#Adliya_xabari

Tadbirkorlar huquqlari va to‘lovga qobiliyatsizlik masalalari muhokama qilindi

Bugun Samarqand viloyat adliya boshqarmasida Adliya vaziri o‘rinbosari N. Muxammadiyev ishtirokida viloyat Iqtisodiy sudi rahbariyati, Majburiy ijro byurosi, Iqtisodiy jinoyatlarga qarshi kurashish departamenti hamda sud boshqaruvchilari bilan uchrashuv bo‘lib o‘tdi.

Unda to‘lovga qobiliyatsizlik bilan bog‘liq masalalar, ushbu yo‘nalishda amaliyotda uchrayotgan muammolar, sud hujjatlari ijrosini ta’minlash hamda idoralararo hamkorlikni yanada kuchaytirish masalalari muhokama qilindi.

Uchrashuv davomida tadbirkorlarning huquq va qonuniy manfaatlarini ishonchli himoya qilish, mavjud muammolarni qonuniy va amaliy jihatdan samarali hal etish, shuningdek, to‘lovga qobiliyatsizlik sohasida yuzaga kelayotgan masalalarga aniq yechimlar ishlab chiqishga alohida e’tibor qaratildi.

Shuningdek, ishtirokchilarning fikr va takliflari tinglanib, sohada samaradorlikni oshirish hamda hamkorlikni mustahkamlash yuzasidan fikr almashildi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

Adliya vaziri o‘rinbosari Muzraf Ikramov xizmat safari bilan Qashqadaryo viloyatida bo‘ldi.

Adliya vaziri o‘rinbosari Muzraf Ikramov xizmat safari davomida Qarshi shahridagi “Qavali” kichik sanoat zonasida joylashgan, dori-darmon mahsulotlari ulgurji savdosiga ixtisoslashgan “Madina Pharm” MChJ faoliyati bilan yaqindan tanishildi.

Muloqot jarayonida tadbirkorning huquq va qonuniy manfaatlarini himoya qilish, faoliyat davomida yuzaga kelishi mumkin bo‘lgan huquqiy masalalarni hal etish hamda qonunchilikda nazarda tutilgan imkoniyatlardan samarali foydalanish yuzasidan huquqiy tushuntirishlar berildi.

Shuningdek, korxonaning brendini huquqiy jihatdan himoya qilish, tovar belgisini ro‘yxatdan o‘tkazish, patent va boshqa intellektual mulk obyektlariga bo‘lgan huquqlarni rasmiylashtirish masalalariga alohida e’tibor qaratildi.

🌐 website 📱 facebook 📱 instagram 📱 linkedIn 📱 youtube 📱 twitter

#Sud_ex_konferensiya

75 yillik tarix, xalqaro tajriba va sud ekspertizasining kelajagi: konferensiyaning birinchi kuni qanday o'tdi?

X. Sulaymonova nomidagi Respublika sud ekspertiza markazining 75 yilligiga bag'ishlangan «Sud ekspertizasining rivojlanish tendensiyalari va istiqbollari» mavzusidagi xalqaro ilmiy-amaliy konferensiyasida qanday masalalar muhokama qilindi:

Birinchi muhim masala — ekspert xulosasining ortida turgan mas'uliyat

Ikkinchi muhim masala — sud va ekspert o'rtasidagi hamkorlik

Uchinchi yo'nalish — sun'iy intellekt va raqamli ekspertiza

Shveysariyaning "Tecan" xalqaro biotexnologiya korporatsiyasi katta menejeri Stepan Kulyomin bilan intervyuda muhim fikr yangradi: sun'iy intellekt inson ekspertining o'rnini bosa olmaydi, ammo uning imkoniyatlarini kengaytiradi.

To'rtinchi yo'nalish — xalqaro tajribani amaliy natijaga aylantirish
O'zbekistonda joriy etilgan "E-ekspertiza" elektron platformasi, yangi tadqiqot turlari va sud-ekspertlik faoliyatini raqamlashtirish borasidagi islohotlar ham xalqaro muloqotning muhim mavzularidan bo'ldi.

Birinchi kundan asosiy xulosa: sud ekspertizasining kelajagi — inson tajribasi, ilm-fan, raqamli texnologiyalar va xalqaro hamkorlik uyg'unligida.

🌐 website 📱 facebook 📱 instagram 📱 linkedIn 📱 youtube 📱 twitter