#Adliya_xabari
#yoshlar_bilan

📍 Qoraqalpog‘istonda yoshlar uchun motivatsion uchrashuv tashkil etildi

Qoraqalpog‘iston Respublikasi adliya vaziri E. Tursunov rahbarligida Sport vazirligi bilan hamkorlikda “Jamiyatda o‘z o‘rniga ega bo‘lgan shaxslar va yoshlar o‘rtasida “Muvaffaqiyat sirlari” mavzusida motivatsion uchrashuv bo‘lib o‘tdi.

Tadbirda turli sohalarda yutuqlarga erishgan, jamiyatda o‘z o‘rniga ega bo‘lgan shaxslar ishtirok etib, yoshlar bilan o‘z hayotiy tajribalari, muvaffaqiyatga erishish yo‘llari hamda duch kelgan qiyinchiliklarni yengib o‘tish borasidagi fikrlari bilan o‘rtoqlashdi.

Uchrashuv davomida yoshlar o‘zlarini qiziqtirgan savollarga javob olib, kelajakdagi maqsad va rejalarini belgilashda muhim tavsiyalar oldilar.

Mazkur tadbir yoshlarning ijtimoiy faolligini oshirish, ularni yangi marralarga ruhlantirish hamda hayotda o‘z o‘rnini topishlariga ko‘maklashishga xizmat qildi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_aralashgach

📣 Ustama to‘lovlari undirib berildi

🔹 Urganch tuman adliya bo‘limi tomonidan fuqaro Sh.R va U.Dlarning murojaati o‘rganildi. Ular umumiy o‘rta ta’lim maktabida ingliz tili fani o‘qituvchisi sifatida faoliyat yuritib, 2024–2025-yillar hamda 2026-yilning o‘tgan davri davomida qo‘shimcha ustama haqlari to‘lanmaganidan norozi bo‘lib, amaliy yordam so‘rab murojaat qilgan.

🔰 O‘rganish jarayonida amaldagi qonunchilik talablari buzilgani aniqlanib, 2024-yilning ayrim oylarida, 2025-yil davomida hamda 2026-yilning yanvar–mart oylarida fuqaro U.Dga 25 423 904 so‘m, fuqaro Sh.Rga esa 36 542 183 so‘m miqdoridagi ustama to‘lovlari asossiz ravishda to‘lanmagani ma’lum bo‘ldi.

✅ Qonun buzilishini bartaraf etish maqsadida tuman adliya bo‘limi tomonidan tegishli tashkilotga taqdimnoma kiritildi. Natijada fuqaro Sh.Rga 36 542 183 so‘m hamda U.Dga 25 423 904 so‘m ustama to‘lovlari to‘lab berilishi ta’minlandi.

⚖️ Adliya organlari tomonidan fuqarolarning mehnat huquqlari himoya qilinmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#qonunchilikdagi_yangiliklar

❗️ Naqdsiz hisob-kitoblar amaliyotga joriy etildi

Davlatimiz rahbarining 2025-yil 10-dekabrdagi PF–246-son Farmoniga muvofiq joriy yilning 1-aprelidan boshlab ko‘chmas mulk hamda avtotransport vositalarini oldi-sotdi qilishda hisob-kitoblarni naqdsiz shaklda amalga oshirish tartibi yo‘lga qo‘yildi.

📊 Joriy yilning 1–2-aprel kunlari fuqarolar tomonidan mazkur tartib asosida hisob-kitoblarni amalga oshirish uchun jami 2 190 ta murojaat kelib tushdi.

🔹 Shundan:
▫️ 1-aprel kuni – 190 ta
▫️ 2-aprel kuni – 576 ta murojaat bo‘yicha shartnomalar notarial tasdiqlanib, to‘lovlar sotuvchilarga o‘tkazildi.

📌 Umumiy hisobda ikki kun davomida 766 ta bitim naqdsiz shaklda amalga oshirildi.
▫️ 532 tasi – transport vositalari
▫️ 234 tasi – ko‘chmas mulk oldi-sotdisi hissasiga to‘g‘ri keladi.

🤝 Adliya vazirligi tomonidan mazkur tizimni samarali yo‘lga qo‘yish maqsadida tijorat banklari bilan yaqin hamkorlikda ishlar olib borilmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Strategiya_2030

📊 "O‘zbekiston-2030" strategiyasining 2026-2030-yillarga mo‘ljallangan samaradorlik ko‘rsatkichlari

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

2026-yil 1-apreldan boshlab mamlakatimizda ko‘chmas mulk va transport vositalari bilan bog‘liq bitimlar to‘liq naqd pulsiz shaklga o‘tkazildi.

Shuningdek, qiymati 25 million so‘mdan yuqori bo‘lgan tovar va xizmatlar uchun to‘lovlar ham endilikda bank kartalari yoki elektron to‘lov tizimlari orqali amalga oshirilmoqda.

Xususan, Sirdaryo viloyatida ham bu tizim amaliyotga izchil joriy etilmoqda. Notariuslar va tijorat banklari o‘rtasida elektron axborot almashinuvi yo‘lga qo‘yilib, bitimlarni rasmiylashtirish jarayoni ancha soddalashdi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_xabari

❗️Naqd pulsiz hisob-kitoblar — shaffoflik va xavfsizlik kafolati

Davlatimiz rahbarining 2025-yil 10-dekabrdagi PF–246-son Farmoniga muvofiq 1-apreldan boshlab ko‘chmas mulk va avtotransport vositalari oldi-sotdisida hisob-kitoblar naqd pulsiz shaklda amalga oshirilmoqda.

✅ Adliya vazirligi va banklar hamkorligida fuqarolar uchun “eskrou” hisob raqamlarini ochishda “yashil yo‘lak” joriy etildi.

📌 Notarial idoralarda esa bank ma’lumotlari elektron tarzda olinib, bitimlar tezkor rasmiylashtirilmoqda.

🔒 Bu esa mulk huquqlarini ishonchli himoya qilish va firibgarlik holatlarining oldini olishga xizmat qilmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot