoslashtirilgan ta’lim muassasalari agentligi tizimidagi Prezident, ijod va ixtisoslashtirilgan maktablar hamda nodavlat ta’lim tashkilotlari pedagog kadrlariga nisbatan tatbiq etilmaydi.

Asos: Vazirlar Mahkamasining 2024-yil 12 fevraldagi 87-sonli ” Davlat umumiy o‘rta ta’lim tashkilotlari pedagog kadrlarini kasbiy sertifikatlash bo‘yicha davlat xizmatlarini ko‘rsatishning ma’muriy reglamentini tasdiqlash to‘g‘risida”gi qarori.

@adliyangiliklari