#Adliya_xabari

Bugun, 25-oktabr kuni Adliya vazirligida “O‘zbekistonda yuridik yordam mexanizmlarini mustahkamlashning hamkorlik yo‘li” mavzusida davra suhbati tashkil etildi. Davra suhbatida davlat tomonidan moliyalashtiriladigan yuridik yordam ko‘rsatish bilan bog‘liq so‘nggi o‘zgarishlar muhokama qilindi.

👉Batafsil

@adliyangiliklari

#Adliya_xabari

Adliya vaziri o‘rinbosari M.Ikramov Birlashgan Millatlar Tashkilotining Taraqqiyot dasturining O‘zbekistondagi doimiy vakil o‘rinbosari A.Karman bilan uchrashdi

Bugun, 25-oktabr kuni adliya vaziri o‘rinbosari Muzraf Ikramov bilan BMTTDning O‘zbekistondagi Doimiy vakil o‘rinbosari Anas Karman o‘rtasida uchrashuvi bo‘lib o‘tdi.

Uchrashuvda boshida, adliya vaziri o‘rinbosari M.Ikramov tomonlarni BMT Ustavining 78-yilligi bilan samimiy qutlab, ushbu sananing ramziy ma’noda millatlarni birlashtiradigan, tinchlik, barqaror rivojlanish va butun jahonda inson huquqlarini ta’minlashga qo‘shgan ulkan hissasiga alohida to‘xtalib o‘tdi.

Shu bilan birga, tomonlar o‘rtasida vazirlik va BMTTD hamkorligida amalga oshirilayotgan loyihalar doirasida bugungi kundagi holat, jumladan, yutuq va kamchiliklar hamda loyiha ko‘magida aholiga davlat xizmatlarini ko‘rsatish sohasidagi yangi imkoniyatlar to‘g‘risida fikr mulohazalar yuritildi.

A.Karman o‘z navbatida, yaqin kunlarda Surxondaryo viloyatida xizmat safarida bo‘lgani va tashrif davomida davlat xizmatlari markazlarining faoliyati bilan yaqindan tanishib, yo‘lga qo‘yilgan islohotlarga yuqori baho berdi hamda vazirlik jamoasiga ushbu samarali natijalar uchun o‘zining samimiy minnatdorchiligini bildirdi.

M.Ikramov tomonidan aholiga bepul yuridik xizmat ko‘rsatish sohasida yo‘lga qo‘yilgan ishlar vazirlik va Dasturning birgalikdagi mehnati ekanligi e’tirof etilib, loyihalarning kelajakda yanada samarali ishlashi uchun soha yuzasidan qator takliflar taqdim etildi.

Mehmonlar o‘z navbatida, O‘zbekistonda amalga oshirilayotgan keng ko‘lamli islohotlar va loyihalarni yo‘lga qo‘yishda vazirlikning samarali faoliyatiga alohida urg‘u bergan holda, hamkorlikning keyingi bosqichlari yanada yuqori natijalarga boy bo‘lishiga ishonch bildirdilar.

@adliyangiliklari

#Adliya_xabari

Adliya vaziri mahallalarda tashkil qilingan davlat xizmatlari filiallari faoliyatini o‘rgandi

Adliya vaziri Akbar Toshqulov Qarshi shahridagi “Qavali” mahallasidagi davlat xizmatlari markazining filialida bo‘lib, fuqarolar va tadbirkorlar uchun yaratilgan qulayliklar bilan yaqindan tanishdi.

Filialda kuniga 30 ga yaqin fuqarolarga davlat xizmatlari ko‘rsatilib, tashrif buyuruvchilar uchun o‘z-o‘ziga xizmat ko‘rsatish burchagi ham tashkil etilgan.

Akbar Toshqulov filial tomonidan bir vaqtni o‘zida bir nechta mahallalar aholisini ham qamrab olish, sifatli xizmatlarni ko‘rsatish bo‘yicha o‘z tavsiyalari berdi.

@adliyangiliklari