#Adliya_va_yoshlar

🏆 “Yilning eng faol yosh xodimi” tanlovining hududiy bosqichlari yakunlandi

⚖️ Oʻzbekiston Respublikasi Prezidentining “Yangi O'zbekiston yoshlari — 2030” strategiyasini 2026–2027-yillarda amalga oshirish hamda yoshlar bandligini ta'minlash bo'yicha qo'shimcha chora-tadbirlar to'g'risida”gi PQ-148-son qarori ijrosi doirasida Adliya organlari va muassasalarida “Yilning eng faol yosh xodimi” tanlovining hududiy bosqichlari o‘tkazildi.

📍 Tanlovning saralash bosqichlarida ishtirokchilar “Men haqimda”, “Tashabbuskorlik va faollik” hamda “Huquqiy muammoli holat (kazus)” shartlari bo‘yicha o‘z bilim va salohiyatlarini namoyish etdi.

🎓 Tanlov davomida yosh xodimlarning kasbiy bilimlari, huquqiy tafakkuri, tashabbuskorligi hamda amaliy ko‘nikmalari baholandi.

🚀 Hududiy bosqichlarda g‘oliblikni qo‘lga kiritgan ishtirokchilar tanlovning respublika bosqichida ishtirok etish huquqini qo‘lga kiritdi.

📅 Tanlovning respublika bosqichi joriy yilning 25–26-iyun kunlari Adliya vazirligida bo‘lib o‘tadi.

✨ Mazkur tanlov adliya tizimining eng faol, bilimli va tashabbuskor yosh xodimlarini aniqlash, ularni qo‘llab-quvvatlash hamda tajriba almashish muhitini yanada mustahkamlashga xizmat qiladi.

🤝 Respublika bosqichi ishtirokchilariga omad tilaymiz!

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_xabari

Adliya vaziri Yashnobod tumanida mahalla tizimi va jamoat xavfsizligiga oid taqdimotlar bilan tanishdi

📍20-iyun kuni adliya vaziri Akbar Tashkulov Yashnobod tumanida mahalla tizimi faoliyatini takomillashtirish, huquqbuzarliklarning oldini olish hamda xavfsiz muhitni ta’minlash bo‘yicha amalga oshirilayotgan ishlar bilan tanishdi.

🏢 Dastlab, Yashnobod tumani prokuraturasida aholi bilan manzilli ishlash, mahalla tizimi samaradorligini oshirish hamda fuqarolar murojaatlarini samarali hal etishga qaratilgan takliflar yuzasidan taqdimot o‘tkazildi.

📋 Muhokamalar davomida mahalla institutining aholiga yaqinligini kuchaytirish, ortiqcha byurokratik jarayonlarni qisqartirish, mas’ul idoralar o‘rtasidagi hamkorlikni mustahkamlash hamda hududlarda mavjud muammolarni tezkor bartaraf etish mexanizmlariga alohida e’tibor qaratildi.

🤝 Shuningdek, adliya vaziri Yashnobod tumanining “Navro‘zobod” mahallasida mahalla yettiligi vakillari bilan uchrashib, hududdagi kriminogen vaziyat, jinoyatchilik va huquqbuzarliklarning oldini olish borasida olib borilayotgan ishlar bilan tanishdi.

⚖️ Muloqot chog‘ida profilaktik tadbirlar samaradorligini oshirish, aholi xavfsizligini ta’minlash, fuqarolar bilan manzilli ishlash tizimini yanada takomillashtirish hamda mahallalarda osoyishtalikni mustahkamlash masalalari muhokama qilindi.

✅ Yakunda adliya vaziri tomonidan mas’ul tashkilotlar vakillariga mavjud muammolarni bartaraf etish, huquqbuzarliklarning oldini olish va xavfsiz muhit yaratish bo‘yicha tegishli topshiriq hamda ko‘rsatmalar berildi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot