#Adliya_xabari #Yoshlar_kuni

🔴 Buxoroda “Rahbar va yoshlar” uchrashuvi: manzilli ishlash amalda

🔹Davlatimiz rahbari tomonidan joriy etilgan “Yoshlar kuni” doirasida Buxoro viloyatida yoshlar bilan manzilli ishlashning samarali mexanizmlari asosida uchrashuv tashkil etilmoqda.

🔹Xususan, viloyat adliya boshqarmasi boshlig‘i M. Isayev tomonidan e’tiborga muhtoj yoshlar bilan “Rahbar va yoshlar” uchrashuvi o‘tkazildi.

🔹Tadbir o‘ziga xos tarzda — qahva ustida, samimiy va norasmiy muhitda tashkil etilib, yoshlar bilan ochiq muloqot yo‘lga qo‘yildi. Ularning muammo va takliflari bevosita tinglanmoqda.

🔹Muloqot davomida yoshlarning ta’lim olishi, bandligi hamda ijtimoiy hayotga moslashuvi bilan bog‘liq masalalar muhokama qilinib, ularni kasb-hunar egallashga yo‘naltirish, sportga bo‘lgan qiziqishini qo‘llab-quvvatlash hamda bo‘sh vaqtini mazmunli tashkil etish yo‘nalishlariga alohida e’tibor qaratilmoqda.

🔹Shuningdek, yoshlarning huquqiy savodxonligini oshirish, o‘z huquq va manfaatlarini himoya qilish ko‘nikmalarini shakllantirish yuzasidan zarur tavsiyalar berilmoqda.

📌 Mazkur uchrashuvlar yoshlar bilan manzilli ishlashni kuchaytirish, ularning muammolarini joyida hal etish hamda huquqbuzarliklarning oldini olishga xizmat qilmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_xabari

🔴 Erta nikoh va zo‘ravonlikka qarshi tizimli yondashuv: targ‘ibot tadbirlari respublika bo‘ylab davom etmoqda

🔹O‘zbekiston Respublikasi Prezidentining 2026-yil 3-martdagi PF–33-son Farmoni ijrosini ta’minlash maqsadida uning mazmun-mohiyatini keng targ‘ib etishga qaratilgan seminar va uchrashuvlar respublikaning barcha hududlarida izchil o‘tkazilmoqda.

🔹Mazkur tadbirlar xotin-qizlar va bolalar huquqlarini himoya qilish, ularning ijtimoiy faolligini oshirish, shuningdek, tazyiq va zo‘ravonlik, erta nikoh hamda erta tug‘ruq holatlarining oldini olishga qaratilgan tizimli chora-tadbirlar doirasida tashkil etilmoqda.

🔹Tadbirlar davomida respublika ishchi guruhi, hududiy adliya organlari, Oila va xotin-qizlar tizimi hamda boshqa mas’ul tashkilotlar ishtirokida Farmonda belgilangan ustuvor vazifalar, amaliy mexanizmlar va idoralararo hamkorlikni kuchaytirish masalalari atroflicha muhokama qilinmoqda.

🔹Shuningdek, joylarda manzilli ishlash tizimini joriy etish, profilaktik ishlarni samarali tashkil etish, ayollar o‘rtasida huquqiy madaniyatni yuksaltirish hamda oilaviy qadriyatlarni mustahkamlash bo‘yicha tushuntirish ishlari olib borilmoqda.

📌 Mazkur targ‘ibot tadbirlari respublika bo‘ylab davom etib, joylarda huquqbuzarliklarning oldini olish, ijtimoiy muhitni sog‘lomlashtirish hamda aholi bilan to‘g‘ridan-to‘g‘ri muloqotni kengaytirishga xizmat qilmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_xabari #Yoshlar_kuni

🔴 Jazoni ijro etish muassasasida “Rahbar va yoshlar” uchrashuvi tashkil etildi

🔹Davlatimiz rahbari tashabbusi bilan joriy etilgan “Yoshlar kuni” doirasida Qashqadaryo viloyatida yoshlar bilan manzilli ishlashning yangi mexanizmlari asosida uchrashuv o‘tkazilmoqda.

🔹Xususan, Koson tumanida joylashgan 10-son jazoni ijro etish koloniyasida “Rahbar va yoshlar” uchrashuvi tashkil etilib, unda viloyat adliya boshqarmasi boshlig‘i S. Nuriyev ishtirok etdi.

🔹Uchrashuv davomida, yoshlar o‘zlarini qiziqtirgan savollarga javob olib, mutaxassislar tomonidan ularga huquqiy va amaliy tavsiyalar berildi.

🔹Tadbir yakunida kitobsevar yoshlar uchun badiiy adabiyotlar taqdim etilib, bu orqali ularning ma’naviy dunyoqarashini boyitishga alohida e’tibor qaratildi.

🔹Shu kuni boshqarma boshlig‘i tomonidan muassasadagi shart-sharoitlar, mahbuslar uchun yaratilgan imkoniyatlar hamda ta’lim olish tizimi bilan yaqindan tanishilib, amalga oshirilayotgan islohotlar yuzasidan fikr almashildi.

📌 Mazkur uchrashuvlar yoshlar bilan manzilli ishlashni kuchaytirish, ularning huquqiy savodxonligini oshirish hamda ijtimoiy moslashuv jarayonlarini qo‘llab-quvvatlashga xizmat qilmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot