#Avval_Hozir

🏷 Firma nomiga ega bo‘lish imkoniyatlari kengaydi

🔹 Avval firma nomidan faqat yuridik shaxs shaklida faoliyat yuritayotgan tadbirkorlik subyektlari foydalanishi mumkin edi.

🔹 Hozir esa yakka tartibdagi tadbirkorlar ham firma nomiga ega bo‘lish huquqiga ega bo‘ldi.

✅ Ushbu o‘zgarish yakka tartibdagi tadbirkorlarga o‘z faoliyatini brend ostida yuritish, mijozlar ishonchini mustahkamlash hamda bozordagi raqobatbardoshligini oshirish uchun qo‘shimcha imkoniyat yaratmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_xabari

🏡 Xorazmda yana 1 743 nafar fuqaroning yer va mulkka bo‘lgan huquqlari e’tirof etildi

📍Xalq deputatlari Xorazm viloyati Kengashining navbatdagi sessiyasida fuqarolarning yer uchastkasiga bo‘lgan ijara huquqi hamda unda qurilgan bino va inshootlarga bo‘lgan mulk huquqini e’tirof etish masalasi ko‘rib chiqildi.

📋 Sessiya qaroriga muvofiq, viloyatning 13 ta shahar va tumanida jami 1 743 nafar fuqaroning yer va mulkka bo‘lgan huquqlari e’tirof etildi.

⚖️ Mazkur qonun ijrosi natijasida fuqarolar va tadbirkorlarning mulkiy huquqlari qonuniylashtirilmoqda, mulkiy hamda meros bilan bog‘liq nizolarni bartaraf etish uchun huquqiy asoslar yaratilmoqda. Shuningdek, hududlarni rivojlantirishga oid hujjatlarni ishlab chiqish jarayonlari soddalashtirilib, qonuniy kapital aylanmasini kengaytirishga xizmat qilmoqda.

📊 Ma’lumot uchun, mazkur qonun ijrosi doirasida bugungi kunga qadar Xorazm viloyatida 6 745 nafar fuqaroning yer va mulkka bo‘lgan huquqlari e’tirof etilgan.

✅ Qonun ijrosini ta’minlash hamda fuqarolarning yer va mulkiy huquqlarini e’tirof etish ishlari Xorazm viloyat adliya boshqarmasi tomonidan izchil davom ettirilmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_aralashgach

❗️Fuqaro: Lavozimim qisqarganligini aytib, ishga qaytishimga ruxsat berishmadi

Farg'ona viloyati, Dang‘ara tumanida yashovchi fuqaro L.S. bola parvarishlash ta’tilidan so‘ng o‘zining avvalgi ish joyiga qaytish istagini bildirgan. Biroq, u faoliyat yuritgan maktabgacha ta’lim tashkiloti tomonidan shtatlar qisqarganligi sabab qilinib ishga qaytish haqidagi murojaatlari bir necha marta rad etilgan.

Fuqaroning Dang‘ara tumani adliya bo‘limiga qilgan murojaati o‘rganilganda, u 2021-yildan buyon maktabgacha ta’lim tashkilotida yordamchi tarbiyachi lavozimida ishlagani, homiladorlik va tug‘ish hamda bola parvarishlash ta’tilidan so‘ng ishga qaytish huquqi ta’minlanmagani aniqlandi.

Amaldagi mehnat qonunchiligiga ko‘ra, bola parvarishlash ta’tili davrida xodimning lavozimi saqlanishi lozimligi belgilangan.

Dang‘ara tumani Adliya bo‘limining aralashuvi bilan fuqaro L.S avvalgi lavozimiga qayta tiklandi va uning mehnat huquqlari ta’minlandi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

Huquqlarni e’tirof etishda aholiga yangi imkoniyatlar

Yangi Qonun bilan huquqlarni e’tirof etish jarayonlari osonlashadi, aholiga to‘lovlarda yengilliklar beriladi, bu boradagi muammolar tez va ortiqcha ovoragarchiliksiz hal etiladi. Bular haqida batafsil “Sayilgoh”da tomosha qiling!

Batafsil ko‘rish 👉 https://youtu.be/vUe0nfoT_hY