#Adliya_xabari

Kunning ikkinchi yarimida, adliya vaziri o‘rinbosari X.Meliyev boshchiligidagi ishchi guruh Samarqand shahridagi FHDY bo‘limlari va viloyat FHDY arxivida bo‘lib, ularning ish faoliyati o‘rgandi.

Ishchi guruh FHDYlarda ishni to‘g‘ri tashkil qilinganligi, hujjatlarni yuritish, fuqarolarga qonunchilik talablari asosida to‘g‘ri va shaffof xizmat ko‘rsatish yo‘lga qo‘yilganligi, xodimlarning bilim malakasi, sohadagi islohotlardan, ayniqsa, qabul qilinayotgan normativ-huquqiy hujjatlardan boxabarligini o‘rgandi. Bu borada aniqlangan xato va kamchiliklar, mavjud muammolarni bartaraf etish bo‘yicha aniq taklif va vazifalar berdi.

Shuningdek, sohani yana-da takomillashtirish, xizmat ko‘rsatish sifatini yangi bosqichga olib chiqish borasida xodimlar va fuqarolarning takliflari, fikrlarini tingladi.

Taʼkidlash kerakki, Samarqand shahrida fuqarolik holati bilan bog‘liq xizmatlarga bo‘lgan talab yuqori. Bugungi kunda 5 ta FHDY bo‘limi ana shu taklif va talablardan kelib chiqib, xalq xizmatida.

Maʼlumot uchun: Ishchi guruh ertaga Samarqand viloyatining Bulung‘ur, Jomboy, Toyloqva Urgut tumanlarida o‘z ishini davom ettiradi.

@adliyangiliklari

#Adliya_xabari

Adliya vaziri Akbar Toshqulov: masofadan amalga oshiriladigan notarial harakatlar doirasini kengaytirish maqsad qilingan

👉Batafsil

@adliyangiliklari

#Adliya_xabari

Adliya vaziri o‘rinbosari X.Meliyev boshchiligidagi ishchi guruh kunni Toyloq va Urgut tumanlari adliya bo‘limlari faoliyatini o‘rganishdan boshladi.

Ishchi guruh dastavval Toyloq tumani adliya bo‘limlari faoliyatini o‘rganish davomida, xodimlarning davlat xizmatlarini belgilangan talablar bo‘yicha ko‘rsatishi, fuqarolar uchun yaratilgan mavjud imkoniyatlar va aholi duch kelayotgan muammolar o‘rganildi.

Aniqlangan har bir masala, muammo va kamchilik yuzasidan aniq takliflar, ularni bartaraf etish bo‘yicha topshiriq va vazifalarni belgilab berdi.

Ma’lumot uchun: Toyloq hududi jihatidan Samarqand viloyatidagi eng kichik tumanlardan biri bo‘lsa-da, aholi soni bo‘yicha oldingi o‘rinlardan birida turadi. Ayni paytda tumanda 28 millatga mansub 205 mingdan ko‘proq aholi istiqomat qiladi. O‘zbeklar bilan bir qatorda tojik, rus, koreys, tatar, turk va boshqa millatga mansub aholi ahil-inoq, bir maqsad yo‘lida farovon yashamoqda. Eng muhimi, ularni adliya idoralariga davlat xizmatlari yuzasidan talabi yuqori.

Ishchi guruhning navbatdagi manzili Urgut tumani bo‘ldi. Bugungi kunda tumanda 551 mingdan ortiq aholi istiqomat qiladi. Ularning davlat xizmatlariga bo‘lgan talablaridan kelib chiqib tuman markazida barcha qulayliklarga ega davlat xizmatlari markazi xizmat ko‘rsatadi.

Tashrif davomida ana shu imkoniyatlar ko‘lami va ularning sifatini ko‘zdan kechirdi. Tizim xodimlari bilan bilan muloqotda bo‘lib, ularni qiynayotgan, qiziqtirgan masalalarni o‘rgandi. Shu asnoda bu yerga tashrif buyurayotgan fuqarolar bilan ham muloqotda bo‘ldi.

O‘rganish ishlari faqat shu bilan chegaralangani yo‘q. Asosiy eʼtibor, ko‘rsatilayotgan xizmatlarni sifat jihatidan yana-da yaxshilash, fuqarolarga xushmuomalada bo‘lish, o‘z ustida ishlash, bilim va malakalarini oshirish zarurligi taʼkidlandi. Bu masalada barcha zarur imkoniyatlarni ishga solish, mavjudlarini takomillashtirish yuzasidan o‘z vazifalarni o‘rtaga tashladi.

@adliyangiliklari

#Адлия_хабари

Samarqandda bugun ish boshlagan Xalqaro notarial hamkorlik komissiyasining navbatdagi yig‘ilishi doirasida O‘zbekiston Notarial palatasi Turkiya Notariuslari ittifoqi, Vengriya Notarial palatasi hamda Mo‘g‘uliston Notarial palatasi bilan hamkorlik memorandumlarini imzoladi.

Konferensiya ertaga ham ishini davom ettiradi.

@adliyangiliklari

#Adliya_xabari

Onlayn amalga oshiriladigan notarial harakatlar miqdori va imkoniyatlari kengaytiriladi

👉Batafsil

@adliyangiliklari