🇺🇿🇰🇷 2027–2030-yillarga mo‘ljallangan intellektual mulk milliy strategiyasini ishlab chiqish yuzasidan Janubiy Koreya Respublikasi ekspertlari bilan uchrashuv o‘tkazildi.

Adliya vazirligida Koreya Respublikasi Intellektual mulk vazirligi huzuridagi Koreya Ixtirolarni rivojlantirish assotsiatsiyasi (KIPA) vakillari bilan uchrashuv bo‘lib o‘tdi.

📌 Mazkur uchrashuv O‘zbekiston Respublikasi Prezidentining 2025-yil 27-noyabrdagi PQ–358-son qarori ijrosi doirasida, 2027–2030-yillarga mo‘ljallangan intellektual mulk sohasini rivojlantirish bo‘yicha milliy strategiyani ishlab chiqish yuzasidan tashkil etildi.

🤝 Uchrashuvda Koreya tomoni vakillari — "LOUD" yuridik firmasi vakili va patent vakili Hong Seok Jang hamda KIPA Xalqaro hamkorlik bo‘limining guruh rahbari, katta ekspert - Sang Yeon Hwang ishtirok etdi.

💬 Muloqot davomida O‘zbekistonda intellektual mulk sohasidagi vakolatli davlat organlari va mavjud tizim, intellektual mulk huquqini himoya qilish mexanizmlari va huquqbuzarliklarga nisbatan javobgarlik choralari, shuningdek, sohani yanada rivojlantirish istiqbollari muhokama qilindi.

🌐 Shuningdek, milliy strategiyani ishlab chiqish jarayoniga xalqaro ekspertlarni jalb etish, Koreya Respublikasining ilg‘or tajribasini o‘rganish hamda ikki tomonlama hamkorlikni kengaytirish masalalari yuzasidan fikr almashildi.

📍 Tashrif doirasida Adliya vazirligi tizimidagi tashkilotlar, Oliy sud, Bosh prokuratura, Patent vakillari assotsiatsiyasi vakillari va baholovchi tashkilotlar vakillari bilan ham qator uchrashuvlar o‘tkazilishi rejalashtirilgan.

Adliya vazirligi delegatsiyasi tajriba almashish maqsadida Xitoy Xalq Respublikasining Sichuan provinsiyasi Guan’an shahrida bo‘lib, kambag‘allikni qisqartirish bo‘yicha ishchi guruhi va mahalliy mutasaddilar bilan uchrashuv o‘tkazdi.

Uchrashuvda Guan’an shahri va tumanida kambag‘allikni qisqartirish, qishloqlarni rivojlantirish, aholi bandligini ta’minlash hamda Xalqaro qishloq xo‘jaligini rivojlantirish jamg‘armasi (IFAD) loyihalarini amalga oshirish bo‘yicha tajribalar taqdim etildi.

Tadbir davomida:
🔹 kambag‘allikni qisqartirish mexanizmlari;
🔹 qishloq hududlarini kompleks rivojlantirish;
🔹 aholini kasb-hunar va tadbirkorlikka jalb qilish;
🔹 xalqaro moliyaviy loyihalarning samaradorligi kabi masalalar muhokama qilindi.

Shuningdek, tomonlar o‘zaro tajriba almashish, hamkorlikni yanada mustahkamlash va aholi farovonligini oshirishga qaratilgan loyihalarni qo‘llab-quvvatlash yuzasidan fikr almashdilar.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_xabari

2027–2030-yillarga mo‘ljallangan intellektual mulk milliy strategiyasini ishlab chiqish doirasida Koreya ekspertlari bilan uchrashuvlar davom etmoqda

13-may kuni Koreya Respublikasi Intellektual mulk vazirligi huzuridagi Koreya Ixtirolarni rivojlantirish assotsiatsiyasi (KIPA) delegatsiyasi vakillari O‘zbekiston Respublikasi Bosh prokuraturasi mas’ul xodimlari bilan uchrashuv o‘tkazdi.

Muzokaralar davomida O‘zbekistonda intellektual mulk huquqlarini himoya qilishning amaldagi mexanizmlari, huquqbuzarliklar uchun javobgarlik choralari, kontrafakt mahsulotlarga qarshi kurashish amaliyoti hamda tergov harakatlarini amalga oshirish masalalari muhokama qilindi.

Shuningdek, tomonlar milliy strategiyani ishlab chiqish jarayonida intellektual mulk huquqlari buzilishi oqibatida yetkazilgan zararlarni baholash va undirish mexanizmlarini takomillashtirish masalalari yuzasidan fikr almashdilar.

Bundan tashqari, KIPA vakillari ishtirokida O‘zbekiston Respublikasi

Oliy sudi sudyalari

bilan uchrashuv tashkil etildi. Uchrashuv davomida intellektual mulk bilan bog‘liq nizolarni

sud tartibida ko‘rib chiqish

amaliyoti, tovon pullarini undirish mexanizmlari, sud amaliyotida uchrayotgan

dolzarb masalalar

hamda xalqaro tajribalarni milliy amaliyotga joriy etish istiqbollari muhokama qilindi.

Kunning ikkinchi yarmida Koreya delegatsiyasi vakillari X. Sulaymonova nomidagi Respublika sud ekspertizasi markaziga tashrif buyurdi.

Tashrif davomida xalqaro ekspertlar

Sud iqtisodiy ekspertiza bo‘limi

faoliyati bilan yaqindan tanishib, intellektual mulk huquqlari

buzilishi natijasida

yetkazilgan zararlarni aniqlash va baholash metodologiyasi yuzasidan taqdimotlar bilan tanishdilar.

Mazkur uchrashuvlar intellektual mulk sohasida xalqaro hamkorlikni rivojlantirish, ilg‘or xorijiy tajribalarni milliy tizimga joriy etish hamda 2027–2030-yillarga mo‘ljallangan Intellektual mulk milliy strategiyasini ishlab chiqish jarayonini sifat jihatidan yangi bosqichga olib chiqishga xizmat qiladi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot