#Sud_ex_konferensiya

Sud ekspertini kuchli qiladigan nima: bilimmi yoki shubha?
Sun'iy intellekt kelajakda sud ekspertining o'rnini egallay oladimi?
Sud ekspertizasi sohasi mutaxassislariga shu va boshqa qiziqarli savollar bilan yuzlandik. Javoblar kutilmagan bo'lishi mumkin!

🌐 website 📱 facebook 📱 instagram 📱 linkedIn 📱 youtube 📱 twitter

#Iqtibos
#Sud_ex_konferensiya

O‘zbekiston – Turkiya: sud ekspertizasida yangi hamkorlik

Hizir Asliyuksek - Turkiya Respublikasi Adliya vazirligi Sud-tibbiyot instituti boshlig'i

O‘zbekiston va Turkiya o‘rtasida sud ekspertizasi sohasidagi hamkorlik yangi bosqichga ko‘tarilmoqda. Xadicha Sulaymonova nomidagi Sud ekspertizasi markazi hamda Turkiya tomoni o‘rtasida, xususan, sud informatikasi yo‘nalishida hamkorlik memorandumi imzolandi. Mazkur kelishuv tajriba almashinuvi, zamonaviy texnologiyalar va ilmiy-amaliy hamkorlikni yanada rivojlantirishga xizmat qiladi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

O‘zbekiston va Turkiya adliya vazirlari ikki tomonlama uchrashuv o‘tkazdi.

Istanbul shahrida bo'lib o'tayotgan Turkiy davlatlar tashkiloti Adliya vazirlari kengashining uchinchi yig‘ilishi doirasida O‘zbekiston Respublikasi Adliya vaziri Akbar Tashkulov Turkiya Respublikasi Adliya vaziri Akin Gyurlek bilan ikki tomonlama uchrashuv o‘tkazdi.

Uchrashuvda O‘zbekiston va Turkiya o‘rtasida adliya va sud-huquq sohalaridagi hamkorlikning bugungi holati va uni yanada rivojlantirish istiqbollari muhokama qilindi.

Tomonlar, xususan, 2026–2027-yillarga mo‘ljallangan Hamkorlik dasturi, mediatsiya va nizolarni muqobil hal etish, advokatura va davlat hisobidan yuridik yordam ko‘rsatish, yuridik kadrlarni tayyorlash va ularning malakasini oshirish hamda huquqiy axborot sohalaridagi hamkorlik masalalariga e’tibor qaratdilar.

Shuningdek, mediatsiya va ADR tizimini rivojlantirish, mediatorlarni tayyorlash, sudgacha va sud jarayonlarida mediatsiyadan foydalanish hamda ushbu sohani raqamlashtirish bo‘yicha tajriba almashish istiqbollari muhokama qilindi.

Uchrashuvda O‘zbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti bilan Turkiya Adliya akademiyasi o‘rtasidagi to‘g‘ridan-to‘g‘ri hamkorlikni yanada rivojlantirish, o‘zaro o‘quv tashriflari, stajirovkalar va qo‘shma seminarlarni tashkil etish masalalari ham ko‘rib chiqildi.

Uchrashuv yakunida tomonlar ikki mamlakat adliya vazirliklari o‘rtasidagi amaliy hamkorlikni yanada kuchaytirish, o‘zaro tajriba almashish va qo‘shma tashabbuslarni izchil davom ettirishga kelishib oldilar.

🌐 website 📱 facebook 📱 instagram 📱 linkedIn 📱 youtube 📱 twitter