#Adliya_xabari

Adliya vazirligining Yuridik ta’lim va sud ekspertiza boshqarmasi boshlig‘i J.Nuritdinov joriy yilning 2-fevral kuni Navoiy viloyati yuridik texnikumida o‘qish jarayonlari, o‘qituvchi va o‘quvchilar uchun yaratilgan shart-sharoitlar, moddiy-texnik bazasining ta’minlanganlik darajasini o‘rgandi.

Shuningdek, yuridik texnikumdagi dars jarayonlarida o‘quvchilar bilan muloqotda bo‘lib, ularga professional huqushunos bo‘lish uchun yetarli ilm olish va ularga bu borada sharoitlar yaratib berilishini qayd etib o‘tdi.

Shu bilan birga, yuridik texnikumdagi mavjud muammolar yuzasidan hamda o‘quvchilarni kelgusida kasbga yo‘naltirishga doir qilinishi lozim bo‘lgan ishlar bo‘yicha aniq topshiriqlar berildi.

@adliyangiliklari

#Adliya_hudud

Sayyor qabulda aholi murojaatlari hal etilmoqda

🔻 Poytaxtning Mirzo Ulug‘bek tumani aholisi uchun tashkil etilgan sayyor qabulda Respublika ishchi guruhi, Toshkent shahar adliya boshqarmasi, Soliq boshqarmasi, Kadastr boshqarmasi va qator tashkilotlardan  masʼullar ishtirok etib, aholini qiynab kelayotgan muammolarni bartaraf etish va yaqindan ko‘mak berish maqsadida ish olib borishdi.

🔸 Qabul davomida 150 dan ortiq fuqarolar turli murojaatlar yaʼni kadastr masalalari, shaxsini tasdiqlovchi hujjatlar bilan bog‘liq muammolar va boshqa ijtimoiy yordam masalalari bo‘yicha mutasaddi rahbarlar bilan to‘g‘ridan to‘g‘ri muloqot olib borishdi.

🔸 Shuningdek aholi salomatligini tekshiruvdan o‘tkazish bo‘yicha ham tibbiyot xodimlari tomonidan ko‘riklar tashkil etilib, kerakli dori darmonlar ham ulashildi. Tashkil etilgan madaniy tadbirda Ichki ishlar va Mudofaa vazirligi orkestr jamoasi hamda  xonandalarning chiqishlari aholiga xush kayfiyat ulasha oldi.  

@adliyangiliklari

#Adliya_aksiya

Fuqarolarga tugʻilish, nikoh guvohnomalari topshirilmoqda

“Hech bir shaxs hujjatsiz qolmaydi” aksiyasi doirasida Yangi Namangan tuman "Maʼnaviyat" mahallasida istiqomat qiluvchi 2010-yilda tugʻilgan Adhamjon Kozimjonovga takroriy tugʻilganlik haqidagi guvohnomasi “sayyor xizmat” tartibida joyiga chiqqan holda topshirildi.

Shuningdek, Mingbuloq tumani FHDY boʻlimi tomonidan xonadonlarni oʻrganish vaqtida aniqlangan “Momaxon” mahallasida norasmiy nikoh asosida yashovchi Murotali Hayitov va Shodiyalar Qodirovaning nikohi qonuniy qayd etilib, nikoh guvohnomasi tantanali taqdim etildi.

Uchqoʻrgʻon tumani FHDY boʻlimi tomonidan Dilnavozga tugʻilganlik haqida guvohnoma topshirildi. Kosonsoy tumani “Doʻstlik” mahalla fuqarolar yigʻinida istiqomat kuluvchi fuqarolar Islom Niyozov bilan Zuhra Karimovalarning qonuniy nikohi boʻlmaganligi sababli, 2008-yil va 2011-yilda tugʻilgan farzandlarining tugʻilishini yolgʻiz ona tartibida qayd etilgan. Kosonsoy tuman FHDY boʻlimi tomonidan farzandlariga otalik belgilanib, yangi tugʻilganlik haqida guvohnomalar tantanali holatda yashash xonadonida topshirildi.

@adliyangiliklari