Hindiston milliy kriminalistika universiteti kampus direktori, professor Purvi Pokhariyalning fikrlari

Men ushbu beqiyos tarixiy tashabbusning bir qismi bo‘layotganimdan nihoyatda mamnunman. Mazkur tashabbus doirasida Hindiston va O‘zbekiston yagona platformada birlashib, National Forensic Sciences University (Hindiston Respublikasi Ichki ishlar vazirligi huzurida) hamda Toshkent davlat yuridik universiteti (O‘zbekiston Respublikasi Adliya vazirligi huzurida) hamkorligida Raqamli kriminalistika bo‘yicha tadqiqot va ekspertiza markazini tashkil etmoqda.

Ushbu markaz, shubhasiz, Markaziy Osiyo uchun mutlaqo yangi istiqbollarni ochib beradi. Zero, u kiberjinoyatchilikni tergov qilish bilan bog‘liq barcha masalalarga kompleks yechimlar taqdim etish imkonini beradi hamda O‘zbekiston va boshqa Markaziy Osiyo davlatlarining kiberjinoyatlardan xoli bo‘lishini ta’minlashga xizmat qiladi.

Biz ushbu tashabbus uzoq muddatli va barqaror natijalarga zamin yaratishiga qat’iy ishonch bildiramiz. Shuningdek, mazkur loyiha doirasida raqamli ma’lumotlar kriminalistikasi markazini tashkil etishni ham taklif etamiz. Bu esa, o‘z navbatida, mintaqada yangi siyosiy yondashuvlar va zamonaviy qonunchilik asoslarini shakllantirishga sezilarli hissa qo‘shadi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bote

#Adliya_xabari

Namanganda 6 mingga yaqin fuqaroning yer va mulk huquqlari e’tirof etildi

Namangan viloyatida fuqarolarning yer uchastkalari hamda undagi bino-inshootlarga bo‘lgan huquqlarini qonuniylashtirish ishlari izchil davom etmoqda.

Bugungi kunga qadar o‘zboshimchalik bilan egallangan yerlar va ularda qurilgan obyektlarga nisbatan 5830 nafar fuqaroning huquqlari qonuniy e’tirof etildi.

Shuningdek, Xalq deputatlari viloyat Kengashining 20-sessiyasi qaroriga muvofiq, yana 1136 nafar fuqaroning mulk huquqlari rasmiy tan olindi.

Mazkur chora-tadbirlar fuqarolarning mulkiy huquqlarini himoya qilish, ijtimoiy barqarorlikni mustahkamlash hamda noqonuniy qurilishlar bilan bog‘liq muammolarni tizimli hal etishga xizmat qilmoqda.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bote

#matbuot_anjumani

Arxiv hujjatlari – o‘tmish va kelajakni bog‘lovchi muhim ko‘prik

Arxiv hujjatlari huquqiy munosabatlarni tartibga solishda muhim ahamiyat kasb etadi. Ular orqali tarixiy asoslar mustahkamlanib, bugungi va kelajakdagi qarorlar uchun ishonchli manba yaratiladi.

Navoiy viloyat adliya boshqarmasi tomonidan jurnalistlar bilan tashkil etilgan muloqot aynan arxiv hujjatlari bilan tanishuvdan boshlandi. Unda tizimda hujjatlar saqlovi zamon talablariga mos ravishda yo‘lga qo‘yilgani, xavfsizlik, tezkorlik va qulaylik asosiy tamoyil ekanligi ta’kidlandi.

Shuningdek, matbuot anjumani davomida adliya organlarida olib borilayotgan islohotlar, raqamlashtirish jarayonlari, fuqarolar murojaatlari bilan ishlash hamda sohaga joriy etilayotgan yangiliklar haqida batafsil ma’lumot berildi.

Qizg‘in muloqot davomida jurnalistlar tomonidan ko‘tarilgan masalalarga ham atroflicha javob qaytarildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bote

#mehnat_yarmarkasi

Toyloqda xotin-qizlarni qo‘llab-quvvatlashga qaratilgan yarmarka o‘tkazildi

Adliya vazirligi tashabbusi bilan joylarda xotin-qizlarni qo‘llab-quvvatlash hamda ularning bandligini ta’minlash maqsadida mehnat yarmarkalari o'tkazilmoqda.

Samarqand viloyati, Toyloq tumanida tashkil etilgan mehnat yarmarkasi natijasida 2 nafar ishsiz xotin-qiz tumandagi 28- va 44-maktabgacha ta’lim muassasalariga ingliz tili o‘qituvchisi sifatida ishga joylashish uchun yo‘llanma oldi.

Mazkur tashabbus xotin-qizlarning huquq va imkoniyatlarini kengaytirish, ularning jamiyatdagi faolligini oshirish yo'lida xizmat qilmoqda.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bote